KOMONG'U 35:21 - BUKUIT NE TILIIL Sireet ne Dutero Kanon

²¹ Ki nyo age tugul ne ki ichirchir muguleldanyi, ak age tugul ne ki igiil muguleldanyi kogoon, ki ip kagoochinoigap Kamuktaindet ne Toroor che po poisyetap emait ne kituiyechin, che po poisyennyi tugul ak che po ngoroik che itabaanatiin.

Bukuit Ne Tilil

²¹ Ki nyo age tugul ne ki ichirchir muguleldanyi, ak age tugul ne ki igiil muguleldanyi kogoon, ki ip kagoochinoigap Kamuktaindet ne Toroor che po poisyetap emait ne kituiyechin, che po poisyennyi tugul ak che po ngoroik che itabaanatiin.

BUKUIT NE TILIL

²¹ Ak kinyo age tugul ne kiichirjir muguleldanyi, ak age tugul ne kiigiil tamirmiriennyi kogon, kiib kagochinoikab Jehovah, che bo boisietab emait ne kituiyechin, ak che bo boisiennyi tugul, ak che bo ngoroik che itabanotin.

KOMONG'U 35:21 ပူးပေါင်းရင်းမြစ်များ

2 SAMUEL 7:27

Amu ki ing'aang'ji inyee otwogindeng'ung', ee Kamuktaindet ne Toroor ne po lugoosyek, Kamuktaindetap Israel, ileenji ‘Ateegun koot.’ Kanyiganit anyun otwogindeng'ung' eng' muguleldanyi kosaain saaoni.

1 ATEPTAP PEETUUSYEK 28:2

Ki tonon anyun Laitoryat Daudi ak kole, “Ogasa, tupchosyekyuk ak piikyuk. Ki mi muguleldanyu ateech koot ne imuung'ee moingetap arorutyetap Kamuktaindet ne Toroor, ak ng'echereet ne tebee keelyegap Kamuktaindennyo, ak ki achop tuguuk che po teekseet.”

1 ATEPTAP PEETUUSYEK 28:9

“Nai anyun inyee Solomon weeriinnyu, Kamuktaindetap kwandang'ung', ak iboisyechi ineendet eng' muguleldo ne ititaat, ak eng' kabwaatutik che tinyei chameet, amu isyachi Kamuktaindet ne Toroor mugulelwek tugul ak koguitos kabwaatutik tugul che po metit. Ngot icheeng' ineendet, inyooru; ago ngot imete ineendet, kowiirtoin koigeny.

1 ATEPTAP PEETUUSYEK 29:14

Ago aa ng'oo anee, ak nee piikyuk, kot kimuuch kigoite eng' chamyet ko uu ni? Punun tuguuk tugul, ak kagigoonin tuguuguk.

1 ATEPTAP PEETUUSYEK 29:3

Kogeny, amu ki acham miising' kootap Kamuktaindennyu, ko uu ye atinye tuguukyuk che po thahabu ak fedha, agoochini kootap Kamuktaindennyu, che siirei tuguuk tugul che ki achopchi koot ne tiliil;

1 ATEPTAP PEETUUSYEK 29:8

Chii age tugul eng' icheek ne ki tinyei koik che po kamanuutyet ne oo, ko ki igoito kinde ole kigonoree tuguugap kootap Kamuktaindet ne Toroor, koba eutap Jehiel Gersonindet.

1 ATEPTAP PEETUUSYEK 29:9

Ki poiboitu anyun piik, amu ki igoito eng' chamyet, amu ki igoochi Kamuktaindet ne Toroor eng' muguleldo ne igesunotkei. Ki paibait agine Laitoryat Daudi eng' poiboiyet ne oo.

EZRAH 2:68

Kingo pwa kootap Kamuktaindet ne Toroor ne mi Jerusalem, kandoigap kooriigap kwanisyek, kogoito tuguuk eng' chamyet si keteege kootap Kamuktaindet eng' ole kimi.

