MARIKO 10:14 - BUKUIT NE TILIIL Sireet ne Dutero Kanon

¹⁴ Ago ye kingo keer Jeso, konyit, ak koleenji icheek, Ochamji lagok che mengech kobwanjo; amoete icheek: amu po laitornatetap Kamuktaindet che uu chu.

Bukuit Ne Tilil

¹⁴ Ago ye kingo keer Jeso, konyit, ak koleenji icheek, Ochamji lagok che mengech kobwanjo; amoete icheek: amu po laitornatetap Kamuktaindet che uu chu.

BUKUIT NE TILIL

¹⁴ Ago ye kingogeer Jesu, konyit, ak kolenji ichek, Ochamji lagok che mengech kobwanja; amoete ichek: amu bo bounatetab Jehovah che u chu.

MARIKO 10:14 ပူးပေါင်းရင်းမြစ်များ

TAUNET 17:7

Ak agimiiti kayomisennyu anee ak inyee, ak iyoteng'ung' ne piitu let ak ibinwekwak tugul, si koek kayomiset ne wendi agoi koigeny, ak aegu Kamuktaindet eng' inyee ak iyoteng'ung'.

TIENWOGIKAL 78:4

Ma kiung'e chooto lagokwak, Kimwachini ibinda ne nyoonei kalasunoigap Kamuktaindet ne Toroor, Ak kimnateennyi, ak kwang'utikyik che ki koyai.

ISAIAH 65:23

Ma poisyei puch, ama ichin nyalil, amu icheeget ko iyoteetap che iberuurotin che po Kamuktaindet ne Toroor, kobooto lagokwak.

KAITOSYEK 14:31

Ago amuti lagokwok che ki ole egu luulenik koba emonooto, si konai icheek emet ne ki oeesye.

MATAYO 18:10

“Oriip si mosas age eng' chu mengech; amu amwaiwok ale malaikaisyekwak eng' kipsengwet ko keerei kotugul togeetap Abba ne mi kipsengwet.

MATAYO 18:4

Nooto anyun age tugul ne iming'inegei ko uu lakwani ming'in, ko oo nooto eng' tugul eng' pounatetap kipsengwet.

MATAYO 19:14

Ki le Jeso, “Ochamji lagok che mengech kobwanjo, amoete icheek, amu po che uu chuuto pounatetap kipsengwet.”

MATAYO 5:10

Poiboen che kageusaus agobo imanda, amu nenywa pounatetap kipsengwet.

MATAYO 5:3

Poiboen che ponoon eng' muguleldo, amu nenywa pounatetap kipsengwet.

MARIKO 3:5

Ki tooben icheeget konereechi eng' ng'wanindo ne oo amu uuindap mugulelwekwak, ak koleenji chiichooto, “Chuul euut!” Ki chuul anyun, ak ki myeiit eunnyi.

MARIKO 8:33

Ago kiwelelgei ak kogeer kasubikyik, ak koger kong' Petero ak koleenji, “Ui let eng' anee, Setani! Amu mebwaati tuguugap Kamuktaindet, ago tuguugap piik.”

JOHANA 3:3

Kowolji Jeso koleenji, “Amwaun, iman, iman, ale, ngot koma ki sich chii eng' sigeet ne leel, koma koi imuuch kogeer laitornatetap Kamuktaindet.”

JOHANA 3:5

Kowolji Jeso koleenji, “Amwaun, iman, iman ale, ngot koma ki sich chii eng' peek ak Kabuuset ne Tiliil, koma koi imuuch komong'ji laitornatetap Kamuktaindet.

POISYONIGAP CHE KIYOKTOI 2:39

Amu neng'wong' kayomisoni, ak lagokwok, ak tugul che mi ole loo, ak tugul che ta koguurei Kiptaiyat Kamuktaindet nenyo kobwonji ineendet.”

POISYONIGAP CHE KIYOKTOI 3:25

O weeriigap maotik, ak che po kayomiset ne ki iyomiskei Kamuktaindet ak kwanisyekwok. Ki leenji Abraham, Kiberuuri pororyosyek tugul che po ng'wony eng' keswondeng'ung'.

ROMANIK 11:16

Ak ngo tiliil tongoaniat, ko tiliil kiit komugul agine: ak ngo tiliil tigityot, ko tiliileen ak icheek mooriik.

ROMANIK 11:28

Ago puunik icheek eng' okweek, amu logoiywek che myach: ago eng' ng'olyootap lewenet, ko chamanik icheek amu kwanisyek.

1 KORINTOEK 14:20

Che kitupche, amoegu lagok eng' ng'omnateet: ago oegu lagok che nyerootiin eng' yaityo, ago oegu che kaoeegitu eng' ng'omnateet.

1 KORINTOEK 7:14

Amu kitiliili manong'otyot ne ma iyanaat eng' osotyot, ak kitiliili osotyot ne ma iyanaat eng' manong'otyot: nda ma uu nooto ta ma tiliileen lagokwok; ago tiliileen icheek nguno.

EPESOEK 4:26

Onereech, amoyai tengek: amat kororokto asiis kota onereektosi:

NG'ATUTIK 4:37

Amu ki chamei kwanisyeguk, kolewen anyun ineendet iyotennywa ne piitu let ak komoong'un eng' Misiri komi kobooten eng' kimnateennyi ne oo.

2 TIMOTEO 1:5

ye kingi pwatwa kayaneet ne ma tinyei keniisyet ne mi eng' inyee; ne ki menyei korook eng' ingogo Lois, ak kamenng'ung' Eunike; ak, ayani ale menyin aginye.

2 TIMOTEO 3:15

ak kobooch ko ii lakwa ko ki ingen siruutik che tiliileen che imuuchi kong'omitin agoi yetunet eng' kayaneet ne miitei eng' Kristo Jeso.

JOSHUA 8:35

Ma mi ng'olyoo eng' ng'aleek tugul che ki ng'at Musa ne masoman Joshua eng' taitap tuiyet tugul ne po Israel, komi kwonyiik, lagok ak toek che ki mi kwenunnywa.

1 PETERO 2:2

omach miising' cheego che po ng'omnatetap saboon, che ma tinyei ng'aalseet, ko uu manyurunik, si kobiit onerye agoi yetunet;

NG'ANG'UTYET 14:5

Ama ki nyoorchi kutusweekwak lembeita: ama tinyei tisya.

1 SAMUEL 1:11

Ki yai kayasyoet kole, “Ee Kamuktaindet ne Toroor ne po lugoosyek, ngot igeer nyalildap cheptong'ung' ne otwoget ak ibwaata ak ko meutye cheptong'ung' ne otwoget, ak igoochi weeriit, agoochini anyun weeroto Kamuktaindet ne Toroor eng' peetuusyekyik tugul kotee kosabei, ama kicheru suumeekyik.”

1 SAMUEL 1:22

Ago ma togosta Hannah, amu ki leenji manong'otyondennyi, “Ma wendi kot aluge lakweet, si amut kwo taitap Kamuktaindet ne Toroor kwo kotebee olooto agoi.”