KOMONG'U 4:31 - BUKUIT NE TILIIL Sireet ne Dutero Kanon

³¹ ak ki iyan piik. Ak ye kingo kas kole kagonyonji `Kamuktaindet ne Toroor piigap Israel, ak kogogeer nyalilwogikwak, kong'uruukso kosa anyun.

Bukuit Ne Tilil

³¹ ak ki iyan piik. Ak ye kingo kas kole kagonyonji `Kamuktaindet ne Toroor piigap Israel, ak kogogeer nyalilwogikwak, kong'uruukso kosa anyun.

BUKUIT NE TILIL

³¹ Ak kiiyan bik: ye kingogas kole kagonyonji Jehovah lagokab Israel, ak kogogeer nyalilwogikwak, kong’urukso anyun.

KOMONG'U 4:31 ပူးပေါင်းရင်းမြစ်များ

TAUNET 17:3

Ak ki ibutyi ng'wony kogutuny Abram, ak ki ng'alaalji Kamuktaindet koleenji,

TAUNET 24:26

Ki ing'uruuk anyun chiichooto ak kolas Kamuktaindet ne Toroor,

TAUNET 29:32

Ki manach anyun Leah, kosich weeriit, ak koguuree kainennyi Reuben, amu ki le, “Kagogeer Kamuktaindet ne Toroor nyalildanyu; nooto anyun imuuch kochama manong'otyonnyu nguno.”

TAUNET 50:24

Ak ki leenji Joseph tupchosyekyik, “Neegit ame; ago rutochinok iman Kamuktaindet, ak komaandak otogoste eng' emoni obe emet ne ki iyasyechi Abraham, Isak ak Jakobo.”

1 ATEPTAP PEETUUSYEK 29:20

Yeityo koleenji `Daudi tuiyet tugul, “Olasu Kamuktaindet ne Toroor Kamuktaindeng'wong'.” Ak ki ilas tuiyet komugul Kamuktaindet ne Toroor, Kamuktaindetap kwanisyekwak, ki ing'uruuk ak kogutung'ji Kamuktaindet ne Toroor, ak laitoryat.

2 ATEPTAP PEETUUSYEK 20:18

Ki ing'uruuk anyun Jehoshaphat kot kotiiny togeet ng'wony, ak kap Judah tugul ak piigap Jerusalem ak ki ibutyi taitap Kamuktaindet ne Toroor ak kolas Kamuktaindet ne Toroor.

2 ATEPTAP PEETUUSYEK 32:8

Mi kobooto ineendet kityo euut ne po poorto; ago mi kobootech Kamuktaindet ne Toroor Kamuktaindennyo, kotoretech ak koyai lugosyekyok.” Ak kinyoor piik nyiganateet eng' ng'aleegap Hezekiah laitoryatap Judah.

2 ATEPTAP PEETUUSYEK 7:3

Ye kigeerei lagok tugul che po Israel kochoorugei maat ak kotebee liilindap Kamuktaindet ne Toroor paragutap koot, ak ki ing'uruugis icheek kot koit ng'wony togoochikwak eng' ye ki kitetyi koik, ak kolas ak komwachi kongoi Kamuktaindet ne Toroor kole, “Amu myee ineendet, amu po koigeny rireenennyi.”

NEEMIA 8:6

Ki ilas `Ezra Kamuktaindet ne Toroor, Kamuktaindet ne oo ak ki wol piik tugul kole, “Amen, Ngo yaak ko uu nooto” konamjin parak eunekwak. Ak ki ing'uruukso kot kotiing'e togoochikwak ng'wony kolas Kamuktaindet ne Toroor.

Kitabuutap JOB 1:20

Ki ng'eet anyun Job ak kobet ngoryennyi ne po parak ak kocher metinnyi yeityo kobutyi ng'wony kosa.

