KOMONG'U 29:20 - BUKUIT NE TILIIL Sireet ne Dutero Kanon

²⁰ Eeny anyun mengoto ak itaach korotiik che iilee walisyegap itigap tai che po Aron ak weeriikyik, ak eng' morik che eecheen che po eunekwak che po tai ak eng' morik che eecheen che po keelyekwak che po tai. Yeityo iisote korotiik che kang'et komoswek tugul eng' kaptisisyet.

Bukuit Ne Tilil

²⁰ Eeny anyun mengoto ak itaach korotiik che iilee walisyegap itigap tai che po Aron ak weeriikyik, ak eng' morik che eecheen che po eunekwak che po tai ak eng' morik che eecheen che po keelyekwak che po tai. Yeityo iisote korotiik che kang'et komoswek tugul eng' kaptisisyet.

BUKUIT NE TILIL

²⁰ Yeityo anyun ieny mengoto, ak itaach korotikyik, ak iile walitab itit ne bo tai ne bo Aron, ak eng’ walisiekab itik che bo tai che bo werikyik, ak eng’ morik che eechen che bo eunekwak che bo tai, ak eng’ morik che eechen che bo kelyekwak che bo tai, ak iisote korotichoto kaptisisiet komoswek tugul.

KOMONG'U 29:20 ပူးပေါင်းရင်းမြစ်များ

KOMONG'U 29:19

“Nam mengit ne po aeng', si kogonoor Aron ak weeriikyik eunekwak metitap mengoto.

KOMONG'U 29:21

Ye ibata inam korotiik che mi kaptisisyet parak ak mwaita ne kiilse, ak iise Aron ak ngoroikyik, ak iise weeriikyik ak ngoroikwak. Si kitabaan ineendet ak ngoroikyik, ak weeriikyik ak ngoroikwak.

ISAIAH 50:5

Ki koyaat Kiptaiyat Kamuktaindet ne Toroor itinnyu, ak ki ma angelel, anan atuktoochi patai.

ISAIAH 52:15

ibisi anyun pororyosyek che chaang'; namei kuut laitorinik amu ineendet: amu tuun keerei tuguuk che kitom kemwachi icheek, ak koguiyo tuguuk che kitom kogas.

ATEPTAP LAWIK 14:14

Namei tisiindet korotiik alak eng' che po kagoochinetap chalwokto, ak konde walitap itit ne po tai ne po ineendet ne kitiliili, ak eng' mornet ne oo ne po eutap tai, ak eng' mornet ne oo ne po keldanyi ne po tai.

ATEPTAP LAWIK 14:16

ak korooch tisiindet mornennyi ne po tai mwaata mi eunnyi ne po kaataam, ak koisisye mwaata eng' mornennyi eng' taitap Kamuktaindet ne Toroor konyil tisap.

ATEPTAP LAWIK 14:17

Ak mwaita ne kang'etune eutap tisiindet konde walitap itit ne po tai ne po ineendet ne kitiliili, ak eng' mornet ne oo ne po eunnyi ne po tai, ak eng' mornet ne oo ne po keldanyi ne po tai, eng' paragutap korotiigap kagoochinet ne po chalwokto.

ATEPTAP LAWIK 14:25

Yeityo koeny arwanooto po kagoochinetap chalwokto, ak ingoip tisiindet alak eng' korotiigap kagoochinetap chalwokto, ak konde walitap itit ne po tai ne po ineendet ne kitiliili, ak eng' mornet ne oo ne po eunnyi ne po tai, ak eng' mornet ne po keldanyi ne po tai.

ATEPTAP LAWIK 14:28

Ak konde tisiindet mwanichooto alak che mi eunnyi, walitap ititap tai ne po ineendet ne kitiliili, ak eng' mornet ne oo ne po eunnyi ne po tai, ak eng' mornet ne oo ne po keldanyi ne po tai, eng' paragutap korotiigap kagoochinet ne po chalwokto.

ATEPTAP LAWIK 14:7

Ak koisee ineendet ne kitiliili eng' mogondosaik konyil tisap, ak komwaita kole tiliil. Yeityo kounda toriityanooto sabei kwo kewanin.

ATEPTAP LAWIK 16:19

Ak koisee korotiik kaptisisyet eng' mornennyi konyil tisap, ak koanyiny, ak kotiliil koistoe murwoonindap piigap Israel.

ATEPTAP LAWIK 8:23

Ki eeny `Musa mengoto ak kotaach korotiik, ak koilee walitap ititap tai ne po Aron, mornet ne oo ne po eunnyi ne po tai ak mornet ne oo ne po keldanyi ne po tai.

ATEPTAP LAWIK 8:24

Ki imut `Musa kora weeriigap Aron ak konde korotiik walitap itiikwak che po tai, morik che eecheen che po eunekwak che po tai, ak morik che eecheen che po keelyekwak che po tai. Ki ise `Musa korotiik kaptisisyet komoswek tugul.

MARIKO 7:33

Ki imut chiichooto kwo taban eng' tuiyet, ak ki irooch moriikyik iitiigap chiichooto, yeityo kong'utyi ak kotwa ng'elyeptanyi.

HEBRANIK 10:22

ongeriikte anyun eng' muguleldo ne po iman eng' nyiietap kayaneet, ko kageis mugulelwekyok kemete kabwaatet ne ya, ak kiuun poorwekyok eng' peek che tiliileen:

HEBRANIK 12:24

ak Jeso katuiyoindetap kayomiset ne leel, ak korotiigap iset, che ng'alaali ko myee kosiir che po Abel.

1 PETERO 1:2

ko uu eng' naetap Kamuktaindet Kwanda ne kisip konai, eng' katabaanetap Kabuuset ne Tiliil, agoi kasetap iit ak isetap korotiik che po Jeso Kristo: Ingotesak myeeindo ak kaalyeet eng' okweek.