MATAYO 24:31 - BUKUIT NE TILIIL Sireet ne Dutero Kanon

³¹ Ak tuun iyooktoi malaikaisyekyik ak cheet ne oo ne po iryageet, ak koyum lewenikyik kobun usoonaik ang'wan, kobooch tabandap kipsengwet agoi tabanda age.

Bukuit Ne Tilil

³¹ Ak tuun iyooktoi malaikaisyekyik ak cheet ne oo ne po iryageet, ak koyum lewenikyik kobun usoonaik ang'wan, kobooch tabandap kipsengwet agoi tabanda age.

BUKUIT NE TILIL

³¹ Ak koyokto malaikaisiekyik ak cheet ne o ne bo iriaget, ak koyum lewenikyik kobunu usonaik ang’wan, koboch tabandab kipsengwet agoi tabanda age.

MATAYO 24:31 ပူးပေါင်းရင်းမြစ်များ

TIENWOGIKAL 22:27

Tuun ibwaati Kamuktaindet ne Toroor ole poochin ng'wony tugul ak koweekyigei ineendet; tuun kutung'jinin inyee ortinwek tugul che po pororyosyek.

TIENWOGIKAL 67:7

Iberuurech Kamuktaindet; Ak kogonyit ineendet komoswek tugul che po ng'wony.

TIENWOGIKAL 81:3

Oguut iryageet ko kaleel arawet, ye kagoeet arawet, eng' peetuunnyo ne po igoorto ne oo.

KOMONG'U 19:16

Eng' peetuutap somok anyun, ko kaeech kobiit tuloosyek ak kalyelosyek. Ki ilaach `pooldet ne tuui tulweet ak ki mi cheetap iryageet ne cheei kot. Kibotanso piik tugul che ki mi nganaseet.

ISAIAH 11:12

Tuun lumdoi penderet agobo pororyosyek, ak koyum che ki kitimda che po Israel, ak koyum che kiyesta che po Judah eng' luukwek ang'wan che po ng'wony.

ISAIAH 13:5

Punu icheek emet ne loo, ole pooch tabandap kipsengwet, ineendet Kamuktaindet ne Toroor, ak kariigap nereegekyik, si kobiit kong'em emet komugul.

ISAIAH 27:13

Ak tuun kiguutei iryageet ne oo eng' peetuunooto; icheek che kinegit kolusyo eng' emetap Assyria kobooto che kigetimda eng' emetap Misiri ko tuun pwoonei kolas Kamuktaindet ne Toroor eng' tulweet ne tiliil eng' Jerusalem.

ISAIAH 42:10

Otyenji Kamuktaindet ne Toroor tyendo ne leel, otyen kalasunennyi kobooch tabandap ng'wony; okweek che ochoortoige nyanjet ak tugul che mi oriit, ngeguusyek ak piik che menyei olooto.

ISAIAH 43:6

Amwachini murot kaataam, aleenjini, Koonu; ak amwachi murot tai aleenji, Ametuuch; omutu weeriikyuk kobun ole loo, ak omutu tiibiikyuk eng' ole poochin ng'wony;

ISAIAH 45:22

Onyala, si kesorwok, okweek tabanwek tugul che po ng'wony: amu aa Kamuktaindet, ama mi age.

ISAIAH 49:18

Ing'eet met ak igeer komoswek tugul: iyumigei chuuto tugul, ak kobwonjin. Mwaei Kamuktaindet ne Toroor kole, ko uu ye asabe, iman, ilaachi tuguuchooto tugul ko uu kiit ne po lelesta, ak igermenegei icheek, ko uu ye kermenigei murereet.

ISAIAH 60:4

Ing'eet met ak igeer komoswek tugul: iyumigei icheek tugul, ak kobwonjin: punu weeriiguk ole loo, ak keganabu tiibiiguk.

SEKARIA 14:5

Ak omwei obun atebweetap tuloonookyuk; amu itei atebweetap tuloonoogap Asel: ee, omwei, ko uu ye ki omwei ye kibotani ng'wony eng' peetuusyegap Uzziah laitoryatap Judah: ak konyo Kamuktaindet ne Toroor Kamuktaindennyu, komi piik tugul che tiliileen kobooto ineendet.

SEKARIA 2:6

Mwaei Kamuktaindet ne Toroor kole “Eiye, eiye! Omwei eng' emetap murot kaataam, amu ki aseerak ko uu usoonaik ang'wan che po kipsengwet.

SEKARIA 6:5

Ak ki wol malaikaiyat koleenjo chuuto ko usoonaik ang'wan che po kipsengwet che pendi eng' ole katonone eng' taitap Kiptaiyat ne po ng'wony komugul.

SEKARIA 9:10

Ak ang'em chepkichutitap lugeet eng' Ephraim, kobooto paraisiit eng' Jerusalem, ak kigees kwangetap pooryeet; ak komwachi pororyosyek kaalyeet; ak pochitu pounatennyi nyanjet age agoi nyanjet age, ak koboochit aineet agoi ole poochin ng'wony.

