MARIKO 8:31 - BUKUIT NE TILIIL Sireet ne Dutero Kanon

³¹ Ki toi koneet icheek kole, kanyool konyalil Weeriitap chii eng' tuguuk che chaang', ak koeesyo poisyek, tisiik che eecheen ak siriik ak kebar, ak ye igeskei peetuusyek somogu kong'eet kogeny.

Bukuit Ne Tilil

³¹ Ki toi koneet icheek kole, kanyool konyalil Weeriitap chii eng' tuguuk che chaang', ak koeesyo poisyek, tisiik che eecheen ak siriik ak kebar, ak ye igeskei peetuusyek somogu kong'eet kogeny.

BUKUIT NE TILIL

³¹ Ak kitoi konet ichek, kole, kanyol konyalil Weritab chi eng’ tuguk che chang’, ak koesio boisiek, ak tisiik che eechen, ak sirik ak kebar, ak ye igesgei betusiek somogu, kong’eet kogeny.

MARIKO 8:31 ပူးပေါင်းရင်းမြစ်များ

TIENWOGIKAL 118:22

Koita ne ki eesyo teegik, kaek nooto metitap luuita.

ISAIAH 53:3

Ki kisas, ak ki eesyo `piik ineendet; chiitap aragenosyek, ne ingen ng'wanindo: ak ki kisas ineendet ko uu chiito ne ung'e piik togoochikwak, ama kiit ineendet keele kiy.

HOSEA 6:2

Isoobech ye ibata peetuusyek aeng'u: ak kong'eeteech eng' peetuut ne po somok, ak kesapche eng' tainnyi.

JONAH 1:17

Ak ki chop `Kamuktaindet ne Toroor njiryot ne oo si kobiit kolugui Jona; ak ki tebee `Jona moetap njiryot peetuusyek somok ak kemousyek somok.

MATAYO 12:40

Ko uu ye ki mi Jona peetuusyek somok ak kemousyek somok moetap njiryot ne oo miising', ko uu nooto tuun tebee Weeriitap chii peetuusyek somok ak kemousyek somok ng'wony oriit.

MATAYO 21:42

Ki leenji `Jeso icheek, “Tom osoman siruutik keele: ‘Koita ne ki eesyo teegik, ko koek nooto metit ne po luuita; punu Kiptaiyat niito ak po kwang'ut eng' konyekyok?’

MATAYO 27:63

ak koleenji, “Kiptaiyat, kibwaati keele ki mwa kaberberindonooto kota kosabei kole, ‘Ye ibata peetuusyek somogu, ang'eete kogeny.’

MARIKO 12:10

Tom osoman siruutichu; ‘Koita ne ki eesyo teegik, ki kiyai nooto koek metitap luuita.

LUKA 17:25

Ago kanyool konyalil eng' tuguuk che chaang' ak koeesyo ineendet ibini.

LUKA 24:26

Ki ma nyoljin Kristo konyalil eng' tuguuchu, si komong'ji toroornatennyi?”

LUKA 24:44

Ak ki leenji icheek, Chu ko ng'aleekyuk che ki kamwaiwok, ye kingo ta ami kobootok, ko uu ye kanyool kosulda tuguuk tugul, che ki kisir eng' Ng'atuutik che po Musa, ak eng' maotik, ak eng' tyenwogigap kalasunet, agobo anee.

JOHANA 12:48

Ineendet ne eesyoa, ama taachei ng'aleekyuk, kotinyei ne irwookyin: ng'olyoot ne ki amwa, nooto ne irwookyin ineendet eng' peetuutap let.

JOHANA 2:19

Kowolji Jeso koleenji, “Ong'em hekaluni, si ang'eet kogeny eng' peetuusyek somok.”

POISYONIGAP CHE KIYOKTOI 7:35

“Musa niito ne ki eesyo icheek, koleen, ‘Ng'oo ne koindein iegu pounindet ak kirwoogindet?’ Ineendet ne ki iyookto Kamuktaindet eng' eutap malaikaiyat ne ki mong'ji ineendet eng' keetit si kobiit koek pounindet, ak katyagindet.

1 KORINTOEK 15:4

ak ki kitup; ak ki king'eet eng' peetuutap somok ko uu ye mwaei siruutik;

1 SAMUEL 10:19

Ago kaoeesye ra Kamuktaindeng'wong' ne ineendet ko sarwok eng' pichiinwekwok ak nyalilwogikwok tugul. Komwa ole, ‘Achicha, itoroorwech laitoryat koboiywech.’ Obwa anyun taitap Kamuktaindet ne Toroor obwanune pororyosyekwok ak ortinwekwok.”

1 SAMUEL 8:7

ak koleenji `Kamuktaindet ne Toroor Samuel, “Kas ng'aleegap piik agobo tuguuk tugul che kamwaun, amu ma inyee ne kaeesyo ago kaeesyo anee kole ma egu laitoryat eng' icheek.