MALAKI 3:11 - BUKUIT NE TILIIL Sireet ne Dutero Kanon

¹¹ Ak agerwok kong' ne amisyoti, si ma ng'em ruroteetap emeng'wong'; ama koosu keetiikwok che po sabibuk kotomo koit peetuusyek, mwaei Kamuktaindet ne Toroor ne po lugoosyek.

Bukuit Ne Tilil

¹¹ Ak agerwok kong' ne amisyoti, si ma ng'em ruroteetap emeng'wong'; ama koosu keetiikwok che po sabibuk kotomo koit peetuusyek, mwaei Kamuktaindet ne Toroor ne po lugoosyek.

BUKUIT NE TILIL

¹¹ Ak ager kong’ ne amisioti amu okwek, si mang’em ruratetab emeng’wong’; ama oosu ketikwok che bo sabibuk kotomo koit betusiek, mwaei Jehovah ne bo lugosiek.

MALAKI 3:11 ပူးပေါင်းရင်းမြစ်များ

JEREMIA 8:13

Ageesu icheek, mwaei Kamuktaindet ne Toroor. Ma ng'etu sabibuk eng' keetiik, ama ng'etu logoek eng' mogoonik ak koresyo sogeek, ak kobetyo eng' icheek tuguuk che kiga koochi.

HOSEA 2:21

Ak tuun awolu eng' peetuunooto, mwaei Kamuktaindet ne Toroor. Awoljini kipsengwetisyek, ak kowolji icheek ng'wony;

JOEL 1:12

Kagoyaam keetitap sabibuk, ak kagores mogoywet. Kagoyaam keetitap logoek, kobooto tiiret agine, ak keetit age ne po logoek, ee kagoyaamyo keetiik tugul che po mbar; ee iman, kagores poiboiyet eng' weeriigap piik.

JOEL 1:4

Ki am chereng'endet che kiituuch munene; ak ki am tinapchet che kiituuch chereng'endet; ak ki am masaek che kiituuch tinapchet.

JOEL 1:7

Kagong'em ketinnyu ne po sabibuk, ak kobach mogoywennyu; ki kobony ak kowiirta; kagoleelagitu mooriikyik.

JOEL 2:20

ago aistoi kolooit eng' okweek lugeet ne punu murot kaataam, ak aoone kwo emet ne ong'ateet ak ko surkwen, pendi che indoi kotokyingei nyanjetap Mediterenian ne mi kong'asiis, kobendi che letu nyanjet ne mi cherongo; ak kobul, ak kong'u ne samis, amu kogoyai tuguuk che eecheen.

JOEL 2:22

Amoiyweisye, okweek tyong'igap timiin, amu ta kobitoos susweek eng' surkwen, amu yiei keetit logoekyik, yiei komyee mogoywet ak keetitap sabibuk.

JOEL 2:25

Ak ageerwok che po kenyiisyek che ki am chereng'endet, ak tinapchet, masaek, ak munene, lugeennyu ne oo ne ki ayoogu konyo kwenung'wong'.

AMOS 4:9

Ki abirenok chelalityet ak uchatet, ki am munene mbareenikwok che chaang' ak mbareenikwok che po sabibuk, ak mogoonikwok ak mseitunikwok; ago tomo oweekyage, mwaei Kamuktaindet ne Toroor.

HABAKUK 3:17

Amu ngot koma yiei mogoywet, Anan koma ruryo keetiigap sabibuk; Koek puch poisyetap mseituni, Ama piitu amitwogik eng' mbareenik; Ak kebar akwotisyegap keechiirek eng' piusyek, Ama komi akwotisyegap tuuga eng' piusyek:

HAGGAI 1:11

Ak ki ang'at kobiit kemeut eng' emet ak eng' tuloonook, eng' peek ak eng' divaik, eng' mwanik ak eng' tuguuk che piitos eng' ng'wony, eng' piik ak eng' tuuga, ak eng' poisyonik tugul che po eunek.”

HAGGAI 2:17

Ki abirenok chelalityet ak uchatet ak koigap ropta eng' poisyonik tugul che po eunekwok; ago ma oweekyagei, mwaei Kamuktaindet ne Toroor.

SEKARIA 8:12

Amu tuun piitu keswootap kaalyeet; tuun yiei keetitap sabibuk, ak koruryo tuguuk eng' emet, ak kogoon kipsengwet rewoot; ak agoochi piik che ki ng'et eng' pichu konam tuguuchu tugul koek porotennywa.

NG'ATUTIK 11:14

agoonok anyun ropta ne po emeng'wong' eng' peetuusyekyik, roptap iwotkuut ak ne igeesunegei, si iges peeguk, divaiguk ak mwaniguk.