MARIKO 6:14 - BUKUIT NE TILIIL Sireet ne Dutero Kanon

¹⁴ Ki kas laitoryat Herod agobo nooto; amu kiga konaak kainenetap Jeso ak ki le alak, “Kagong'eet Johana kabatisanindet eng' che ki pek, nooto anyun poisyei kimnatosyechu eng' oriitinnyi.”

Bukuit Ne Tilil

¹⁴ Ki kas laitoryat Herod agobo nooto; amu kiga konaak kainenetap Jeso ak ki le alak, “Kagong'eet Johana kabatisanindet eng' che ki pek, nooto anyun poisyei kimnatosyechu eng' oriitinnyi.”

BUKUIT NE TILIL

¹⁴ Ak kigas laitoriat Herod agobo noto; amu kiga konaak kainennyi; ak kole, Kagong’eet Johana Kabatisanindet eng’ che kibek, noto anyun boisiei kimnatosiechu eng’ orinnyi.

MARIKO 6:14 ပူးပေါင်းရင်းမြစ်များ

2 ATEPTAP PEETUUSYEK 26:15

Ak ki yai injinisyek eng' Jerusalem, che ki toi koyai piik che ng'oomen, kotebee teeksosyek che kooen ak irimoik, che kimwoktoe kipchabonik ak ki wiirtoe koik che eecheen. Ak ki yom ole loo kainennyi, amu ki kitoret miising' kot kogimit.

2 ATEPTAP PEETUUSYEK 26:8

Ki igoochi Amonik Uzziah kagoochinoik, ak ki yom kainennyi agoi kiwotosyegap Misiri; amu kitesak kimnateennyi kot.

MATAYO 9:31

Ago ki pa, ak koiyestaat ng'olyoot agobo ineendet eng' emonooto komugul.

MARIKO 1:28

Kong'eetee yooto ko kinaak inee eng' komoswek tugul che po Galilaya.

MARIKO 1:45

Ago kimanda inee ak kotoi komwaitaat ak kobarastaat ng'olyoondonooto kot ko mata komuuch kowendoot Jeso eng' nganaseet kegeeroti, ago kitebote kewaniin kityo. Ki pwanji `ineendet piik kobun komoswek tugul.

MARIKO 8:28

Komwachi koleenji, “Leen, ii Johana Kabatisanindet; koleen alak, ii Elijah; ak leen alak, ii agenge eng' maotik.”

LUKA 13:31

Ki pwa Pharisaik alak eng' sainooto ak koleenji, “Ng'eet mande, ui eng' oli, amu machei kobarin Herod.”

LUKA 3:1

Ak eng' kenyiit ne po taman ak muut ne po laitornatetap Tiberia Caesarea, ye ki pounindet ne po Judea Pontio Pilato, ak Herod ko ki kirwoogindet ne po Galilaya, ak ki kirwoogindetap Iturea ak Trakoniti Philipu ng'eetap kametap Herod, ak ki Lusania kirwoogindet ne po Abilene,

LUKA 7:17

Ak ki yom ng'olyoondoniito agobo ineendet Judea komugul, ak korotinwek tugul che kiyiem olooto.

LUKA 9:19

Ak ki wolji icheek koleenji, “Leen Johana Kabatisanindet; koleen alage, Elijah; koleen alak, kagong'eet maotyot age eng' chu ki po keny.”

1 THESSALONIKEK 1:8

Amu ki kogasak ng'olyootap Kiptaiyat kobun olong'wong', ma eng' Makedonia ak Akaia kityo, ago ki koyom komosta age tugul kayaneng'wong' ne otinye eng' Kamuktaindet; kot koma kemage kiy kota kemwa kiy age tugul.

HEBRANIK 2:4

ak kibaoryani agine Kamuktaindet kobooto icheeget, eng' kaboorunoik ak kwang'utik, ak eng' kamugosyek che teerchiin, ak eng' kagoitaosyegap Kabuuset ne Tiliil, ko uu magennyi.