KOMONG'U 29:9 - BUKUIT NE TILIIL Sireet ne Dutero Kanon

⁹ Yeityo igermen Aron ak weeriikyik eng' pirenaik ak igerchinee metowekwak chepkuloik che mengeechen. Si konam poisyonooto po tiseinateet eng' ng'atuutyet ne po agoi. Itoroorchi anyun Aron ak weeriikyik poisyonooto po tiliilindo.

Bukuit Ne Tilil

⁹ Yeityo igermen Aron ak weeriikyik eng' pirenaik ak igerchinee metowekwak chepkuloik che mengeechen. Si konam poisyonooto po tiseinateet eng' ng'atuutyet ne po agoi. Itoroorchi anyun Aron ak weeriikyik poisyonooto po tiliilindo.

BUKUIT NE TILIL

⁹ Ak igermen eng’ birenaik, Aron ak werikyik, ak igerji metowekwak eng’ chepkuloik che mengechen: ak konam boisionoto bo tiseinatet eng’ ng’atutiet ne bo agoi: ak itororji Aron ak werikyik boisionoto bo tililindo.

KOMONG'U 29:9 ပူးပေါင်းရင်းမြစ်များ

KOMONG'U 27:21

Ingochobei Aron ak weeriikyik lapkeiyonooto eng' taitap Kamuktaindet ne Toroor kong'etee koskoleny agoi karon eng' emait ne kituiyechin eng' ole sip kemong'jin eng' angeet ne iyoitos emaitap Kamuktaindet, ne mi tai eng' paornateet. Egu ng'atuutyet ne po koigeny eng' ibinwekwak tugul agobo piigap Israel.

KOMONG'U 28:1

“Imutu anyun Aron ng'eetap komet konyo ole ami kobooto weeriikyik, kobwa eng' ole mi piigap Israel, si kobiit koboisyeiwo eng' tisiisyet. Icheeget che imutu ko; Aron ak weeriikyik, Nadap, Abiu, Eleazar ak Ithamar.

KOMONG'U 32:29

Ak ki le Musa, “Kaotabaanjigei Kamuktaindet ne Toroor rani chii tugul ne ma namegei ak weeriinnyi anan ne tupcho, si kogoonok ineendet perurto rani.”

KOMONG'U 40:15

ak iil icheek ko uu ye ki iil kwandanywa, si kobiit koboisyeiwo eng' tisiisyet. Egu kailsennywa ne ki ili icheek tiseinateet ne po agoi eng' ibinwekwak tugul.”

ATEPTAP LAWIK 8:1

Ki ng'alaalji `Kamuktaindet ne Toroor Musa koleenji,

ATEPTAP LAWIK 8:13

Ki imut `Musa weeriigap Aron ak kolaakyi ngoroik che kooen. Kiratyi icheek mosibisyek ak kolakyi metowekwak chepkuloik che mengeechen, ko uu ye ki ng'at `Kamuktaindet ne Toroor Musa.

ATEPTAP LAWIK 8:33

Momandoi eng' kurgeetap emait ne kituiyechin eng' peetuusyek tisap agoi kosulda peetuusyekwok che kitabaananenok, amu ibei peetuusyek tisap katabaaneng'wong'.

KAITOSYEK 16:10

Ki komutwak ooriigu ak tupchosyeguk tugul weeriigap Lawi. Tos omache tiseinateet agine?

KAITOSYEK 16:35

Ki mong' maat anyun eng' Kamuktaindet ne Toroor ak ki peel pichooto pogol aeng' ak konom che ki igoitoi nyamdutik che kibeelei.

KAITOSYEK 16:40

Ki ek nooto kabwaatet eng' piigap Israel si ma riik toondet ne ma po ooreetap Aron, nyoo kobeel nyamdutik eng' taitap Kamuktaindet ne Toroor, si ma igei Kora ak piikyik. Ki yaak chooto ko uu ye ki mwachi `Kamuktaindet ne Toroor ineendet eng' Musa.

KAITOSYEK 18:7

Oriip inyee ak weeriiguk tiseinateng'wong' agobo kiy age tugul ne po kapkorosuut ak che po chooto mi oriit eng' angeet ne ki kioye, ak oboisyee. Kagoonok tiseinateet koek poisyetap konunet. Kibarei too age tugul ne riikyin.”

KAITOSYEK 25:13

Kayai kayomiset ne po tiseinateet ne po koigeny eng' ineendet ak eng' iyotennyi ne piitu let. Amu ki tinyei pekyinet agobo Kamuktaindet ak kagoyachi kagaigaet piigap Israel.”

KAITOSYEK 3:10

Inde Aron ak weeriikyik si koriip tisiisyet, ak chii age tugul ne kipsagariin ne riikyin, kebarei.”

NG'ATUTIK 18:5

Amu kalewen Kamuktaindet ne Toroor Kamuktaindeng'ung' ineendet eng' ortinweguk tugul kobois eng' kainetap Kamuktaindet ne Toroor ineendet ak weeriikyik koigeny.

HEBRANIK 5:10

ne kiguure Kamuktaindet tisiindet ne oo ko uu kiit ne ki uu Melkisedek.

KIRUOGIK 17:5

Ki tinyei chiichito kiguure Mikah kootap kanamonik, ak ki yai ephod ak terapik, ak ki itabaan age eng' weeriikyik, koek tisiindennyi.

1 SAMUEL 2:30

Nooto anyun mwaei Kamuktaindet ne Toroor Kamuktaindetap Israel kole, ‘Ki amwa iman ale, wendoti eng' tainnyu koong'ung' ak kootap kwandang'ung' koigeny.’ Ago kamwa Kamuktaindet ne Toroor nguno kole, ‘Ingolooit eng' anee!’ Icheek che konyita, agonyiti, ago icheeget che ma iita kole aa kiy, kesasei.