LUKA 22:19 - BUKUIT NE TILIIL Sireet ne Dutero Kanon

¹⁹ Ak ki nam magatyat, ak kingo kagomwa kongoi, kobuutul, ak kogoochi icheek, ak kole, “Ni ko poortanyu ne kigoitoi agobo okweek; oyae ko uu ni si obwaatena.”

Bukuit Ne Tilil

¹⁹ Ak ki nam magatyat, ak kingo kagomwa kongoi, kobuutul, ak kogoochi icheek, ak kole, “Ni ko poortanyu ne kigoitoi agobo okweek; oyae ko uu ni si obwaatena.”

BUKUIT NE TILIL

¹⁹ Ak kinam makatiat, ak kingo kagomwa kongoi, kobutul, ak kogochi ichek, ak kole, Ni bortanyu ne kigoitoi agobo okwek: oyae ko u ni eng’ kabwatet ne obwatena.

LUKA 22:19 ပူးပေါင်းရင်းမြစ်များ

TIENWOGIKAL 111:4

Ki yai Kamuktaindet ne Toroor poisyonikyik che kikwong'ee si kibwaataat; po Kamuktaindet ne Toroor myeeindo ak ko nyiitaat rireenet.

TYENDO NE SIIREI TUGUL 1:4

Imuta, ngechakte keebe tuwai. Kagomutwaa laitoryat anyo kooriikyik che po oriit. Kigasigei ak keboiboitu eng' inyee, kimwaitoi acheek chamyeng'ung' kosiir divaik. Chamin icheek eng' iman.

EZEKIEL 37:11

Yeityo, komwaiwo koleenjo, Ee, weeriitap chii, kowechu ko kootap Israel komugul: keero, leen icheek, Ki koyaamyo kawekyok, ak ki kobet kamang'unennyo; ki kigeswech.

EZEKIEL 5:5

Mwaei Kiptaiyat Kamuktaindet ne Toroor kole niito ko Jerusalem: ki ande kwenutap pororyosyek, ak mi emotinwek komoswekyik.

MATAYO 14:19

Ki ng'at tuiyosyek kotep ng'wony eng' susweek. Ki inam magatinichooto muut ak injirenichooto aeng' ak konyal kipsengwet ak koberuur. Kibuutul ak kogoochi kasubikyik magatiinichooto, yeityo kogoochi kasubik tuiyosyek.

MATAYO 15:36

ak konam magatinichooto tisap ak njireenik, ak ye kiga komwa kongoi, kobuutul ak kogoochi kasubik, yeityo kogoochi kasubik tuiyosyek.

LUKA 22:17

Ak ki taach kigombet, ak kingo kagogoito kongoi, kole, “Onam ni, ak opchechigei;

LUKA 22:20

Ko uu nooto kigombet agine, kingo kagobata amitwogik che po lagat, kole, “Kigombani ko arorutyet ne leel ne po korotiikyuk, che kitumdoi agobo okweek.

LUKA 24:30

Ak ye kingo kagotebi ng'wony tugul koamisyei, konam magatyat, koberuur, kobuutul, ak kogoochi icheek.

JOHANA 6:23

(ago ki pwa moingonik alage eng' Tiberia ye neegitee kooret ole ki ame magatiinik ye kingo kagogoito Kiptaiyat kongoi):

JOHANA 6:51

Aa magatyat ne sabei ne ki choorgei eng' kipsengwet: ngo am chii age tugul magatyandani, kosabei koigeny: ee, ak poortanyu ko magatyat ne agoitoi agobo saboondo ne po ng'wony.”

1 KORINTOEK 10:16

Kigombetap kaberuret ne kiberuuri, ko tos ma yamdaet ne po korotiigap Kristo? Magatyat ne kibuutuli, ko tos ma yamdaet ne po poortap Kristo?

1 KORINTOEK 10:4

ak kiee tugul eet agenge ne po saboon: amu kiee tugul eng' rwandet ne po saboon ne ki isubi icheek: ak rwandanooto ko ki Kristo.

GALATYEK 1:4

ne ki igoitogei agobo tengekwogikyok, si kobiit kosarwech eng' peetuusyechu yaacheen, ko uu mageetap Kamuktaindet nenyo ak ko Kwandanyo:

GALATYEK 4:25

Ak Hagar niito ko tulweetap Sinai eng' Arabia, ak ibooru Jerusalem ne po nguno: amu mi eng' otwoknateet kobooto lagokyik.

EPESOEK 5:2

ak obendate chamyet, ko uu ye ki chamaak Kristo agine, ak kogoitogei agobo acheek, koek kagoochinet ak tiseiywot eng' Kamuktaindet ne ng'uu ne nyamdut.

1 THESSALONIKEK 5:18

omwae kongoi eng' tuguuk tugul: amu niito mageetap Kamuktaindet eng' Kristo Jeso eng' okweek.

TITO 2:14

ne ki igoitogei agobo acheek, si kobiit kotyachech eng' tengekto tugul, ak kotiliiljigei piik koek chechiik, che lewenotin, che igiilegei eng' poisyonik che myach.

1 PETERO 2:24

ineendet ne ki ip tengekwogikyok eng' poortanyi eng' keetit parak, si kesapchee eng' imanda; acheek che kiga kebekyi tengekwogik; ki kisaabenok pirutikyik.