KOMONG'U 39:30 - BUKUIT NE TILIIL Sireet ne Dutero Kanon

³⁰ Ki itaany naaryeet ne tiliil, eng' thahabu che korooron ak ki sirchi siruutik kogergeit ak waet ne po ng'ookset kole, “Tiliil eng' Kamuktaindet ne Toroor.”

Bukuit Ne Tilil

³⁰ Ki itaany naaryeet ne tiliil, eng' thahabu che korooron ak ki sirchi siruutik kogergeit ak waet ne po ng'ookset kole, “Tiliil eng' Kamuktaindet ne Toroor.”

BUKUIT NE TILIL

³⁰ Ak kiitany kit ne kergei ak eurto eng’ nariet ne tilil, eng’ tahabu che kororon, ak kisirji sirutik, kogergeit ak waet ne bo ng’okset, kole, TILIL ENG’ JEHOVAH.

KOMONG'U 39:30 ပူးပေါင်းရင်းမြစ်များ

KOMONG'U 26:36

Nap angeet ne kigeree kurgeetap emait. Inabe ngoryoniito ne buluu, ne aruus ne piriir, ne piriir, ak katanit ne karaaran ne ki kileet, poisyetap chiito ne nabei kondai lelesta.

KOMONG'U 39:29

ak pireneet ne po katanit ne karaaran ne ki kileet, ne po che buluu, che arusen ne piriir ak che piriireen, nooto poisyetap nabiindet ne ng'oom; ko uu ye kiga ng'at `Kamuktaindet ne Toroor Musa.

KOMONG'U 39:31

Kiratyi rogoet ne buluu, kotebee chepkulet ole po togoch, ko uu ye kiga ng'at `Kamuktaindet ne Toroor Musa.

SEKARIA 14:20

Tuun kisirchin eng' peetuunooto cheptingiloogap paraisisyek kole, “Tiliil eng' Kamuktaindet ne Toroor.” Ak igeitu tereenik che mi kootap Kamuktaindet ne Toroor taabook che mi taitap kaptisisyet.

1 KORINTOEK 1:30

Ago oo po ineendet okweek eng' Kristo Jeso, ne ki kiyai eng' Kristo Jeso, ne ki kiyai eng' acheek koek utaatyet ne punu Kamuktaindet, ak imanda, ak tiliilindo, ak katyaget:

2 KORINTOEK 5:21

Ineendet ne ki ma kongen tengek, kogiyai ineendet koek tengek amu acheek; si kobiit keegu imanda ne po Kamuktaindet eng' ineendet.

TITO 2:14

ne ki igoitogei agobo acheek, si kobiit kotyachech eng' tengekto tugul, ak kotiliiljigei piik koek chechiik, che lewenotin, che igiilegei eng' poisyonik che myach.

HEBRANIK 1:3

ineendet ko kakweng'eetap liilindanyi, ak itoondo ne po indennyi, ak kotononi tuguuk tugul eng' ng'olyootap kamuktaennyi, kingo kagoyai kaundoetap tengekwogik, kwo kotebee eutap tai ne po etunateet eng' parak;

HEBRANIK 7:26

Amu nyoljinech tisiindet ne oo ne uu ni, ne tiliil, ne ma tinyei keniisyet, ama tinyei murwoonindo, ne itabaanat eng' kiptengegiinik, ak ki kitoroor kosiir kipsengwet;

NG'ANG'UTYET 5:10

Ki iyai icheek koek pororyet ak tisiik eng' Kamuktaindet nenyo, ak tuun laitorani icheek eng' ng'wony.”