KOMONG'U 7:11 - BUKUIT NE TILIIL Sireet ne Dutero Kanon

¹¹ Ki guur agine Pharaoh piik che tinyei utaatyet ak orgoik. Ak ki yai ak icheek ko uu nooto eng' ng'oorsennywa piigap Misiri che ng'oorsei ak che ng'oomen.

Bukuit Ne Tilil

¹¹ Ki guur agine Pharaoh piik che tinyei utaatyet ak orgoik. Ak ki yai ak icheek ko uu nooto eng' ng'oorsennywa piigap Misiri che ng'oorsei ak che ng'oomen.

BUKUIT NE TILIL

¹¹ Kiguur agine anyun Parao bik che ng’omen ak orgoik: ak kiyai ko u noto agichek bik che ng’omen che ng’orsei che bo Misri, eng’ ng’orsenywa.

KOMONG'U 7:11 ပူးပေါင်းရင်းမြစ်များ

TAUNET 41:8

Kingo eech karon, koiimgei eng' muguleldanyi, ak ki iyookto keguur Siriik tugul che ng'oomen che po Misiri, che ng'oorsei, ak piik tugul che ng'oomen che ki miitei. Ki tetyi `Pharaoh icheek karwotitoennyi, ago ki ma piit chii ne ki imuuch koguiyechi Pharaoh karwotitaosyekyik.

KOMONG'U 7:12

Ki wiirchi chii age tugul eng' icheek kiroktonyi ng'wony ak kiwalogis koek erenook. Ago kilugui kirokto ne po Aron kirokweekwak.

KOMONG'U 7:22

Ago ye kingo yai ko uu nooto eng' ng'oorsennywa ak icheek piik che ng'oomen che ng'oorsei che po Misiri, kogiuit muguleldap Pharaoh, ak ma kas iit icheek; ko uu ye ki kamwa Kamuktaindet ne Toroor.

KOMONG'U 8:18

Kityem piik che ng'oomen che ng'oorsei eng' ng'oorsennywa komong' isireek, ago ki ma imuuch. Ki nam anyun isireechooto piik ak tyong'ik.

KOMONG'U 8:3

Nyiei aineet mororochik, ak kotogosta koba koong'ung', ak koba koot ne irue, agoi itogung'ung', kooriigap otwogiguk ak kooriigap piiguk. Pendi mororochik kapkoimaung'ung', ak tereeniguk che ki chobe magatiinik.

KOMONG'U 8:7

Ago ki yai piik che ng'oomen che ng'oorsei eng' ng'oorsennywa ko uu nooto, ak komoong'ji mororochik emetap Misiri.

MATAYO 24:24

Amu tuun ng'eetos Kristoisyek che po lembech ak maotik che po lembech, ak koboortoi kaboorunoik ak kwang'utik che eecheen; si kobeet, nda imugaksei, agot che lewenotin.

GALATYEK 3:1

Ee Galatiechu perberen, ng'oo ne kibanak, okweek che ki kinde Jeso Kristo taitap konyekwok kotook keele ki kigartaat?

EPESOEK 4:14

si mata keegu lagok, che kitoortai koba komosi ak komosi ak keibooti eng' usoonet age tugul ne po kaneetisyet, eng' ng'aalsetap piik, ak eng' kaberberisyosyegap kiplembechoonik;

2 THESSALONIKEK 2:9

nyonunennyi konamegei ak poisyetap Setani kobooto kamuget tugul ak kaboorunoik ak kwang'utik che po lembech,

2 TIMOTEO 3:8

Ak ko uu Janne ak Jambre, che ki kirinda Musa, koyaei chu ak icheek ko uu nooto, kirindoi imanit; piik che ki kong'emogis ng'omnatosyekwak, che petyotiin eng' ooreetap kayaneet.

2 TIMOTEO 3:9

Ago matesei tai: amu taagu perberindanywa eng' piik tugul, ko uu ne po chugai ak icheek.

NG'ANG'UTYET 19:20

Ak ki kinam tyondo, kobooto maotyondonooto ki po lembech ne kiyaei kaboorunoik eng' tainnyi, ne ki iberberi che kiga kinde perutyetap tyondo, ak icheek che ki ilasu kanamwennyi. Ki kiwiirchi chooto tuwai kosaptos araraita ne po maat ne lalei eng' koik che laldos.

1 SAMUEL 6:2

Ki kuur anyun Philistiik tisiik ak che ng'oorsei ak koleenji, “Ki itoi nee moingetap Kamuktaindet ne Toroor? Oboorwech ole kiweektoitoi kwo oldanyi.”