KOMONG'U 25:22 - BUKUIT NE TILIIL Sireet ne Dutero Kanon

²² Yeityo ketuiye ak inyee eng' olooto ak keng'alaal kobooten ko katebee kerwanooto po rireenet parak, ami kwenutap kerubisyek aeng' che mi paragutap moingetap paornateet ak amwaun tuguuk tugul che ang'atiin agobo piigap Israel.

Bukuit Ne Tilil

²² Yeityo ketuiye ak inyee eng' olooto ak keng'alaal kobooten ko katebee kerwanooto po rireenet parak, ami kwenutap kerubisyek aeng' che mi paragutap moingetap paornateet ak amwaun tuguuk tugul che ang'atiin agobo piigap Israel.

BUKUIT NE TILIL

²² Ak ketuiye ak inye eng’ oloto, ak keng’alal ak inye ko katebe keruanato bo rirenet barak, ami kwenutab kerubisiek aeng’ che mi baragutab moingetab baornatet, amwaun tuguk tugul che ang’atin agobo lagokab Israel.

KOMONG'U 25:22 ပူးပေါင်းရင်းမြစ်များ

TAUNET 18:33

Ye kingo tar anyun Kamuktaindet ne Toroor kong'alaaldos ak Abraham, kwo pandanyi; ak ki week Abraham kwo kaa.

2 SAMUEL 6:2

Ki ng'eet Daudi ak kwo kobooto piik tugul che ki mi ak ineendet eng' Baale Judah koba koip moingetap Kamuktaindet ne ki kimwaitae kainet, kainetap Kamuktaindet ne Toroor ne po lugoosyek ne tebee kerubisyek.

2 LAITORINIK 19:15

Ak ki sa Hezekiah eng' taitap Kamuktaindet ne Toroor kole, “Ee Kamuktaindet ne Toroor, Kamuktaindetap Israel, ne tebee kerubisyek, ii Kamuktaindet ne Toroor inyee inyegei, ne po laitornatosyek tugul che po ng'wony. Ki iyai kipsengwet ak ng'wony.

1 ATEPTAP PEETUUSYEK 13:6

Ki togosta Daudi kobooto Israel tugul koba Baala yooto ko Kiriath-Jearim, ne ki po Judah, koip eng' olooto moingetap Kamuktaindet, Kamuktaindet ne Toroor ne tebee kerubisyek, ne kimwaitoe kainanooto.

TIENWOGIKAL 80:1

Ep iit, ee Mestowotap Israel, Inyee ne indochini Joseph ko uu akweetap keechiirek; Iluu, inyee ne itebee kerubisyek.

TIENWOGIKAL 80:2

Ing'eet kimnateng'ung' eng' taitap Ephraim, ak Benjamin, ak Manasseh, ak inyoo isarwech.

TIENWOGIKAL 90:1

Ee Kiptaiyat, ki iegu ole ki menye Eng' ibinwek tugul.

TIENWOGIKAL 99:1

Laitorani Kamuktaindet ne Toroor; ingobotanso piik: Tebee ineendet paragutap kerubik; ingobotan ng'wony.

KOMONG'U 20:24

Teekwo kaptisyet ne po ng'ung'unyek ak ieng'wo eng' kaptisisyonooto kagoochinoiguk che kibeelei ak kagoochinoiguk che po kaalyeet, keechiireguk ak tuguuk. Anyoonjinin ak aberuurin eng' komosta age tugul ole andoi kainennyu kibwaate.

KOMONG'U 27:21

Ingochobei Aron ak weeriikyik lapkeiyonooto eng' taitap Kamuktaindet ne Toroor kong'etee koskoleny agoi karon eng' emait ne kituiyechin eng' ole sip kemong'jin eng' angeet ne iyoitos emaitap Kamuktaindet, ne mi tai eng' paornateet. Egu ng'atuutyet ne po koigeny eng' ibinwekwak tugul agobo piigap Israel.

KOMONG'U 30:36

Yeityo itui alak eng' chooto komengegitu ak inde chooto taitap paornateet eng' emait ne kituiyechin, ole kituiyechini ak inyee. Egu ne tiliil miising' eng' okweek.

KOMONG'U 30:6

Indoi kaptisisyonooto taitap angeet ne ioitos koot, ye neegitee moingetap paornateet ne miitei taitap kerwet ne po rireenet ne mi paragutap paornateet ole kituiyechini ak inyee.

KOMONG'U 31:18

Ye kingo kagogees Kamuktaindet ne Toroor ng'alaalet ne ki ng'alaali ak Musa eng' tulweetap Sinai, kogoochi Musa koik aeng' che lebeleen che po paornateet che ki kisire mornetap Kamuktaindet.

KOMONG'U 31:6

Ak asi kotoret ineendet, ko kaalewen anee Aholiab weeriitap Aisamak ne po ooreetap Dan, ak kaande ng'omnateet mugulelwegap tugul che tinyei kaguiyet si kobiit koyai icheek tugul che kaang'atiin:

ISAIAH 37:16

Ee Kamuktaindet ne Toroor ne po lugoosyek, Kamuktaindetap Israel, ne tebee kerubisyek, ii Kamuktaindet, inyee inyegei, ne po laitornatosyek tugul che po ng'wony; ki iyai kipsengwet ak ng'wony.

EZEKIEL 43:6

Ak ki agas kong'alaalwo chii eng' ko; ak ki tonon chii eng' ye ami.

ATEPTAP LAWIK 1:1

Ki kuur `Kamuktaindet ne Toroor Musa ak kong'alaalji eng' emait ne kituiyechin, koleenji,

ATEPTAP LAWIK 16:2

koleenji, “Mwachi Aron ng'eetap komet, si ma nyoonei atkai tugul ole-tiliil oriit ne po angeet ne ki kioiye koot, eng' taitap kerwetap rireenet ne mi moinget parak; si ma me. Amu among'u eng' pooldet eng' paragutap kerwetap rireenet.

KAITOSYEK 17:4

Yeityo igonor kirokwechooto eng' emait ne kituiyechin eng' taitap paornateet, ole kituiyechini ak okweek.

KAITOSYEK 7:89

Ye kingwo Musa emait ne kituiyechin kwo kong'alaal ak Kamuktaindet ne Toroor, kogas anyun kutit kong'alaaljin ineendet komang'une paragutap kerwetap rireenet ne ki miitei moingetap paornateet; ki mang'une kwenutap kerubisyechooto aeng', ak ki ng'alaalji ineendet.

KIRUOGIK 20:27

Ak kiteebe `piigap Israel Kamuktaindet ne Toroor, (amu ki mi olooto moingetap arorutyetap Kamuktaindet eng' peetuusyechooto,

1 SAMUEL 4:4

Ki kiyookto anyun piik koba Shiloh, ak ki ip eng' yooto moingetap arorutyetap Kamuktaindet ne Toroor ne po lugoosyek ne tebee kerubisyek. Ki imi yooto anyun Hopni ak Phineas, weeriichooto aeng'u po Eli kobooto moingetap arorutyetap Kamuktaindet.