KOMONG'U 32:30 - BUKUIT NE TILIIL Sireet ne Dutero Kanon

³⁰ Eng' peetuut ne ki isubi, koleenji `Musa piik, “Ki oyai tengekto ne oo. Katogoste anyun nguno awe ole mi Kamuktaindet ne Toroor, tamangap ayai kagaigaet agobo tengektong'wong'.”

Bukuit Ne Tilil

³⁰ Eng' peetuut ne ki isubi, koleenji `Musa piik, “Ki oyai tengekto ne oo. Katogoste anyun nguno awe ole mi Kamuktaindet ne Toroor, tamangap ayai kagaigaet agobo tengektong'wong'.”

BUKUIT NE TILIL

³⁰ Ak eng’ betut ne kiisubi betunoto, kolenji Musa bik, Kioyai tengekto ne o: katogoste anyun nguno awe ole mi Jehovah: tamangab ayai kagaigaet agobo tengektang’wong’.

KOMONG'U 32:30 ပူးပေါင်းရင်းမြစ်များ

2 SAMUEL 12:9

Amu nee anyun si isas ng'olyootap Kamuktaindet ne Toroor iyai kiit ne ya eng' tainnyi? Koibar Uriah Hitindet eng' rotwetap chok, ibare ineendet rotwetap chok ne po lagogap Ammon, yeityo imutu osotyonnyi koek osotyondeng'ung'.

2 SAMUEL 16:12

Abeere keerei Kamuktaindet ne Toroor yaityet ne kagiyaiywo, ak igeerwo Kamuktaindet ne Toroor ne myee agobo chubisyoni kagichubo rani.”

2 LAITORINIK 17:21

Ye kibut Israel eng' kootap Daudi, ko ki yai Jeroboam weeriitap Nebat koek laitoryat. Ki imaas Jeroboam Israel si ma isup Kamuktaindet ne Toroor, ak kogoochi icheek koyai tengekto ne oo.

TIENWOGIKAL 99:6

Musa ak Aron eng' tisiikyik, Ak Samuel kobooto icheeget che kuurei kainennyi; Ki kuur icheek Kamuktaindet ne Toroor ak ki wolji.

KOMONG'U 32:29

Ak ki le Musa, “Kaotabaanjigei Kamuktaindet ne Toroor rani chii tugul ne ma namegei ak weeriinnyi anan ne tupcho, si kogoonok ineendet perurto rani.”

AMOS 5:15

Owech yaityet ak ocham che myach, ak ogimiit kirwooget eng' ormariichet; abeere imuuchi koriiree Kamuktaindet ne Toroor, Kamuktaindet ne po lugoosyek, che ki ng'et che po Joseph.

JONAH 3:9

Ng'oo ne ingen? Imuuch koweek Kamuktaindet ak kowal kabwaatutikyik, ak kometo nereegekyik che koroomen, si koma kibegu.”

KAITOSYEK 16:47

Ki ip anyun Aron tereennyi ko uu ye kagamwa Musa ak kilabat kwo kwenutap tuiyet. Kooro kole, kagotoigei koroito eng' piik. Ki peel anyun nyamdutik ak koyachi kagaigaet piik.

KAITOSYEK 25:13

Kayai kayomiset ne po tiseinateet ne po koigeny eng' ineendet ak eng' iyotennyi ne piitu let. Amu ki tinyei pekyinet agobo Kamuktaindet ak kagoyachi kagaigaet piigap Israel.”

LUKA 15:18

Ang'eete ak awe kap Abba aleenji, Abba, ki achalwogenji kipsengwet ak ki achalwogen eng' taing'ung':

LUKA 7:47

Nooto anyun ne kamwaun ale, kagenyochi kaat tengekwogikyik, che ka chaang'; amu chamei miising': ago ineendet ne kinyochin kaat kitigin, kochamei agine kitigin.

ROMANIK 9:3

Amu kata amache ale king'wanita aneendet eng' Kristo agobo tupchosyekyuk, che piikyuk eng' poorto;

GALATYEK 3:13

Ki ityaachech Kristo eng' chubisyetap Ng'atuutyet ye ki ek ineendet chubeet agobo acheek: amu ki kisir keele, Chuboot chii age tugul ne kisonginini eng' keetit:

2 TIMOTEO 2:25

ne kere kong' eng' mutyonet icheek che kirindoi; tamangap kogoochi Kamuktaindet icheek siguunet ne po naetap imanit,

JAKOBO 5:16

Ong'aang'jige anyun kachiliilutikwok okweegei, ak osachinigei okweegei, si kobiit kisaabok. Toretisyei miising' saaetap chiito ne po imanda ngo saa eng' kagiiletapkei.

1 SAMUEL 12:17

Kasarta ne po kesisyetap nganuuk ni. Aguure Kamuktaindet ne Toroor si koyook tuleet ak ropta, si onai ak ogeer ole oo tengektong'wong' ne ki oyai eng' taitap Kamuktaindet ne Toroor amu ki osoomjigei laitoryat.”

1 SAMUEL 12:19

Koleenji `piik tugul Samuel, “Saa igaigai Kamuktaindet ne Toroor Kamuktaindeng'ung' agobo otwogiguk si ma kibegu, amu kogetesyi tengekwogikyok tugul yaityoni, kesoomjigei laitoryat.”

1 SAMUEL 12:20

Kowolji `Samuel piik koleenji, “Amoiywei, ki oyai iman yaityoni tugul, ago amomaste obagaach Kamuktaindet ne Toroor. Ago oot Kamuktaindet ne Toroor eng' mugulelwekwok tugul.

1 SAMUEL 12:23

Eng' anee, ko ingolooit ayachi tengek Kamuktaindet ne Toroor, ak abagaakte asaiywok; atesetai aneetook eng' ooreet ne myee ak ne nyolu.

1 SAMUEL 2:17

Ki oo miising' tengektap murenjooto eng' taitap Kamuktaindet ne Toroor, amu ki it kagoochinoigap Kamuktaindet ne Toroor ko tugun che ma kiy.