MATAYO 18:28 - BUKUIT NE TILIIL Sireet ne Dutero Kanon

²⁸ “Ago kimanda otwogindonooto kai, ak konyoor age ne kiboisyei tuwai, ne kigabesen inee dinarisyek pogol. Ki nam ineendet kaatit ak kole, ‘Yaakwo che ki ibesena.’

Bukuit Ne Tilil

²⁸ “Ago kimanda otwogindonooto kai, ak konyoor age ne kiboisyei tuwai, ne kigabesen inee dinarisyek pogol. Ki nam ineendet kaatit ak kole, ‘Yaakwo che ki ibesena.’

BUKUIT NE TILIL

²⁸ Ago kimanda otwogindonoto, ak konyor age ne kiboisiei tuwai, ne kibesen inendet denarisiek bogol: ak kinam inendet kaatit, ak kole, Yaakwa che kiibesena.

MATAYO 18:28 ပူးပေါင်းရင်းမြစ်များ

NEEMIA 10:31

Ak ngot koip piigap emet, tuguuk che ki aldoi anan ko amitwogik eng' peetuutap sabato kole koalda, koma ki ale eng' peetuutap sabato anan ko eng' peetuut ne itabaanat. Ki metoi kenyiitap tisap ak kemete yaaksetap pesendo age tugul.

NEEMIA 5:7

Ki abwaat anyun aneege, ak ki kitiiye ak piik che taagunotiin ak pounik, ak aleenji icheek, “Omage keljinet ne siirei ne nyolu, chii age tugul tupchennyi.” Ak ki ayai tuiyet ne oo kegirindae icheek.

KALEWANAIK 28:3

Chiito ne ma tinyei kiy ne usei kibananook ko uu usoonetap ropta ne ng'emei amitwogik.

ISAIAH 58:3

Mwaei icheek kole, amu nee si kirugutige, amegeere? Amu nee si kinyalil acheek saboonwekyok, amemage kiy? Ogeero, onyooru poiboiyeng'wong' eng' peetuutap karuguteng'wong' pogei, ak omage piik tugul che poisyewok tuguuk che siirtoot.

EZEKIEL 45:9

Mwaei Kiptaiyat Kamuktaindet ne Toroor kole: Ingoyamak nooto, ee pounigap Israel: oiste koroomnateet ak ng'emisyet, ak oyai kirwooget ak imanda; oiste yaakset ne oyaache piikyuk eng' kimnateet, mwaei Kiptaiyat Kamuktaindet ne Toroor.

MATAYO 18:27

Koriree kiptaiyandanooto inee, ki ityaach ak konyochi kaat eng' pesendo.

MATAYO 18:29

Ki ibutyi ng'wony anyun ne kiboisyei tuwai, kosoom ineendet, kole, ‘Muitaiwo kitigin, si ayaagun.’

MATAYO 20:2

Ye kingo kagoyanjin ak meechooto kogoochi dinarit agenge eng' peetuut agenge, koyookto koba mbareennyi.

MARIKO 14:5

Amu katayamei kealdae mwai che siirei dinarisyek pogol somok, ak kigoochi kibananook. Ak ki ing'unyng'ung'ji ineendet.

MARIKO 6:37

Ago ki wolji koleenji, “Ogoochi okweek amitwogik.” Ki leenji, “Kibe keal magatiinik che po dinarisyek pogol aeng', si kigoochi koam?”

LUKA 10:35

Ak mutai konem dinarisyek aeng', kogoochi chiitap ko po koot, ak koleenji, ‘Riip ineendet; ak tuguuk alak tugul che inyae che siirei chu, kotuun kaweege, anyo ayaagun.’

LUKA 7:41

Kole, “Ki mi pesendoindet anum ne ki tinyei pesenikyik aeng': kibesen age dinarisyek pogol muut, ak kibesen age konom.

JOHANA 6:7

Kowolji `Philipu ineendet koleenji, “Mayamei icheek magatiinik che po dinarisyek pogol aeng', si konyoor age tugul kitigin.”

NG'ATUTIK 15:2

Ak uu ni katyagonooto: ingobagaakta age tugul ne yaaksei tugul che ki kobesendochi chiitap kokwennyi, amat koyaach chiitap kokwennyi anan ne tupcho. Amu kagemwaita katyaknatetap Kamuktaindet ne Toroor.