EZRAH 7:27

Iberuurot Kamuktaindet ne Toroor, Kamuktaindetap kwanisyekyok, ne ki inde ng'olyoot ne uu ni muguleldap laitoryat, si kochop kogararanit kootap Kamuktaindet ne Toroor ne mi Jerusalem,

TIENWOGIKAL 110:3

Chamdogei piiguk eng' peetuutap kimnateng'ung': eng' karaaranindap tiliilindo, ye machei koeech. Itinye rewootap ming'inateng'ung'.

KOMONG'U 25:2

“Mwachi piigap Israel koibwa konunoik. Iname konunoichooto kobun chii age tugul ne ichirchirchin muguleldanyi kogoon konunoikyuk.”

KOMONG'U 35:20

Ki pa tuiyetap piigap Israel komugul eng' taitap Musa.

KOMONG'U 35:22

Ki pwa murenik ak kwonyiik, icheeget che ki cham mugulelwekwak. Ki ip peteinigap seruunek, munaokwak, peteinik che po ng'ookset ak sonoegap kaatit; ki po chooto tugul thahabu. Ki igoochi chii tugul anyun Kamuktaindet ne Toroor tuguuk che po thahabu.

KOMONG'U 35:26

Ki ilet koroorigap ng'oroorek kobogorisyek tugul che ki ichirchir mugulelwekwak eng' ng'omnateet.

KOMONG'U 35:29

Ki ipchi `piigap Israel Kamuktaindet ne Toroor kagoochinoik che po chamyet; muren age tugul ak kobogoryo age tugul che ki igiil mugulelwekwak koip tuguuk che po poisyonooto tugul, che kiga ng'at Kamuktaindet ne Toroor keyai eng' Musa.

KOMONG'U 35:5

Oip eng' kwenung'wong' kagoochinet ne kigoochin Kamuktaindet ne Toroor. Chii age tugul ne tinyei muguleldo ne chamei, ko ingoip, kagoochinet ne kigoochin Kamuktaindet ne Toroor: thahabu, fedha ak sugunonik,

KOMONG'U 36:2

Ki kuur `Musa Bezalel, Aholiab ak chii age tugul ne tinyei kaguiyet, ne kiga kogoochi Kamuktaindet ne Toroor ng'omnateet, agot age tugul ne ki ichirchi muguleldanyi koyai poisyonooto.

KALEWANAIK 4:23

Riip muguleldang'ung' eng' kagiiletapkei tugul, amu yooto ko punu kong'igap peegap saboon.

JEREMIA 30:21

Ak kobiitune icheek pounindennywa, ak komang'une kwenunnywa kirwoogindennywa; ak agoochini ineendet koriik, konyo koriikyo; amu ng'oo ineendet ne tinyei nyiganateet koriikyo? Mwaei Kamuktaindet ne Toroor.

MATAYO 12:34

Lagochu po erenooi, omuktoi ano okweek che oo yaach omwa tuguuk che myach? Ng'alaali kutit che nyiitaat muguleldo.

2 KORINTOEK 8:12

Amu ngo choboot kabwaatetap chii, ko taachaksei ko uu ye tinyei chii, ma ko uu ye ma tinyei.

2 KORINTOEK 9:7

Ingogoito chii age tugul ko uu ye Ki kochop eng' muguleldanyi; ma eng' ng'ooknateet, anan torchinet: amu chamei Kamuktaindet ne igoitoi eng' poiboiyet.

KIRUOGIK 5:12

Ng'eet, ng'eet, Debora! Ng'eet, ng'eet, tyen! Ng'eet, ee Barak, imut luuleniguk che ki iluul, inyee weeriitap Abinoam.

KIRUOGIK 5:3

Ogas, okweek laitorinik! Oep iit, okweek pounik! Atyenjini anee Kamuktaindet ne Toroor. Atyenjini kalasunet Kamuktaindet ne Toroor, Kamuktaindetap Israel.

KIRUOGIK 5:9

Tokyingei muguleldanyu pounigap Israel, che ki igoitogei eng' chamyet eng' kwenutap piik. Olasu Kamuktaindet ne Toroor!