KOMONG'U 34:15 - BUKUIT NE TILIIL Sireet ne Dutero Kanon

¹⁵ “Oriipkei si moyai arorut kobooto piik che menyei emonooto, amu ye ipkei icheek ak kanamonikwak ak koeng'ji tiseiywot kamuktaikwak koguurin age iam che po tiseiywondennyi.

Bukuit Ne Tilil

¹⁵ “Oriipkei si moyai arorut kobooto piik che menyei emonooto, amu ye ipkei icheek ak kanamonikwak ak koeng'ji tiseiywot kamuktaikwak koguurin age iam che po tiseiywondennyi.

BUKUIT NE TILIL

¹⁵ si moyachigei arorutiet koboto bik che menyei emonoto, si maipgei ichek ak kanamonikwak, ak koeng’ji tiseiywek cheptalelisiekwak, ak koguurin age iam che bo tiseiywondennyi:

KOMONG'U 34:15 ပူးပေါင်းရင်းမြစ်များ

1 ATEPTAP PEETUUSYEK 5:25

Ago ki ingelelji Kiptaiyat Kamuktaindetap kwanisyekwak ak ki ibotkei ak kanamonigap piigap emonooto, che kiga par Kamuktaindet eng' tainnywa.

EZRAH 6:9

Tuguuk che makyingei ko uu kiruugik che mengeechen, mengichik, aaregap keechiir, koek kagoochinoik che kibeeljin Kamuktaindetap kipsengwet ak nganuuk, muunyuk, divaik, ak mwanik, ko uu eng' ng'olyootap tisiik che mi Jerusalem; ingigoochi icheek peetuut age tugul amat keele ma mi,

EZRAH 9:12

Amogoochi anyun tiibiikwok weeriikwak, anan kotun weeriikwok tiibiikwak anan ocheeng' kalyennywa anan ko porotennywa koigeny, si kobiit ogimegitu ak oam ruroteetap emet ak obagakyi lagokwok koek porotennywa koigeny.

TIENWOGIKAL 106:28

Ki namgei icheek ak Baal-peor, Ak ki am koroseek che ki kieng'jin che ki kobek.

TIENWOGIKAL 73:27

Amu keero, petos icheeget che looen eng' inyee: Amu ki ing'em icheek tugul che ki isup ibeetapkei koistoenengei.

KOMONG'U 22:19

“Kibarei age tugul ne ruitos ak tyony.

KOMONG'U 22:20

“Chii age tugul ne eeng'jin tiseiywot kamuktain age tugul ne ma Kamuktaindet ne Toroor, keng'emei kiwong'u.

KOMONG'U 23:32

Amoyai arorut ak icheek, anan agot eng' kanamonikwak.

KOMONG'U 32:8

Kagosip komasta kometo ooreet ne kiga ang'atyi. Kagoyachigei kanamwet ne po moita ne ki kitaany, ak kogutung'ji, ak kagoeng'ji tiseiywot, ak koleen, ‘Kanamoniguk chu, inyee Israel, che ki imutun imang'une emetap Misiri.’ ”

KOMONG'U 34:10

Kowol Kamuktaindet kole, “Keero, kaayai arorutyet. Ayae kwang'utik eng' taitap piiguk tugul, che kitom keyaei eng' ng'wony komugul anan eng' pororyet age tugul. Keerei piik tugul che imi kwenunnywa poisyetap Kamuktaindet ne Toroor amu kiit ne ki iywei ne ayae eng' inyee.

KOMONG'U 34:12

“Riipkei, si meyai arorutyet ak piik che menyei emonooto iwendi si ma ek mesteet eng' kwenung'wong'.

JEREMIA 3:9

Ee iman, ki komurwon emet eng' kugoinatennyi ne po tangoi, ko uu ye ki ipkei ak koik ak subenik.

HOSEA 4:12

Soomei piikyuk kirwooget eng' keetiik, ak iboorchin icheek kiroktonywa. Amu ki imaas icheek `sabeetap kugoinatet, ak ki koba koyai kugoinatet, kometo Kamuktaindennywa.

HOSEA 9:1

Amat ibaibaitu, ee Israel, ko uu ye poiboitu pororyosyek; amu ki iyaate kugoinatet imete Kamuktaindeng'ung', ak ki icham tuguuk che kigoigoisye eng' rwanyut age tugul.

ATEPTAP LAWIK 17:7

Si mata koeng'ji oik tiseiywekwak kogeny, che kocham kosuboti koibegei tugul. Egu ng'olyoondoni ng'atuutyet ne po koigeny eng' icheek eng' ibinwekwak tugul.

