MARIKO 16:16 - BUKUIT NE TILIIL Sireet ne Dutero Kanon

¹⁶ Ineendet ne iyani ak kibatisan kesaru; ago ineendet ne ma iyani ko tuun kirwookyin.

Bukuit Ne Tilil

¹⁶ Ineendet ne iyani ak kibatisan kesaru; ago ineendet ne ma iyani ko tuun kirwookyin.

BUKUIT NE TILIL

¹⁶ Inendet ne iyani ak kibatisan kesoru; ago inendet ne maiyani ko tun kiruokyin.

MARIKO 16:16 ပူးပေါင်းရင်းမြစ်များ

MATAYO 28:19

Nooto anyun oba ak oyai piigap pororyosyek tugul koek kasubik, obatisan icheek eng' kainetap Kwanda ak ne po Weeriit ak ne po Kabuuset ne Tiliil,

MARIKO 1:15

koleen, “Kagosulda peetuusyek, ak kagoriik laitornatetap Kamuktaindet; osigu, ak oyan logoiywek che myach.”

LUKA 8:12

Ak chooto mi ooreet taban ko icheeget che ki kogas; yeityo konyo chesawilyet, ak konem ng'olyoot eng' mugulelwekwak, si ma nyoor kayaneet ak kesar.

JOHANA 20:31

ago ki kisir chu, si kobiit oyan ole Jeso ko Kristo, Weeriitap Kamuktaindet; ak si kobiit ye oyani onyooru saboondo eng' kainennyi.

JOHANA 3:36

Tinyei saboondap koigeny ne iyani Weeriit; ama keerei saboondo ne ma kase iit Weeriit, ago tebee nereegegap Kamuktaindet paragunnyi.

JOHANA 3:5

Kowolji Jeso koleenji, “Amwaun, iman, iman ale, ngot koma ki sich chii eng' peek ak Kabuuset ne Tiliil, koma koi imuuch komong'ji laitornatetap Kamuktaindet.

JOHANA 5:24

“Amwaiwok, iman, iman, ale, Ineendet ne kasei ng'olyoondennyu, ak koyani ineendet ne ki iyookwo, kotinyei saboondap koigeny, ama wendi ole mi kirwooget, ago kagomong' eng' meet komong'ji saboondo.

JOHANA 6:29

Kowolji Jeso koleenji, “Ni poisyetap Kamuktaindet, ale oyan ne ki iyoogu ineendet.”

JOHANA 6:35

Koleenji `Jeso icheek, “Aa magatyat ne po saboon: ineendet ne nyoonjino koma kasei rubeet agoi, ak ineendet ne iyana koma amei melel agoi.

JOHANA 6:40

Amu ni mageetap Abba, ale chii age tugul ne keerei Weeriit, ak koyan ineendet, konyooru saboondap koigeny; ak ang'eeti ineendet eng' peetuutap let.”

JOHANA 8:24

Nooto kaamwaiwok, ale, obegu eng' tengekwogikwok: amu ngo moyuani ole aa ineendet, obegu eng' tengekwogikwok.”

POISYONIGAP CHE KIYOKTOI 10:43

Paoryani maotik tugul agobo ineendet kole nyooru nyoetap kaat amu tengekwogikyik eng' kainennyi age tugul ne iyani ineendet.”

POISYONIGAP CHE KIYOKTOI 13:39

ak kiityin imanda eng' ineendet age tugul ne iyani, eng' tuguuk tugul, che koma komuuchi koiityok imanda ng'atuutyetap Musa.

POISYONIGAP CHE KIYOKTOI 13:46

Kong'alaal anyun Paulo ak Barnaba eng' nyiganateet koleen, “Konyolu kemwaiwok korook ng'olyootap Kamuktaindet. Amu ki ogirinde ak orwookyinige okweegei ole ma nyolu onyooru saboondap koigeny, ogeero, kagibe ye mi Pororyosyek.

POISYONIGAP CHE KIYOKTOI 2:38

Koleenji `Petero icheek, “Osigu, si kibatisan age tugul eng' okweek eng' kaineetap Jeso Kristo agobo nyoetap kaat ne po tengekwogikwok; si otaach konunetap Kabuuset ne Tiliil.

POISYONIGAP CHE KIYOKTOI 2:41

Ki kibatisan anyun icheeget che kitaach ng'olyoondennyi, ak ki kitesyi icheek peetuunooto piik olo po eliphuusyek somok.

POISYONIGAP CHE KIYOKTOI 22:16

Ta igeni nee anyun nguno? Ng'eet kibatisanin, ak kiuundo tengekwogiguk iguure kainennyi.’

ROMANIK 3:6

Achicha! Ma uu nooto; amu nda uu nooto korwookyindoi ano `Kamuktaindet ng'wony?

ROMANIK 4:24

ago amu acheek agacheek, che tuun kiityin, che iyani ineendet ne ki ing'eet Jeso Kiptaiyandennyo komong' eng' che ki pek,

2 THESSALONIKEK 1:8

eng' maat ne lalei, koyaakyi mugetuut icheeget che ma nai Kamuktaindet, ak icheek che ma kase iit logoiywek che myach che po Kiptaiyandennyo Jeso:

2 THESSALONIKEK 2:12

si kobiit kirwookyi icheek tugul che ma iyan imanit, ago che kiboiboitune che ma po imanda.

1 PETERO 1:21

che oo kayanik eng' Kamuktaindet amu ineendet, ne ki ing'eet ineendet komong' eng' che ki pek, ak kogoochi toroornatet; si kotebi kayaneng'wong' ak kamang'uneng'wong' eng' Kamuktaindet.

1 PETERO 3:21

kergeindap tuguuchuuto ko kabatisanet, ne sarwok agine eng' peetuusyechu, ma keele istoetap simdap poorto, ago waluunetap kabwaatet ne myee ne tokyingei Kamuktaindet, eng' ng'eetyeetap Jeso Kristo;

NG'ANG'UTYET 20:15

Ak ngot kenyoor chii age tugul ne ki ma kisirchi bukuitap saboondo, kewiirchin araraitap maat.

NG'ANG'UTYET 21:8

Ago che iyweisyei, ak che ma iyani, ak che kiwechei, ak rumiik, ak che soksei, ak pooniik, ak che saaei kanamonik, ak kiplembechonik tugul, kotinyei kebebertanywa eng' araraita ne lale maat ak koik che laldos; ne nooto ko meet ne po aeng'.”