KOMONG'U 12:27

Oleenji anyun icheek, ‘Tiseiywot ni ne po paska ne kigonyite Kamuktaindet ne Toroor ne kisiirtoe kooriigap piigap Israel ak kosar eng' Misiri ye kingo parei Misiriik.’ ” Ak ki ing'uruukso piik kolas Kamuktaindet ne Toroor.

KOMONG'U 14:31

Ki keer Israel poisyet ne kiim ne ki yachi `Kamuktaindet ne Toroor Misiriik. Ki iywei anyun `piik Kamuktaindet ne Toroor ak koyan `icheek ineendet ak Musa otwogindennyi.

KOMONG'U 19:8

Ki wol piik tugul eng' kibagenge kole, “Kiyae chooto tugul kamwa Kamuktaindet ne Toroor.” Ki ipchi anyun `Musa Kamuktaindet ne Toroor ng'aleegap piik,

KOMONG'U 19:9

ak ki leenji `Kamuktaindet ne Toroor Musa, “Anyoonjinin iman eng' pooldet ne tuui si kobiit kogas piik ye ang'alaalun ak koyanin agoi.” Kingo mwachi `Musa Kamuktaindet ne Toroor ng'aleegap piik,

KOMONG'U 2:25

Ki keer Kamuktaindet piigap Israel, ak ki nai kiit ne uu.

KOMONG'U 3:16

Ui, iyum poisyegap Israel, ak ileenji icheek, Ki komong'ja Kamuktaindet ne Toroor, Kamuktaindet ne po kwanisyekwok; Abraham, Isak, ak Jakobo, koleenjo: Kaanyonjok iman, ak kaageer nooto ne kiyaiywok eng' Misiri.

KOMONG'U 3:18

Tuun kasei iit kuting'ung' icheek. Eng' yooto, obe kaplaitoryatap Misiri, inyee kobooto poisyegap Israel, ak oleenji, “Kogetuiye ak Kamuktaindet ne Toroor, Kamuktaindet ne po Yahudik. Ara anyun, kisaain keele ityaachech keebe pandap peetuusyek somok eng' surkwen, si kobiit kigoochi tiseiywot Kamuktaindet ne Toroor, Kamuktaindennyo.

KOMONG'U 3:7

Ki leenji Kamuktaindet ne Toroor; “Koageer iman nyalilwogigap piikyuk che mi Misiri, koagas riirekwak amu chemogenik che usausi icheek ak angen ng'wanindanywa.

KOMONG'U 33:10

Ye kingo keer piik toloata po pooldet kotonone kurgeetap Emait, kong'eetyo tugul ak kong'uruukso, chii age tugul eng' kurgeetap emainnyi.

KOMONG'U 34:8

Kichirchiren Musa kong'uruuk agoi ng'wony, kolas Kamuktaindet.

KOMONG'U 4:5

“Si kobiit koyan icheek kole, ki iboorungei Kamuktaindet ne po Toroornatet, ne po kwanisyekwok Kamuktaindetap Abraham, Kamuktaindetap Isak ak Kamuktaindetap Jakobo.”

SEPANIA 2:7

Ak kobunji ngeguut piik che ki ng'et che po kootap Judah; iyage akwotisyekwak olooto: eng' kooriigap Askelon koskoleny; amu rutochin Kamuktaindet ne Toroor Kamuktaindennywa, ak komut icheek kogeny eng' ole kiga kiluulji.

LUKA 1:68

“Iberuurot Kiptaiyat, Kamuktaindet ne po Israel; amu kagorutoochi piikyik ak koyachi katyaget icheek,

LUKA 8:13

Ak icheeget che mi rwandet parak, ko ye kagas ng'aleek, koyan eng' poiboiyet, ak ma tinyei tigitik. Iyani ne matya, ak kochuchuigei eng' peetuutap yoomseet.

RUTH 1:6

Ki ng'eet ineendet anyun kobooto kwonyiigap weeriikyik komachei koweektagei eng' emetap Moab, amu kiga kogas komi emetap Moab kole ki korutoochi `Kamuktaindet ne Toroor piikyik ak kogoochi amitwogik.