KOMONG'U 6:26 - BUKUIT NE TILIIL Sireet ne Dutero Kanon

²⁶ Ki Aron ak Musa che ki mwachi Kamuktaindet ne Toroor koleenji: “Omoong'u piigap Israel eng' emetap Misiri ko uu lugosyekwak.”

Bukuit Ne Tilil

²⁶ Ki Aron ak Musa che ki mwachi Kamuktaindet ne Toroor koleenji: “Omoong'u piigap Israel eng' emetap Misiri ko uu lugosyekwak.”

BUKUIT NE TILIL

²⁶ Chuto ko Aron ak Musa che kimwachi Jehovah kolenji, Omoong’u lagokab Israel eng’ emetab Misri ko u lugosiekwak.

KOMONG'U 6:26 ပူးပေါင်းရင်းမြစ်များ

TAUNET 2:1

Ki kigees anyun yaetap kipsengwet ak ng'wony ak chaang'indonywa tugul.

1 ATEPTAP PEETUUSYEK 6:3

Lagogap Amram ko ki: Aron, Musa ak Miriam. Weeriigap Aron ko ki: Nadap, Abiu, Eleazar ak Ithamar.

TIENWOGIKAL 77:20

Ki imut piiguk ko uu akweetap keechiirek, Eng' eutap Musa ak Aron.

TIENWOGIKAL 99:6

Musa ak Aron eng' tisiikyik, Ak Samuel kobooto icheeget che kuurei kainennyi; Ki kuur icheek Kamuktaindet ne Toroor ak ki wolji.

KOMONG'U 12:17

Oriip igoori po magatiinik che ma kinde mermereek amu ki eng' peetuuni ne ki among'u lugosyekwok komang'une emetap Misiri. Amu nooto anyun oriip ak oyai igoori eng' peetuuniito eng' ibinwekwok tugul ak koek ng'atuutyet ne po koigeny.

KOMONG'U 12:41

Kingo pata kenyisyechooto pogol ang'wan ak sosom, komanda eng' peetuunooto lugoosyek tugul che po Kamuktaindet ne Toroor eng' emetap Misiri.

KOMONG'U 12:51

Ak ki imaanda Kamuktaindet ne Toroor peetuunooto piigap Israel eng' emetap Misiri eng' lugosyekwak.

KOMONG'U 13:18

Ago ki indochinot `Kamuktaindet piik kobun surkwen ne tokyingei Araraita ne Piriir. Ki togosta anyun piigap Israel komanda eng' emetap Misiri ko kagolaach kariik.

KOMONG'U 20:2

“Aa Kamuktaindet ne Toroor, Kamuktaindeng'ung' ne ki imutun imang'une emetap Misiri, kootap otwoknateet.

KOMONG'U 32:1

Ye kingo keer piik kole kagogagei Musa eng' tulweet ama choorgei, kotuiyechi ole mi Aron ak koleenji, “Ng'eet yaiywech kanamonik che pendi kondoi eng' acheek, amu ma kingen kiit ne kinyoor Musa-iniito, chiichooto ki imutwech kemang'une emetap Misiri.”

KOMONG'U 32:11

Ki igaigai `Musa Kamuktaindet ne Toroor Kamuktaindennyi, koleenji, “Ee, Kamuktaindet ne Toroor, amu nee si kolalyo nereegeguk agobo piiguk che ki imutu komang'une emetap Misiri eng' kimnateet ne oo ak eng' euut ne kiim?

KOMONG'U 32:7

Ki ng'alaalji `Kamuktaindet ne Toroor Musa koleenji, “Ui, choortegei; amu kagong'emgei piiguk che ki imutu komang'une emetap Misiri.

KOMONG'U 6:13

Ki ng'alaalji `Kamuktaindet ne Toroor Musa ak Aron agobo piigap Israel ak Pharaoh laitoryatap Misiri, ak kong'at icheek koomaanda piigap Israel eng' emetap Misiri.

KOMONG'U 6:20

Ki itun anyun Amram sengennyi Jokebed, ne ki sikyi Aron ak Musa. Kenyiisyegap Amram kotee kosabei ko ki kenyiisyek pogol ak sosom ak tisap.

KOMONG'U 6:7

Anamok oegu piikyuk, ak aegu Kamuktaindet eng' okweek, si onai ole Aa Kamuktaindet ne Toroor, Kamuktaindeng'wong' ne imoong'wok omang'une otetap Misiriik.

KOMONG'U 7:4

ago ma imuuchi kogasaak Pharaoh, ak eng' nooto anyun, andai eunnyu Misiri, ak among'u lugosyekyuk, piikyuk piigap Israel, komang'une emetap Misiri eng' poisyonik che eecheen che po kirwoogutik.

MIKAH 6:4

Amu ki amutun itogosu imong'u eng' emetap Misiri, ak ki atyachin imang'une kootap otwoknateet; ak ki ayookte Musa, Aron, ak Miriam kondoun.

KAITOSYEK 33:1

Chu panwegap piigap Israel, ye kingo manda eng' emetap Misiri eng' lugosyekwak kondochin Musa ak Aron.

JOSHUA 24:5

Ki ayookte `Musa ak Aron, ak abire Misiri korotwek ko uu kiit ne ki ayai eng' kwenunnywa, ak ye ibata amutwak omong'u.

1 SAMUEL 12:6

Komwachi `Samuel piik koleenji, “Kamuktaindet ne Toroor ineendet ne ki leweni Musa ak Aron, ak komut kwanisyekwok kotogos eng' emetap Misiri.

1 SAMUEL 12:8

“Ye kingo nyo Jakobo Misiri, ak koriirchi `kwanisyekwok Kamuktaindet ne Toroor, koyook `Kamuktaindet ne Toroor Musa ak Aron che ki imong' kwanisyekwok eng' Misiri ak kogoochi komeny olito.