MATAYO 19:28 - BUKUIT NE TILIIL Sireet ne Dutero Kanon

²⁸ Ki leenji `Jeso icheek, “Amwaiwok iman ale, eng' kalelitetap tuguuk tugul, ye tuun tebee Weeriitap chii ng'echereetap toroornatennyi, okweek che koosubwo ko tuun otebee ak okweek ng'echerok taman ak aeng' che po laitornatet, orwookyini ortinwek taman ak aeng' che po Israel.

Bukuit Ne Tilil

²⁸ Ki leenji `Jeso icheek, “Amwaiwok iman ale, eng' kalelitetap tuguuk tugul, ye tuun tebee Weeriitap chii ng'echereetap toroornatennyi, okweek che koosubwo ko tuun otebee ak okweek ng'echerok taman ak aeng' che po laitornatet, orwookyini ortinwek taman ak aeng' che po Israel.

BUKUIT NE TILIL

²⁸ Ak kilenji Jesu ichek, Amwawok, iman, ale, Okwek che koosubwa, eng’ yaet ne leel ye tun tebe Weritab chi ng’echeretab torornatennyi, otebe ak okwek ng’echerok taman ak aeng’ che bo laitornatet, oruokyini ortinwek taman ak aeng’ che bo Israel.

MATAYO 19:28 ပူးပေါင်းရင်းမြစ်များ

1 LAITORINIK 18:31

Ki nam Elijah koik taman ak aeng', ko uu koitetap ortinwegap weeriigap Jakobo, ne ki nyoonji ng'olyootap Kamuktaindet ne Toroor, koleenji, “Egu kaineng'ung' Israel.”

2 ATEPTAP PEETUUSYEK 9:19

Ki tonondos itoonwek tamanu ak aeng' che po ng'etuunyik eng' komoswek tuwai eng' tuguuchooto lo kityegoti ketogostoi. Ki ma komi age ne kergei ak nooto ne ki kiyai eng' laitornatet age tugul.

EZRAH 6:17

Ki igoito kiruugik pogol agenge, mengichik pogol aeng', aaregap keechiir pogol ang'wan eng' peetuutap katabaanetap koyooto po Kamuktaindet. Ak ki igoito kwesik taman ak aeng' koek kagoochinetap tengekto agobo Israel tugul kobee koitetap ortinwegap Israel.

KOMONG'U 15:27

Ki it anyun icheek ole kiguure Elim, ole ki mi kong'igap peek tamanu ak aeng' ak tiironigap sosik tamanwogik tisap; ak ki imuung'ee icheek ole neegitee peechooto.

KOMONG'U 24:4

Ki sir Musa ng'aleek tugul che po Kamuktaindet ne Toroor ak king'eet karon ko tuui ak koteech kaptisisyet eng' tulweet keel. Kiteeche koik tolochik taman ak aeng' ko uu ortinwek taman ak aeng' che po Israel.

KOMONG'U 28:21

Egu koichooto taman ak aeng' ko uu kainaigap piigap Israel. Pendi ko uu kainaikwak ko uu ye kiwaei ng'ookset, tinyei koita age tugul kainennyi ak ko pee ortinwek taman ak aeng'.

ISAIAH 65:17

Ogeero, atau ayae kipsengwet che leelach ak ng'wonyut ne leel: ama kibwaati tuguuk che po tai, ama kochutei metit.

ISAIAH 66:22

Amu ko uu ye tebee tainnyu kipsengwet che leelach ak ng'wonyut ne leel, che ta ayae, ko uu nooto tebyei iyoteng'wong' ak kaineng'wong' eng' tainnyu, mwaei Kamuktaindet ne Toroor.

ATEPTAP LAWIK 24:5

“Inemu peek che ng'ootiin che tambulul kiloinik taman ak aeng' ak ibeel magatiinik taman ak aeng'. Yamei magatyat agenge kiloinik aeng'.

MATAYO 16:27

Tuun nyoonei Weeriitap chii eng' liilindap Kwandanyi kobooto malaikaisyekyik, ak kogoochi chii age tugul ko uu poisyonikyik.

MATAYO 19:27

Ki wolji Petero anyun koleenji, “Keero, kigebagaakte tuguuk tugul, ak ki kisubun. Kinyooru nee anyun acheek?”

MATAYO 20:21

Ak kiteebe koleenji, “Imache nee?” Kowol kole, “Ng'at ile kotebee age eng' weeriichuchuk aeng' eung'ung' ne po tai, ak age eung'ung' ne po kaataam eng' laitornateng'ung'.”

