MARIKO 5:7 - BUKUIT NE TILIIL Sireet ne Dutero Kanon

⁷ ak kowaach eng' tuugeet ne oo kole, “Iting'eno nee inyee Jeso, Weeriitap Kamuktaindet Ne Toroor Miising'? Asoomin eng' Kamuktaindet ale amenyaliila.”

Bukuit Ne Tilil

⁷ ak kowaach eng' tuugeet ne oo kole, “Iting'eno nee inyee Jeso, Weeriitap Kamuktaindet Ne Toroor Miising'? Asoomin eng' Kamuktaindet ale amenyaliila.”

BUKUIT NE TILIL

⁷ ak kowaach eng’ kutit ne o, kole, Ating’enen nee inye, Jesu, Weritab Jehovah ne Toror Mising’? Ayosieun eng’ Jehovah, ale, amenyalila.

MARIKO 5:7 ပူးပေါင်းရင်းမြစ်များ

TAUNET 3:15

Andoi punyondiit kwenung'wong' inyee ndareet ak kwondo ak kwenutap iyoteng'ung' ak iyotennyi. Tuei ineendet meting'ung' ak isuse aginye kwaryandennyi”

1 LAITORINIK 22:16

Ki leenji laitoryat, “Ayosyeun konyil ata ale, amat imwaiwo kiy age kobatee imanit eng' kainetap Kamuktaindet ne Toroor?”

HOSEA 14:8

Tuun mwaei Ephraim kole, ta keting'egei nee kogeny ak kanamonik? Kaawolu, ak ageer ineendet: auu piribiret ne tuon; punwa logoeguk.

MATAYO 16:16

Ki wol Simion Petero kole, “Ii Kristo, weeriitap Kamuktaindet ne sabei.”

MATAYO 26:63

Ago ki siis Jeso. Ki leenji tisiindet ne oo, “Ayosyeun eng' Kamuktaindet ne sabei ale, mwaiwech ngo ii Kristo, Weeriitap Kamuktaindet.”

MATAYO 4:3

Ak ki nyo yoomindet ak koleenji, “Ngo ii Weeriitap Kamuktaindet, ing'at koichu koek magatiinik.”

MATAYO 8:29

Ak ogeero, kiwaach, kole, “Kiting'egei nee ak inyee, Weeriitap Kamuktaindet? Kenyo yu inyalilech kotom koit peetuut?”

MARIKO 1:24

kole, “Kiting'egei nee ak inyee, Jeso ne po Nazareth? Kenyo ing'emech? Angenin ale, ii Ne Tiliil ne po Kamuktaindet.”

MARIKO 14:61

Ago ki siis, ama wol kiy. ki teebee kogeny tisiindet ne oo, kole, “Tos ii Kristo inyee, Weeriitap Ne Iberuurot?”

MARIKO 3:11

Eng' ui tugul ye kingo keer tamirmirik che murwonen ineendet, ko ki ibutos eng' tainnyi koteitos koleen, “Inyee ko ii Weeriitap Kamuktaindet!”

MARIKO 5:6

Kingo keer `ineendet Jeso eng' ye loo, kolabat ole mi ak kogutung'ji;

MARIKO 5:8

Amu kigaleenji ineendet, “Mong'u eng' chiichi, inyee tamirmiryet ne murwoon!”

LUKA 1:32

Egu ne oo ineendet ak tuun kiguuree Weeriitap Ineendet Ne Toroor Miising'; ak kogoochin `Kiptaiyat Kamuktaindet ng'echereetap laitornatet ne po kwandanyi Daudi:

LUKA 4:34

kole, “Pagaaktech! Kiting'egei nee ak inyee, Jeso ne po Nazareth? Kenyo inyee si ibarech? Kaanain inyee ale ii Ne Tiliil ne po Kamuktaindet.”

LUKA 6:35

Ago ocham puunikwok, ak oyai ne myee, ak obesende, amongen onyooru kogeny; si koeet melektang'wong', ak oegu weeriitap Ineendet Ne Toroor Miising'; amu tala ineendet eng' icheeget che ma tinyei kongoi ak che yaacheen.

LUKA 8:28

Ak kingo keer Jeso, kowaach ak kobutyi tainnyi ak ki mwa eng' kutit ne oo kole, “Ating'enen nee, Jeso Weeriitap Kamuktaindet Ne Toroor Miising'? Kasoomin ale, amenyaliila.”

JOHANA 20:31

ago ki kisir chu, si kobiit oyan ole Jeso ko Kristo, Weeriitap Kamuktaindet; ak si kobiit ye oyani onyooru saboondo eng' kainennyi.

POISYONIGAP CHE KIYOKTOI 16:17

Ki isubot Paulo kebendi tugul, ak komwaei eng' kutit ne oo koleen, “Pichu ko otwogigap Kamuktaindet Ne Toroor Miising', che mwaiwok ooreetap yetunet.”

POISYONIGAP CHE KIYOKTOI 19:13

Ak ki toi Yahudik alage che ki ombenoti, che kileen koon oik, komwa kainetap Kiptaiyat Jeso eng' icheeget che ki tinyei tamirmirik che yaacheen, koleen, “Ayosyewok eng' Jeso ne amdoi Paulo.”

POISYONIGAP CHE KIYOKTOI 8:36

Ye kingo ta kobendi eng' ooreet, koit ye mi peek, kole chiichooto, “Keer peek o; nee ne kera si ma kibatisana?”

ROMANIK 16:20

Ak tuun tuei Kamuktaindet ne po kaalyeet Setani eng' keelyekwok ko neegit. Ingotep kobootok myeeindap Kiptaiyandennyo Jeso Kristo.

HEBRANIK 2:14

Amu yamdoi anyun lagok korotiik ak poorto, ki nam chooto ineendet agine ko uu nooto; si kobiit kong'em eng' ooreetap meet ineendet ne tinyei kimnateetap meet, nooto ko chesawilyet;

HEBRANIK 7:1

Amu Melkisedeki-niito, laitoryatap Salem, Tisiindet ne po Kamuktaindet Ne Toroor Miising', ne ki tuiyo ak Abraham ye ki weeksei kobunu ole ki pare laitorinik, ak koberuur ineendet,

JAKOBO 2:19

Iyani ile agenge Kamuktaindet; iyae ne myee: iyani ak icheek oik, ak kobotandos.

2 PETERO 2:4

Amu ngot ko ki ma riiree `Kamuktaindet malaikaisyek ye kingo yai tengekto, ago ki toorchi ole kanyee kirwooget, ak konde keriingonik che po mesundeito keriip kot koit kirwooget;

1 JOHANA 3:8

ineendet ne yaei tengek ko po chesawil; amu ki yai chesawilyet tengek kobooch taunet. Kigeng'aany Weeriitap Kamuktaindet amu nooto, si kobiit kong'em poisyonigap chesawilyet.

JUDA 1:6

Ak ki inde malaikaisyek che ki ma riip pounatennywa, ago ki pagaakta meng'ooteet ne ki nenywa, ki inde kotebee ratisyosyek che po koigeny eng' mesundeito kot koit kirwooget eng' Peetuut ne oo.

NG'ANG'UTYET 12:12

Nooto anyun oboiboitu, okweek kipsengwet, ak okweek che omenye olooto. Pwo agobo ng'wony ak nyanjet, amu kachoorgei chesawilyet konyo ole omi, kotinyei nereeknateet ne oo, amu ingen kole tinyei peetuusyek che ng'ering' kityo.”