MARIKO 3:35 - BUKUIT NE TILIIL Sireet ne Dutero Kanon

³⁵ Amu chii age tugul ne yaei mageetap Kamuktaindet, ko nooto weeriit ne ketupche ak chepto ne kitupche ak kamennyu.”

Bukuit Ne Tilil

³⁵ Amu chii age tugul ne yaei mageetap Kamuktaindet, ko nooto weeriit ne ketupche ak chepto ne kitupche ak kamennyu.”

BUKUIT NE TILIL

³⁵ Amu chi age tugul ne yaei magetab Jehovah, noto werit ne kitupche, ak chepto ne kitupche, ak kamennyu.

MARIKO 3:35 ပူးပေါင်းရင်းမြစ်များ

MATAYO 7:21

Ma age tugul ne leenjino “Kiptaiyat, Kiptaiyat,” ne itei pounatetap kipsengwet, ago ineendet ne yaei mageetap Abba ne mi kipsengwet.

JOHANA 7:17

Ngo machei chii age tugul koyai mageennyi, konai kaneetisyoni, ngo po Kamuktaindet, anan ngamwae aneege.

EPESOEK 6:6

ama eng' otwoknateet ne kigeerei, ko uu che iboiboi piik; ago ko uu otwogigap Kristo, oyae mageetap Kamuktaindet eng' muguleldo;

HEBRANIK 10:36

Amu nyolu otinye muitaet, si ye kaoyai mageetap Kamuktaindet, omuuch otaach arorutyet.

JAKOBO 1:25

Ago ineendet ne isyachi ng'atuutyet ne ititaat, ne po katyaknateet, ak koteptoi, amaek kasindet ne utye, ago yaindet ne poisyei, kiberuuri chiichito eng' poisyennyi.

1 PETERO 4:2

si ko mata osapche eng' poorto eng' peetuusyekwok che ng'etunotiin eng' maguutik che yaach che po piik, ago si osapche eng' mageetap Kamuktaindet.

1 JOHANA 2:17

Ak siirtoi ng'wony, kobooto magennyi: ago ineendet ne yaei mageetap Kamuktaindet kotebyei koigeny.