MARIKO 7:21 - BUKUIT NE TILIIL Sireet ne Dutero Kanon

²¹ Amu mang'une oriit, eng' muguleldap chii, kabwaatutik che yaach: sokseet, choorsosyek, rumisyosyek, ibeetapkei,

Bukuit Ne Tilil

²¹ Amu mang'une oriit, eng' muguleldap chii, kabwaatutik che yaach: sokseet, choorsosyek, rumisyosyek, ibeetapkei,

BUKUIT NE TILIL

²¹ Amu mong’une orit, eng’ muguleldab chi, kabwatutik che yaach, sokset, chorsosiek, rumisiosiek, ibetab ge,

MARIKO 7:21 ပူးပေါင်းရင်းမြစ်များ

TAUNET 6:5

Ki keer Kamuktaindet ne Toroor kole, oo miising' tengektap kimugulmet eng' ng'wony, ak kabwaatutik tugul che po muguleldanyi ko tengekto kityo peetuut age tugul.

TAUNET 8:21

Kingo ng'uuchi `Kamuktaindet ne Toroor anyinyindo kobun kaptisiisyo, kotil ineendet eng' muguleldanyi kole, “Ma achube ng'wony kogeny agobo chii amu yaacheen kabwaatutigap muguleldap chii kobooch koming'in. Ma abare tuguuk tugul che saptos kogeny agoi ko uu ye ki ayai.

Kitabuutap JOB 14:4

Ng'oo ne imuuchi komoong'une ne anyiny ole ng'waan? Ma mi, agot agenge.

Kitabuutap JOB 25:4

Imuktoi ano anyun chii koek ne po iman eng' taitap Kamuktaindet? Ak tiliilitundoi ano ineendet ne ki sich kwony?

TIENWOGIKAL 119:36

Tokyi muguleldanyu paornatosyeguk, ametokyi mageet ne ya.

TIENWOGIKAL 14:1

Ki komwa ne perber eng' muguleldanyi, kole, “Ma mi Kamuktaindet.” Kigong'emogis, ak koyai yautik che kiwechei; ma mi ne yaei ne myee.

TIENWOGIKAL 14:3

Ki komasta tugul, ki kosamisitu tugul; ma mi ne yaei ne myee agot agenge.

TIENWOGIKAL 53:1

Mwaei che perber eng' mugulelwekwak kole, “Ma mi Kamuktaindet.” Ng'emotin icheek, yaei poisyonik che kiwechei; ma mi ne yaei ne myee.

TIENWOGIKAL 53:3

Ki koweektagei let age tugul eng' icheek; kigosamisitu tugul; ma mi ne yaei ne myee, achicha, ma mi agot agenge.

KALEWANAIK 15:25

Itutu `Kamuktaindet ne Toroor kootap menotik, ago igimiti kiwotetap mosoget.

KALEWANAIK 4:23

Riip muguleldang'ung' eng' kagiiletapkei tugul, amu yooto ko punu kong'igap peegap saboon.

ISAIAH 59:13

ki kieesye Kamuktaindet ne Toroor eng' pistoennyo, ak kigemaste ama kisup Kamuktaindennyo, keng'alaali ng'aleegap sastaet ak ngelelnateet, kichobe eng' mugulelwekyok ng'aleegap lembech, ak kemwae.

ISAIAH 59:7

Ruachin keelyekwak yaityet, ak kochoktoi kotumda korotiik che ma tinyei tengek: kabwaatutikwak ko kabwaatutigap tengekto; mi ortinwekwak kubernateet ak ng'emisyet.

JEREMIA 16:12

ak ki oyai yaityet kosiir kwanisyekwok; amu, ogeero, wendoti age tugul eng' okweek kosubi uuindap muguleldanyi ne ya, kot koma oepcha iit:

JEREMIA 17:9

Kaberberin muguleldo kosiir tuguuk tugul, ak ko ya miising': ng'oo ne imuuchi konai?

JEREMIA 4:14

Ee Jerusalem, iunde tengekto eng' muguleldang'ung', si kesaruun. Teben oriing'ung' kot kotyanit kabwaatutiguk che yaacheen?

EZEKIEL 38:10

Mwaei Kiptaiyat Kamuktaindet ne Toroor kole: Pwonjinin kabwaatutik eng' peetuunooto, ak ibwaat chobutyet ne ya:

MATAYO 15:19

Amu kabwaatutik che yaach, rumisyosyek, ibeetapkei, soksosyek, choorsosyek, paornatosyegap lembech, ng'aleek che yaacheen ko mang'une muguleldo.

MATAYO 9:4

Kole Jeso, “Kalya si obwaat yaityet eng' mugulelwekwok? Amu ki ingen kabwaatutikwak.

MARIKO 7:20

Ak ki le, “Kiit ne mang'une chii ko nooto ne ing'waniti chii.

MARIKO 7:22

kasetap myat, yaityet, ng'aalseet, mageet ne ya, kong' ne ya, ng'aleek che yaach, menoteet, ak perberyo.

LUKA 16:15

Ak ki leenji, “Okweget che omyeeitige eng' taitap piik; ago ingen Kamuktaindet mugulelwekwok: amu kiit ne itoroori piik ko wegot miising' eng' taitap Kamuktaindet.”

POISYONIGAP CHE KIYOKTOI 5:4

Kingo ta komi, ko ki ma ko neng'ung'? Ak kingo kagealda, ko ki ma ibou? Kalya si ichop kii eng' muguleldang'ung'? Ma iberber chii, ago Kamuktaindet.”

POISYONIGAP CHE KIYOKTOI 8:22

Sigu anyun eng' tengeging'ung'et ak isaa Kiptaiyat, tamangap kenyoun kaat amu kabwaatetap muguleldang'ung'.

ROMANIK 7:5

Amu ye kingota kemi eng' poorto ko ki poisyei maguutik che po tengek eng' kebeberwegap poorwekyok, che kimi amu Ng'atuutyet, si koiiyo logoek che ityin meet.

ROMANIK 7:8

Ago kinyoor tengek poroindo eng' ng'atuutyet koyai eng' anee kasetap myat age tugul: amu ye ma mi Ng'atuutyet ko meat tengekto.

KOLOSAIK 3:5

Obar anyun kebeberwekwok che miitei ng'wony; sokseet, simdo, maguutik che samisen, mageet ne ya, ak kasetap myat, nooto saaetap kanamonik;

TITO 3:3

Amu ki kiberberen agacheek keny, ki ma kegase iit, ki kiberberech, keote maguutik che teerchiin ak ureryosyek, ketebye eng' yaityet ak ng'etkong', ki kiche kiwechei ak kewechegei.

JAKOBO 2:4

koma obesyegei okweegei, ak oegu che irwoochi che tinyei kabwaatutik che yaacheen?