MARIKO 4:31 - BUKUIT NE TILIIL Sireet ne Dutero Kanon

³¹ Kergei ak keswootap karadali, ne ye kageminji ng'wony, nganda ming'in eng' kesweek tugul che mi ng'wony,

Bukuit Ne Tilil

³¹ Kergei ak keswootap karadali, ne ye kageminji ng'wony, nganda ming'in eng' kesweek tugul che mi ng'wony,

BUKUIT NE TILIL

³¹ Kergei ak keswotab karadali, ne, ye kageminji ng’ung’unyek, ko agot nganda ming’in eng’ keswek tugul che mi ng’ony,

MARIKO 4:31 ပူးပေါင်းရင်းမြစ်များ

ISAIAH 53:12

Apchechini anyun ineendet kebeberta kobooto piik che eecheen, ak kopchei parunenik kobooto piik che kiimeen; amu ki igoito saboondanyi agoi meet, ak ki kiitito pistoik: ago kigesen tengekwogigap piik che chaang', ak ki sa agobo pistoik.

ISAIAH 53:2

Amu tuun eetu eng' tainnyi ko uu keetit ne ng'arng'ar, ak eetu ko uu tigityot eng' emet ne yaamaat: ma tinyei itoon anan korooronindo; ak ye kigeere ineendet koma mi korooronindo kot kecham.

ISAIAH 60:22

Egu ne ming'in eliphuut, ak koek ne ming'in pororyet ne kiim: achokyini nooto anee Kamuktaindet ne Toroor eng' peetuunnyi.

ISAIAH 9:7

Pounatennyi ko tese tai agoi, ak kaalyeet koma mi ole igeesunegei Namei ng'echereet ne po laitornatetap Daudi ak laitornatennyi, si kogimit ak koboi eng' kirwooget ak imanda kobooch nguno agoi koigeny. Yaei kagiiletapkei ne po Kamuktaindet ne Toroor ne po lugoosyek niito.

SEKARIA 12:8

Riibei Kamuktaindet ne Toroor eng' peetuunooto piik che menyei Jerusalem; ak koigei ne nyalulat eng' icheek Daudi eng' peetuunooto; ak koigei kootap Daudi Kamuktaindet, ko uu malaikaiyatap Kamuktaindet ne Toroor ne mi tainnywa.

SEKARIA 2:11

Ak konamgei pororyosyek che chaang' ak Kamuktaindet ne Toroor eng' peetuunooto ak koek piikyuk; ak ameny kwenung'ung'.” Inae niito ile ki iyookwo Kamuktaindet ne Toroor ne po lugoosyek anyo ole imi.

MALAKI 1:11

Amu oo kainennyu eng' pororyosyek kobooch ole charunee asiis agoi ole roroktoe; ak kigoitoi eng' komosta age tugul nyamdutik che kibeelei agobo kainennyu, kobooto kagoochinet ne tiliil: amu oo kainennyu eng' pororyosyek, mwaei Kamuktaindet ne Toroor ne po lugoosyek.

MARIKO 4:30

Ki le, “Kiyanie nee laitornatetap Kamuktaindet anan nee kalewenet ne kimuuchi kemwaitae?

MARIKO 4:32

ko ye kagemin, ko piitei koeetu kosiir minutik tugul che po mbar, ak kosich mooriik che eecheen kot komuuch koteekyi kesonok oriit `toriitigap parak.”

LUKA 17:6

Ak ki le Kiptaiyat, Ndotinye kayaneet ne uu keswootap karadali, ko ye omwachi mogoywoni, oleenji, Kitutin, ak keminin eng' araraita; kogasook iit.

POISYONIGAP CHE KIYOKTOI 19:20

Kotesak ko uu nooto anyun ng'olyootap Kiptaiyat eng' kimnateet ak koterteer.

POISYONIGAP CHE KIYOKTOI 2:41

Ki kibatisan anyun icheeget che kitaach ng'olyoondennyi, ak ki kitesyi icheek peetuunooto piik olo po eliphuusyek somok.

POISYONIGAP CHE KIYOKTOI 21:20

Kingo kas icheek ng'olyoondonooto, kogonyit Kamuktaindet. Koleenji `icheek ineendet, “Igeere anyun, ne kitupche, ole tee eliphuusyek ng'iisyat eng' kwenutap Yahudik che ki koyan; ak tinyei tugul kagiiletapkei agobo Ng'atuutyet.

POISYONIGAP CHE KIYOKTOI 4:4

Ago ki iyan che chaang' eng' icheek che ki kas ng'olyoot; ak ki ek koitetap murenik olo po eliphuusyek muut.

POISYONIGAP CHE KIYOKTOI 5:14

Ak kitesak kayanik eng' Kiptaiyat kosiir, kichang'a murenik kobooto kobogorisyek;

NG'ANG'UTYET 11:15

Ak ki kuut malaikaiyatap tisap; ak ki piit tweguunoik che eecheen eng' kipsengwet, ak ki mwa kole, “Kagoek laitornatetap ng'wony laitornatetap Kiptaiyandennyo, ak ne po Kristo; ak laitorani inee koigeny ak koigeny.”