MARIKO 11:17 - BUKUIT NE TILIIL Sireet ne Dutero Kanon

¹⁷ Ak ki ineet icheek koleenji, “Siraat keele, ‘Koonnyu ko kootap saaet ne po pororyosyek tugul!’ Ago kaoyai okweek koek kebeneetap rebiik.”

Bukuit Ne Tilil

¹⁷ Ak ki ineet icheek koleenji, “Siraat keele, ‘Koonnyu ko kootap saaet ne po pororyosyek tugul!’ Ago kaoyai okweek koek kebeneetap rebiik.”

BUKUIT NE TILIL

¹⁷ Ak kiinet, kolenji ichek, Tos ma sirat kele, Kiguure gonnyu gotab saet ne bo bororiosiek tugul? Ago kaoyai okwek koek kebenetab rebik.

MARIKO 11:17 ပူးပေါင်းရင်းမြစ်များ

ISAIAH 56:7

amutu icheek kobwa tulweennyu ne tiliil, ak agoochi koboiboitu eng' koonnyu ne po saaet; kitaachei kagoochinoikwak che kibeelei ak tiseiywekwak, eng' kaptisisyennyu: amu kiguure koonnyu kootap saaet ne po pororyosyek tugul.

ISAIAH 60:7

Kiyumjinin akwotisyek tugul che po keechiiregap Kedar, koboisyeun mengichigap Nebaiot: pwoonei amu taachaksei eng' kaptisisyennyu, ak atoroori kootap toroornatennyu.

JEREMIA 7:11

Tos kaek kooi kemwaitoe kainennyu kebeneetap rebiik eng' taing'wong'? Onai ole anee, aneendet ne kaageer, mwaei Kamuktaindet ne Toroor.

HOSEA 12:7

Chemung'araindet ineendet, mi eunnyi tuguugap lembech che kegerisye che po ng'aalseet: chamei kochiile piich.

MARIKO 11:16

ak ki ma chamji chii age tugul kobun Hekaluut koibei kiy.

LUKA 19:46

koleenji icheek, Ki kisir keele, Egu koonnyu kootap saaet: ago kaoyai koek kebeneetap rebiik.

JOHANA 2:14

Ak kinyoor kotebyei eng' Hekaluut che ki aldoi eiik ak keechiirek ak cheptugenik, ak woliigap silingisyek:

JOHANA 2:16

ak ki leenji icheeget che ki aldoi cheptugenik, “Oip tuguuchu koba eng' oli; amoyai kootap Abba koek ole kiyae mung'aaret.”