MARIKO 14:62 - BUKUIT NE TILIIL Sireet ne Dutero Kanon

⁶² Ak ki le Jeso, “Aa ineendet; ak tuun ogeere Weeriitap chii kotebyei eng' eutap tai ne po kamuktaet, konyonei eng' poolik che po kipsengwet.”

Bukuit Ne Tilil

⁶² Ak ki le Jeso, “Aa ineendet; ak tuun ogeere Weeriitap chii kotebyei eng' eutap tai ne po kamuktaet, konyonei eng' poolik che po kipsengwet.”

BUKUIT NE TILIL

⁶² Ak kile Jesu, A inendet: ak tun ogeere Weritab chi kotebyei eng’ eutab tai ne bo kamuktaet, konyonei eng’ bolik che bo kipsengwet.

MARIKO 14:62 ပူးပေါင်းရင်းမြစ်များ

TIENWOGIKAL 110:1

Kaleenji `Kamuktaindet ne Toroor kiptaiyandennyu, “Tebee eunnyu ne po tai, agoi ayai puuniguk koek ng'echereetap keelyeguk.”

MATAYO 24:30

“Ak kotook anyun eng' kipsengwet kaboorunetap Weeriitap chii, ak koteiyo anyun pororyosyek tugul che po ng'wony, ak kogeer Weeriitap chii konyonei eng' pooligap kipsengwet kobooto kimnateet ak liilindo ne oo.

MATAYO 26:64

Koleenji Jeso, “Kaimwa. Ago amwaiwok ale, Kobooch nguno kotun ogeere Weeriitap chii kotebyei eng' eutap tai ne po kamuktaet, ak konyonei eng' pooligap kipsengwet.”

MATAYO 27:11

Ki tonon Jeso anyun eng' taitap pounindet ak kiteebe pounindet koleenji, “Ii Laitoryatap Yahudik?” Koleenji Jeso, “Kaimwa.”

MARIKO 13:26

Eng' sainooto kogeer anyun Weeriitap chii konyonei eng' poolik kobooto kimnateet ne oo ak liilindo ne oo.

MARIKO 15:2

Ak kiteebe Pilato kole, “Tos ii Laitoryatap Yahudik?” Ak ki wolji koleenji, “Kaimwa.”

MARIKO 16:19

Ye kingo kagong'alaal ak icheeget `Kiptaiyat Jeso, kimut anyun ineendet kwo kipsengwet, ak kotebee eutap tai ne po Kamuktaindet.

LUKA 22:69

Ago kobooch nguno kotebee Weeriitap chii eutap tai ne po kamuktaet ne po Kamuktaindet.

LUKA 23:3

Ak kiteebe ineendet Pilato, kole, “Ii laitoryatap Yahudik?” Ak ki wolji kole, “Kaimwa.”

HEBRANIK 1:3

ineendet ko kakweng'eetap liilindanyi, ak itoondo ne po indennyi, ak kotononi tuguuk tugul eng' ng'olyootap kamuktaennyi, kingo kagoyai kaundoetap tengekwogik, kwo kotebee eutap tai ne po etunateet eng' parak;

HEBRANIK 12:2

kegeere Jeso ne kandoindet ak ko kawong'unindet ne po kayaneet, ne kimuita eng' kimurtoiyot amu poiboiyet ne ki kinde tainnyi, ak kosas kalilanet, ak ki kotebee eutap tai ne po ng'echereetap laitornatet ne po Kamuktaindet.

HEBRANIK 8:1

Nguno anyun, eng' tuguuk che kimwae, kiit ne oo ko ni: ki tinyei tisiindet ne oo ne uu ni, ne kitebee komostap euut ne po tai ne po ng'echereetap Laitornatet ne po Etunateet eng' kipsengwet,

HEBRANIK 8:10

Amu ni kayomiset ne tuun kiyomisyinige ak kootap Israel. Ye ibata peetuusyechooto, mwaei Kiptaiyat: Andoi ng'atuutikyuk kabwaatutikwak, ak asirchi kogeny mugulelwekwak, ak aegu Kamuktaindet eng' icheek, ak koek piikyuk.

2 PETERO 1:16

Ma kisup atindonik che ki kichobei eng' ng'omnateet ye ki ngemwaiwok kimnateet ak nyonunetap Kiptaiyandennyo Jeso Kristo, ago ki kibaorinigap etunatennyi ne ki kigeer,

NG'ANG'UTYET 1:7

Ogeero! Nyoonei kobooto poolik; ak tuun keerei ineendet konda age tugul, kobooto icheek che kiga toor ineendet; ak koteiyo pororyosyek tugul che po ng'wony amu ineendet. Ee, uu nooto! Amen.

NG'ANG'UTYET 20:11

Ki ageer ng'echereet ne oo ak ko leel ne po laitornatet, ak ineendet ne kitebee, ne kimwee togeennyi ng'wony ak kipsengwet; ama ki sikyi ole tebee.