MATAYO 12:46 - BUKUIT NE TILIIL Sireet ne Dutero Kanon

⁴⁶ Kingo ta kong'alaaljin tuiyosyek, ko kitonondos eng' saang' kamet ak che tupcho, kocheeng'ei kong'alaalji ineendet.

Bukuit Ne Tilil

⁴⁶ Kingo ta kong'alaaljin tuiyosyek, ko kitonondos eng' saang' kamet ak che tupcho, kocheeng'ei kong'alaalji ineendet.

BUKUIT NE TILIL

⁴⁶ Kingota kong’alaljin tuiyosiek, ogeero, kitonondos eng’ sang’ kamet ak che tupcho, kocheng’ei kong’alalji inendet.

MATAYO 12:46 ပူးပေါင်းရင်းမြစ်များ

MATAYO 1:18

Ki uu ni sigeetap Jeso Kristo: Ye kingo kagogosyin Joseph kotungei ak Maria kametap Jeso, kotomo kotuiyo, kotook keele managaat ineendet eng' Kabuuset ne Tiliil.

MATAYO 12:47

Ki mwachi chii age koleenji, “Keero, mi saang' kamenng'ung' ak che otupche, cheeng'ei kong'alaalun.”

MATAYO 13:55

Tos ma weeriitap musogindet ni? Ma kiguure kamet Maria ak weeriik che tupcho ko Jakobo, Joseph, Simion, ak Judas?

MATAYO 2:11

Ki pa koot oriit ak ki keer lakweet ne ming'in kobooto kamennyi Maria. Ki ing'uruukso eng' teegis kolas ineendet ak kotyach konoraikwak che po kamanuut, ak kogoochi ineendet kagoochinoichooto po thahabu, tuguuk che nyamdut ak tuguuk che uu igomoik.

MATAYO 2:20

koleenji, “Ng'eet, imut lakweet ak kamet, ak obe emetap Israel amu kogobek che ki cheeng'ei kobar lakweet.”

MARIKO 2:21

“Ma mi chii ne napchin akwot ne leel ngoryeet ne oos, si ma kereer `ne leel ne oos ak kotesak ole kagereer.

MARIKO 6:3

Tos ma musogindet niito, weeriitap Maria, ne tupcho ak Jakobo, Joses, Judah, ak Simion? Tos ma mi kobootech eng' olinyo chepkametisyekyik?” Ak kinyoor kanagutyet eng' ineendet.

LUKA 1:43

Ak katepto ano kot anyooru niito, kot konyoonjo kametap Kiptaiyandennyu?

LUKA 2:33

Ak ki kwong'yo Joseph ak kametap lakweet agobo tuguuchooto kagimwa agobo ineendet;

LUKA 2:34

ak ki iberuur Simion icheek, ak koleenji Maria kamennyi, “Keero, kaginde lakwani si kobutyo che chaang' ak kong'eetyo che chaang' eng' Israel; asi koek kaboorunet ne tuun kieesyoi;

LUKA 2:48

Ak ye kingo keer ineendet, kokwong'yo: ak ki leenji `kamennyi ineendet, “Lakwani, kalya si iyaiywech ko uu ni? Keero, kogicheeng'in anee ak kwandang'ung' eng' arageneet.”

LUKA 2:51

Ki choorgei anyun kobooto icheeget, ak kiit Nazareth; ak kigase iit icheek: ak kigonor kamet ng'aleechooto tugul eng' muguleldanyi.

LUKA 8:10

Ak ki le, “Kagigoonok okweek onai ung'ootik che po laitornatetap Kamuktaindet: ago kimwachin alak eng' kalewenaik; ‘si ye keertoi koma keerei kiy, si ye kasei koma naei.’

JOHANA 19:25

Ago kitonondos eng' ye neegitee kimurtoiyotap Jeso kamet, ak chepkametap kamet, Maria ne po Klopa, ak Maria Magdalene.

JOHANA 2:1

Eng' peetuut ne po somok ko ki mi katunisyet eng' Kana ne po Galilaya; ak ki mi olooto kametap Jeso.

JOHANA 2:12

Kingo pata niito, kochoortagei Kapernaum, kobooto kamet, ak che tupcho, ak kasubikyik: ak kibeni olooto peetuusyek che matya.

JOHANA 2:5

Koleenji kamet otwogik, “Kiy age tugul ne kamwaiwok, oyai.”

JOHANA 7:10

Ago ye kingo togosta tupchosyekyik igoorto, kotogosta agine, ago ma ibartaatkei, ago ki wo ko uu ne ung'ootegei.

JOHANA 7:3

Ki leenji anyun tupchosyekyik, Ui eng' oli, ui agoi Judea, si kogeer kasubiguk ak icheek poisyoniguk che iyae.

JOHANA 7:5

Amu agot tupchosyekyik ak icheek, koma iyan ineendet.

POISYONIGAP CHE KIYOKTOI 1:14

Ki tebi chu tugul eng' kabwaatet agenge eng' kagiiletapkei ne po saaet, kobooto kobogorisyek ak Maria kametap Jeso, ak tupchosyegap Jeso.

1 KORINTOEK 9:5

Tos ma ki tinyei kimnateet kimutate osotyot ne iyanaat, ko uu alak che kiyooktoi, ak tupchosyek che po Kiptaiyat, ak Kepha?

GALATYEK 1:19

Ago ma ageer alak eng' che kiyooktoi, kobatee Jakobo ne tupcho ak Kiptaiyat.