MARIKO 13:8 - BUKUIT NE TILIIL Sireet ne Dutero Kanon

⁸ Amu setyin pororyet age pororyet age, ak setyin laitornatet age laitornatet age; ak kobiit potaneetap ng'wony eng' oldinwek che teerchiin; ak kobiit rubosyek. Tuguuchuuto ko taunetap ng'waninwek.

Bukuit Ne Tilil

⁸ Amu setyin pororyet age pororyet age, ak setyin laitornatet age laitornatet age; ak kobiit potaneetap ng'wony eng' oldinwek che teerchiin; ak kobiit rubosyek. Tuguuchuuto ko taunetap ng'waninwek.

BUKUIT NE TILIL

⁸ Amu setyin bororiet age bororiet age, ak setyin bounatet age bounatet age: ak kobiit botanetab ng’ony eng’ oldinwek che terotin; ak kobiit rubosiek: tuguchuto ko taunetab ng’woninwek.

MARIKO 13:8 ပူးပေါင်းရင်းမြစ်များ

2 ATEPTAP PEETUUSYEK 15:6

Kibargei, kobar pororyet age pororyet age, ak kobar nganaseet age nganaseet age: amu ki inyaliil Kamuktaindet icheek eng' nyalilowogik tugul.

TIENWOGIKAL 48:6

Ki potanso eng' olooto; ki nyoor ng'wanindo ko uu kwondo ne machei kosigiis.

ISAIAH 19:2

Ak ang'eet Misiriik kobargei ak Misiriik, ak kobargei icheek, chii tugul ak tupchennyi, chii tugul ak chiitap kokwennyi, paregei nganaseet age ak age, ak kobargei laitornatet age ak age.

ISAIAH 29:6

nyoonjin Kamuktaindet ne Toroor ne po lugoosyek ineendet eng' tuleet, eng' potaneetap ng'wony ak polateet ne oo ak kipchurchuryet, kobooto usoonet ne oo, ak liplibenetap maat ne peelsei.

ISAIAH 37:3

Ak ki leenji ineendet, Kamwa Hezekiah kole, peetuuni ko peetuutap nyalilda, ak kereetap kong', ak chubisyet: amu kait kesich lagok, ama mi kimnateet ne kesige.

JEREMIA 13:21

Tos mwaei nee ye tuun inde ineendet choronoguk koboun, ak ko inyee ne ki ineeti icheek? Tos manamin ng'waninwek, ko uu kwondo ne machei kosigiis?

JEREMIA 22:23

Ee inyee ne imenye Lebanon, ne iteeche kesweng'ung' eng' taragonik, iegu chii ne kiriirchin miising' ye kabwonjin ng'waninwek, ng'wanindo ne uu ne po kwondo ne machei kosigiis!

JEREMIA 25:32

Mwaei Kamuktaindet ne Toroor ne po lugoosyek kole, ogeero, Wendi yaityet kobunei pororyet age agoi pororyet age, ak king'eet kipchurchuryet ne oo eng' ole poochin ng'wony.

JEREMIA 4:31

Amu ki agas waagaat ne uu ne po kwondo ne machei kosich taaitanyi, kutitap cheptap Zion ne isyenyi, ne iitoi eunekyik ak komwaei koleen, pwo eng' anee! Amu tanui saboondanyu eng' taitap rumiik.

JEREMIA 49:24

Kogonyalul Damasko, kawelelgei komwei, kanam ineendet potanet: kanam ineendet pichiindo ak aragenosyek, ko uu kwondo ye machei kosigiis.

JEREMIA 50:43

Ki kogas laitoryatap Babilon kalasunennywa, ak nyaluldos eunekyik: kanam ineendet pichiindo, ak ng'wanindo ko uu ne po kwondo ne machei kosigiis.

JEREMIA 6:24

Kigegas kalasunennywa, ak kanyalulso eunekyok. Kanamech pichiindo ak ng'waninwek, che uu che po kwondo ne machei kosigiis.

HAGGAI 2:22

Agabui ng'echereetap laitornatet ne po pounatosyek, ak ang'eme kimnateetap pounatosyegap pororyosyek. Agabui kariisyek che po lugeet kobooto che laanyei; ak kobutyo paraisisyek kobooto che laanyei, ki parei age tugul eng' rotwetap chok ne po tupchennyi.

SEKARIA 14:13

Punu Kamuktaindet ne Toroor eng' peetuunooto wasetapkei ne oo, ne nyoonei kwenunnywa; ak konam age tugul eng' icheek eutap chiitap kokwennyi, ak kobargei ineendet ak chiitap kokwennyi.

MATAYO 24:8

Ago tuguuchu tugul ko taunetap ng'waninwek.

MARIKO 13:7

Ak ye tuun ogas agobo lugoosyek ak ng'aleek agobo paretapkei, ko moaragense: kanyool koek ko uu nooto; ago tomo koit kagesunet.

MARIKO 13:9

“Ago oriipkei okweek: amu tuun kimutyinok kapkirwook; ak kebirok eng' sinagogisyek; ak oteleli eng' taitap pounik ak laitorinik agobo anee, si koek paornat eng' icheek.

POISYONIGAP CHE KIYOKTOI 11:28

Ak ki tonon age eng' icheek ne ki kiguure Agabo ak koboor eng' Kabuuset ne Tiliil kole tuun ityin rubeet ne oo ng'wony komugul; ak ki isulda niito eng' peetuusyegap Klaudio.

1 THESSALONIKEK 5:3

Ye mwaei icheek koleen, Kaalyeet ak chametapkei, koche anyun icheek ng'emisyet, ko uu ye ityin ng'wanindo kobogoryot ne machei kosigiis; ago ma koi chililso.

NG'ANG'UTYET 6:4

Ak ki mong' paraisiit age, ne piriir. Ki kigoochi ineendet ne ki tebee koisto kaalyeet kobet eng' ng'wony, si kobiit kobargei icheegei; ak ki kigoochi ineendet rotwetap chok ne oo.