KAITOSYEK 15:39

Egu anyun sawoiyot eng' okweek ne ogeere ak obwaat ng'atuutik tugul che po Kamuktaindet ne Toroor ak oyai, si mosup kiit ne machei mugulelwekwok ak konyekwok, che ki cham osubi oibegei.

KAITOSYEK 25:1

Ye kita komenyei `Israel Shitim, ko ki toi murenik koipkei ak tiibiigap Moabik,

KAITOSYEK 25:2

ak kiguur `tiipchooto piik koba ole kigoochine kanamonikwak tiseiywek. Ki amis piik ak kogutung'ji kanamonik.

POISYONIGAP CHE KIYOKTOI 15:20

ago ongesirchi icheek keleenji kotabaanegei murwoonindap kanamonik, ak sokseet, ak ne po tuguuk che kagiget, ak korotiik.

1 KORINTOEK 10:27

Ngo kuurok age eng' icheek che ma iyani kole kobaak, ak omache obe; ko kiy age tugul anyun ne kaginde taing'wong', oam, amat oteep amu kabwaatet:

1 KORINTOEK 8:10

Amu ngo keerin chii inyee ne itinye naet, iamisyei eng' Hekaluut ne po kanamwet, ko tos manyiganitu kabwaatennyi, ngot ko nyalulat, kot koam tuguuk che kieng'jin kanamonik?

1 KORINTOEK 8:4

Nooto anyun eng' ameet ne po tuguuk che kieng'jin kanamonik, kingen keele ma mi kanamwet ne kiy eng' ng'wony, ama mi Kamuktaindet age kobatee agenge.

1 KORINTOEK 8:7

Ago ma mi naonooto eng' piik tugul: ago ko uu ye ki konerta alak kanamonik agoi nguno, koamei ko uu kiit ne kagieng'ji kanamwet; ak murwoniitu kabwaatennywa ne nyalulat.

NG'ATUTIK 31:16

Yeityo koleenji `Kamuktaindet ne Toroor Musa, “Keero, neegit si iru kobooto kwanisyeguk. Ago ye iru, kong'eetyo pichu koibotkei ak kanamonik che po pororyosyek alak che po emet ole pendi kotebee kwenunnywa, kobagaakta ak kobut kayomisennyu ne ki kiyomiske ak icheek.

NG'ATUTIK 31:18

Aunye iman togeennyu peetuunooto amu yaitwogik tugul che ki yai amu kaweektagei koot kanamonik.”

NG'ATUTIK 32:37

Yeityo koteep kole, ‘Mi ano kanamonikwak, rwandet ne ki imang'u?’

NG'ATUTIK 32:38

Mi ano nguno kamuktaichooto ki amei mwanigap tiseiywekwak, che kieei divaik che po kagoochinennywa ne kieei? Ingong'eetyo chooto kotoretook, Ingoek icheek che omwechini.

NG'ATUTIK 7:2

ak ye kagoonin Kamuktaindet ne Toroor Kamuktaindeng'ung' inam icheek, ko nyolu ibar iwong'u. Amoarorchigei kiy kobooto icheek anan iriiree.

NG'ATUTIK 7:3

Amogangei, amegoochi cheptong'ung' weeriinnyi anan itunji weeriing'ung' cheptonyi.

JOSHUA 23:12

Amu ngot ochuchuigei obe let eng' kiy age tugul ak onamge ak pororyosyechuuto ki ng'et eng' kwenung'wong', otunge ak icheek ak obe ole mi ak kobwa ole omi,

NG'ANG'UTYET 2:20

Ago ating'enen ng'olyoo: ale ichamjini kobogoryot Jesebel, ne kuuregei maotyo; ak koneeti otwogikyuk ak kogoigoi kosokso, ak koam tuguuk che kigoochin kanamonik.

KIRUOGIK 2:17

Nga no, koma kas iit icheek kirwoogikwak kora. Ki isubot kamuktaik alak koibotkei ak kong'uruuk eng' tainnywa. Kimasta kochaakta kobagaakta ooreet ne kibunei kwanisyekwak, che kigase iit ng'atuutigap Kamuktaindet ne Toroor; ma yai icheeget ko uu nooto.

KIRUOGIK 3:6

Ki imut tiibiikwak koek osotikwak, ak ki igoochi tiibiikwak kotun weeriikwak ak ki oot kamuktaikwak.