MARIKO 6:41 - BUKUIT NE TILIIL Sireet ne Dutero Kanon

⁴¹ Ki nam magatinichooto muut ak njireenik aeng', ak konyal kipsengwet, koberuur, ak kotonaton magatiinik. Ki igoochi kasubikyik si konde tainnywa; ak kipchechi icheeget tugul injirenichooto aeng'.

Bukuit Ne Tilil

⁴¹ Ki nam magatinichooto muut ak njireenik aeng', ak konyal kipsengwet, koberuur, ak kotonaton magatiinik. Ki igoochi kasubikyik si konde tainnywa; ak kipchechi icheeget tugul injirenichooto aeng'.

BUKUIT NE TILIL

⁴¹ Ak kinam makatinichoto mut ak njirenik aeng’, ak konyal kipsengwet, koberur, ak kotonaton makatinik; ak kiigochi alamalyennyi si konde tainywa; ak kipchechi icheget tugul njirenichoto aeng’.

MARIKO 6:41 ပူးပေါင်းရင်းမြစ်များ

MATAYO 14:19

Ki ng'at tuiyosyek kotep ng'wony eng' susweek. Ki inam magatinichooto muut ak injirenichooto aeng' ak konyal kipsengwet ak koberuur. Kibuutul ak kogoochi kasubikyik magatiinichooto, yeityo kogoochi kasubik tuiyosyek.

MATAYO 15:36

ak konam magatinichooto tisap ak njireenik, ak ye kiga komwa kongoi, kobuutul ak kogoochi kasubik, yeityo kogoochi kasubik tuiyosyek.

MATAYO 26:26

Ye ki amisyei, konam Jeso magatyat ak kingo kagoberuur, kogoochi kasubikyik, ak kole, “Onam magatyandani ak oam; ni ko poortanyu.”

MARIKO 14:22

Ak ye ki amisyei icheeget, konam magatyat, ak kingo kagoberuur, kobuutul ak kogoochi, ak kole, “Onam magatyandani: ni ko poortanyu.”

MARIKO 6:40

Ara ki tep ng'wony kotetatkei, kobee pogol ak kobee konom.

MARIKO 6:42

Ki amis tugul ak kibiyong'so.

MARIKO 7:34

Ki inyal kipsengwet, kobus ak koleenji, “Epata!” Nooto ko, “Yaatage!”

MARIKO 8:19

Yu kinga puutulji magatiinik muut piik eliphuusyek muut, ko ki tinyei kereboonik ata katuganik che ki koyum?” Koleenji ineendet, “Taman ak aeng'.”

LUKA 24:30

Ak ye kingo kagotebi ng'wony tugul koamisyei, konam magatyat, koberuur, kobuutul, ak kogoochi icheek.

LUKA 9:16

Ak ki nam magatinichooto muut ak injirenichooto aeng', ak ki inyal kipsengwet, ak koberuur, ak kotonaton; ak kogoochi kasubik si kobiit kogoochi kabuureito.

JOHANA 11:41

Koisto anyun koita. Ak ki ing'eet metit Jeso ak kole, “Abba, amwaun kongoi ale kaigasa.

JOHANA 17:1

Ki mwa Jeso ng'aleechu; ak konyal kipsengwet, ak kole, “Abba, kagonyo sait; itoroor Weeriing'ung', si kotoroorin Weeriit;

JOHANA 6:11

Ki nam anyun `Jeso magatiinik; ak kingo kagogoito kongoi, koropchi icheeget che kitebyei ng'wony; ak ko uu nooto ak icheek njireenik che tee che machei.

JOHANA 6:23

(ago ki pwa moingonik alage eng' Tiberia ye neegitee kooret ole ki ame magatiinik ye kingo kagogoito Kiptaiyat kongoi):

POISYONIGAP CHE KIYOKTOI 27:35

Ak ye kingo kagomwa ko uu nooto, ak konam magatyat, kogoochi Kamuktaindet kongoi eng' taitap tugul: ak kiton, ak kotoi koamis.

ROMANIK 14:6

Ineendet ne riibei peetuut, koriipchin Kiptaiyat: ak ineendet ne amisyei, koamisyei eng' Kiptaiyat, amu mwachin Kamuktaindet kongoi; ak ineendet ne ma amisyei, koma amisyei eng' Kiptaiyat, ak mwachin Kamuktaindet kongoi.

1 KORINTOEK 10:31

Nooto anyun ngo ame, anan ngo ee, anan agot eng' kiy age tugul ne oyae, oyai tugul otoroori Kamuktaindet.

NG'ATUTIK 8:10

Ye kaiamisye ibiye, ilasu Kamuktaindet ne Toroor Kamuktaindeng'ung' amu emet ne myee ne kagoonin.

KOLOSAIK 3:17

Ak kiit age tugul ne oyae, eng' ng'olyoot anan eng' poisyet, oyai tugul eng' kainetap Kiptaiyat Jeso, omwachini Kamuktaindet Kwanda kongoi eng' ineendet.

1 SAMUEL 9:13

Ne po oititoi kityo nganaseet, onyooru ineendet eng' yooto kotomo kotogosta kapkoros koamis. Ma amisyei piik kot koit ineendet, amu ineendet ne iberuuri tiseiywot ak ye ibata koamis piik che kagiguur. Otogoste anyun nguno, amu onyooru ineendet eng' sainiito.”