SEKARIA 9:14

Ak kotook Kamuktaindet ne Toroor eng' paragunnywa, ak kwo ne kipchabennyi ko uu kalyeleet; ak koguut Kiptaiyat Kamuktaindet ne Toroor iryageet, ak kwo kobooto kipchurchurinik che po murot tai.

MATAYO 13:41

Iyooktoi Weeriitap chii malaikaisyekyik, koba koyum komang'une laitornateennyi, tuguuk tugul che inachi piich, ak icheek che yaei tengek,

MATAYO 24:22

Ak nda ma kiga keetil konwagitu peetuusyechooto, ta ma ki saru chii; ago kitilei peetuusyechooto agobo che lewenotin.

MATAYO 24:24

Amu tuun ng'eetos Kristoisyek che po lembech ak maotik che po lembech, ak koboortoi kaboorunoik ak kwang'utik che eecheen; si kobeet, nda imugaksei, agot che lewenotin.

MATAYO 24:32

“Oneetkei anyun kalewenetap mogoywet: ye kang'arng'aritu mooriikyik, ak kong'atyo sogeek, onai ole neegit kesisyet.

MATAYO 25:31

“Ye nyo Weeriitap chii eng' toroornatennyi, kobooto malaikaisyek tugul, kotebee anyun ng'echereetap toroornatennyi.

MATAYO 28:18

Ak ki nyoonji `Jeso icheek ak koleenji, “Ki kegoono kimnateet tugul eng' kipsengwet ak ng'wony.

MARIKO 13:27

Yeityo koyookto malaikaisyek, ak koyum lewenikyik, kobun usoonaik ang'wan, kobunu tabandap ng'wony agoi tabandap kipsengwet.

LUKA 24:47

ak keamdaat eng' pororyosyek tugul siguunet ak nyoetap kaat ne po tengekwogik eng' kainennyi, ki taune Jerusalem.

JOHANA 11:52

ma agobo pororyet ineegei, ago si kobiit koyum lagogap Kamuktaindet che yestootin si kobiit koek agenge.

ROMANIK 10:18

Ago ateebee ale, tos ki ma kas? Ee, iman, “Ki wo tweguunennywa koyom emet komugul, ak ki pa ng'aleekwak agoi ole poochin ng'wony.”

1 KORINTOEK 15:52

eng' ne matya, eng' kamismisetap konda, eng' iryageet ne po let: amu cheei iryageet, si king'eet che ki kobek koma kotinyei nunet, ak kewalech.

EPESOEK 1:10

agoi tononjinet ne po riipseetap peetuusyek che yamegei, si koyum tuguuk tugul eng' Kristo, tuguuk che mi kipsengwet, ak tuguuk che mi ng'wony eng' ineendet,

NG'ATUTIK 30:4

Ngo mi che ki iyestoochi tabanwegap kipsengwet, koyumin ak komutun eng' olooto Kamuktaindet ne Toroor Kamuktaindeng'ung'.

NG'ATUTIK 4:32

Teep anyun nguno agobo peetuusyek che ki kosiirto che kisip kondounenen kobooch ngap kotoi Kamuktaindet koyai chii eng' ng'wony, kobooch tabanda age ne po kipsengwet agoi tabanda age, teep ngo ki kobiit kiit age ne oo ne uu ni anan ngo kigegasei?

1 THESSALONIKEK 4:16

Amu choorugei Kiptaiyat ineendet eng' kipsengwet, kobooto tweguunet ne oo, ak kutitap malaikaiyat ne oo, ak iryageetap Kamuktaindet: ak isip kong'eetos che ki pek eng' Kristo:

2 THESSALONIKEK 2:1

Kisoomok anyun, che kitupche, agobo nyonunetap Kiptaiyandennyo Jeso Kristo, ak kayumennyo pogei ne kiyumjinigei ineendet;

HEBRANIK 12:19

ak cheetap iryageet, ak tweguunet ne po ng'aleek, ne ki soom icheek che kigasei kole si mata kemwachi icheek ng'olyoo age tugul:

NG'ANG'UTYET 1:20

Ung'ootyetap kecheik tisap che kegeer eng' eunnyu ne po tai, ak keelyek tisap che po taisyek che po thahabu ko uu ni: kecheichooto tisap ko malaikaisyegap kanisosyek tisap: ak kelyechooto tisap po taisyek ko kanisosyek tisap.

NG'ANG'UTYET 11:15

Ak ki kuut malaikaiyatap tisap; ak ki piit tweguunoik che eecheen eng' kipsengwet, ak ki mwa kole, “Kagoek laitornatetap ng'wony laitornatetap Kiptaiyandennyo, ak ne po Kristo; ak laitorani inee koigeny ak koigeny.”

NG'ANG'UTYET 7:1

Kingo pata niito ageer malaikaisyek ang'wan kotonondos eng' luukwek ang'wan che po ng'wony, konamei usoonaik ang'wan che po ng'wony, si mata kousyi usoonet ng'wony, anan nyanjet, anan keetit age tugul.

NG'ANG'UTYET 8:2

Ak ki ageer malaikaisyek tisap che kitonondos eng' taitap Kamuktaindet; ak ki kigoochi iryagook tisap.