MATAYO 25:31

“Ye nyo Weeriitap chii eng' toroornatennyi, kobooto malaikaisyek tugul, kotebee anyun ng'echereetap toroornatennyi.

MATAYO 6:33

Ago ocheeng' korook laitornatennyi, (ne po Kamuktaindet) ak imandanyi; si keteswook tuguuchu tugul.

MATAYO 8:20

Ak ki leenji Jeso, Tinyei lelwek keriingonik, ak tinyei toriitik che po parak kesonok; ago ma tinyei Weeriitap chii ole indoi metinnyi.

MARIKO 10:37

Ak ki leenji, “Koonech ketebee, age eung'ung' ne po tai, ak age eung'ung' ne po kaataam, eng' telunateng'ung'.”

POISYONIGAP CHE KIYOKTOI 3:21

ne kanyool kotaach kipsengwet agoi peetuusyek che kiwale tuguuk tugul komiagitu, che king'alaalee Kamuktaindet eng' kutuswegap maotikyik che tiliileen che ki mi kobooch taunetap ng'wony.

2 TIMOTEO 2:12

ngemuite, ko tuun ki pou kobooto ineendet: ngot keeesye ineendet, ko tuun eesyoech agine:

JOSHUA 3:12

Olewen anyun piik taman ak aeng' eng' ortinwegap Israel, chiito agenge eng' ooreet age tugul.

2 PETERO 3:13

Ago, kigeni kipsengwet ne leel ak ng'wonyut ne leel ko uu arorutyennyi, ole menyei imanda.

NG'ANG'UTYET 11:16

Ak ki ibutyi ng'wony poisyek tiptemu ak ang'wan, che tebee taitap Kamuktaindet eng' ng'echerokwak che po toroornatet, ak kolas Kamuktaindet,

NG'ANG'UTYET 12:1

Ak ki took kaboorunet ne oo eng' kipsengwet; kwondo ne ki ilaachi asiista, ak komi arawet keluutap keldebesaikyik, ak ki mi metinnyi kuutweetap kecheik taman ak aeng'.

NG'ANG'UTYET 20:4

Ak ki ageer ng'echerogap laitornatet, ak kitebee icheek, ak ki kigoochi icheek korwooch. Ak ki ageer saboonwegap icheek che ki kitil metowek amu paornateetap Jeso, ak agobo ng'olyootap Kamuktaindet, ak icheek che ki ma kolasu tyondo, anan kanamwennyi, ak che ki ma nyoor perutyet eng' togoochikwak anan eng' eunekwak; ak kisopcho ak kolaitoran kobooto Kristo kenyiisyek eliphuut.

NG'ANG'UTYET 21:5

Ak ki mwa ineendet ne tebee ng'echereetap laitornatet kole, “Ogeero, ayae tuguuk tugul koleelagitu.” Ak ki le, “Sir, amu ng'aleechu ko che kiyani ak ko po iman.”

NG'ANG'UTYET 22:2

eng' kwenutap oriitinnyi. Ak ki mi keetitap saboon ainonooto, komosi ak komosi, ne yiei logoek taman ak aeng' che teerchiin, ak koyiei logoekyik eng' arawet age tugul: ak kisoobi pororyosyek eng' sogegap keetoto.

NG'ANG'UTYET 22:5

Ama komi kemout kogeny; ama machei lapkeiyetap tait, anan ko lapkeiyetap asiista; amu igoochin icheek lapkeiyet Kiptaiyat Kamuktaindet, ak laitorani icheek koigeny ak koigeny.

NG'ANG'UTYET 3:21

“Ineendet ne iterteeri, kotun agoochini kotebi kobooto eng' ng'echerennyu ne po laitornatet, ko uu ye ki aterteer agane ak ketebi ak Abba eng' ng'echerennyi ne po laitornatet.

NG'ANG'UTYET 4:4

Kiyiem ng'echeranooto po laitornatet, ng'echerok tiptemu ak ang'wan che po laitornatet ak kotebee poisyek tiptemu ak ang'wan ng'echerochooto. Ki ilaachi ngoroik che leelachen ak kotinyei eng' metowekwak kutonook che po thahabu.

NG'ANG'UTYET 7:4

Ak ki agas koitetap icheeget che ki king'ooch, ko ki ek eliphuusyek pogol ak artam ak ang'wan, che ki king'ooch eng' ooreet age tugul ne po piigap Israel.