KOMONG'U 20:24 - BUKUIT NE TILIIL Sireet ne Dutero Kanon

²⁴ Teekwo kaptisyet ne po ng'ung'unyek ak ieng'wo eng' kaptisisyonooto kagoochinoiguk che kibeelei ak kagoochinoiguk che po kaalyeet, keechiireguk ak tuguuk. Anyoonjinin ak aberuurin eng' komosta age tugul ole andoi kainennyu kibwaate.

Bukuit Ne Tilil

²⁴ Teekwo kaptisyet ne po ng'ung'unyek ak ieng'wo eng' kaptisisyonooto kagoochinoiguk che kibeelei ak kagoochinoiguk che po kaalyeet, keechiireguk ak tuguuk. Anyoonjinin ak aberuurin eng' komosta age tugul ole andoi kainennyu kibwaate.

BUKUIT NE TILIL

²⁴ Teekwa kaptisiet ne bo ng’ung’unyek, ak ieng’wa eng’ kaptisisionoto kagochinoiguk che kibeelei, ak kagochinoiguk che bo kalyet, kechireguk, ak tuga cheguk: anyonjinin ak aberurin eng’ komosta age tugul ole andoi kainennyu kibwate.

KOMONG'U 20:24 ပူးပေါင်းရင်းမြစ်များ

TAUNET 12:2

Ayain iegu pororyet ne oo, ak aberuurin, ak atoroor kaineng'ung' koeet, si iegu kaberuret.

2 SAMUEL 6:12

Ki kimwachi Daudi keleenji, “Kigoberuur Kamuktaindet ne Toroor kootap Obed-edom, ak tuguukyik tugul, amu moingetap Kamuktaindet.” Ara ki wo `Daudi koip moingetap Kamuktaindet eng' poiboiyet eng' kootap Obed-edom kotogos konyo nganaseetap Daudi.

1 LAITORINIK 8:29

Ingogeer konyeguk kooi kemoi ak peet, kogeer komosta ne ki imwa ile, ‘Tebee yooto kainennyu’; si igas saaet ne saaei otwogindeng'ung' kotokyingei komosita.

1 LAITORINIK 8:43

igas eng' kipsengwet oldang'ung' ole imenye, ak iyai ko uu tuguuk tugul che kaguurchin chiichooto po pororyosyek; si kobiit konai kaineng'ung' piik tugul che po ng'wony, koiywein, ko uu ye iywein piiguk Israel, ak si kobiit konai kole kooi ki ateech kemwaitoe kaineng'ung'.

1 LAITORINIK 9:3

Ki leenji `Kamuktaindet ne Toroor ineendet, “Kaagas saaeng'ung' ak soomeng'ung' ne kaisa ak isoom eng' tainnyu. Kaatiliil kooi koiteech, si ande kainennyu yooto koigeny. Tebee yooto konyekyuk ak muguleldanyu peetuusyek tugul.

2 LAITORINIK 5:17

Ki mwa Naaman kole, “Ngot ko mata icham, asaain ale ngigoochi otwogindeng'ung' ng'ung'unyek che yamei kola nyumbusyek aeng'u; amu kobooch nguno koma kogoochin otwogindeng'ung' kagoochinet ne kibeelei, anan ko tiseiywot, kanamonik, koek Kamuktaindet ne Toroor ineegei.

2 ATEPTAP PEETUUSYEK 12:13

Ki igimitkei anyun Laitoryat Rehoboam eng' Jerusalem ak kolaitoran. Ki po kenyiisyek artam ak agenge Rehoboam ye ki tau kolaitorani, ak ki laitoran kenyiisyek taman ak tisap eng' Jerusalem, nganasanooto kiga kolewen Kamuktaindet ne Toroor eng' ortinwek tugul che po Israel, konde kainennyi olooto. Ki kiguure kamet Naamah Jebamonindet.

2 ATEPTAP PEETUUSYEK 6:6

Ago ki alewen Jerusalem si kobiit kotebee yooto kainennyu, ak ki alewen Daudi koboi piikyuk Israel.’

2 ATEPTAP PEETUUSYEK 7:16

Amu kaalewen kooi ak atabaan si kobiit kotebee kainennyu olooto koigeny. Ak tebee yuto konyekyuk ak muguleldanyu kotugul.

EZRAH 6:12

Ngo par Kamuktaindet ne ki inde kainennyi komeny olooto, laitorinik tugul ak piik tugul che iitoi eunekwak kole kowal ng'olyoondonooto ak kong'em kootap Kamuktaindet ne miitei Jerusalem. Kaang'at anee Darius. Ara ingoyaak ng'atuutyoniito eng' kagiiletapkei tugul.

NEEMIA 1:9

ago ngot oweekyage, oriip ng'atuutikyuk ak oyai, ko agot ngo ki kiyestochok tabandap kipsengwet, ayumi kobwa eng' olooto ak amutu kobwa ole ki alewen ande kainennyu kotebee.’

TIENWOGIKAL 101:2

Atebye komyee eng' ng'omnateet eng' ooreet ne ititaat. Ee, inyonjino au? Awendotee muguleldo ne ititaat eng' koonnyu.

TIENWOGIKAL 122:2

Tonondos keelyekyok eng' ormariichoguk, ee Jerusalem.

TIENWOGIKAL 128:5

Iberuurin Kamuktaindet ne Toroor eng' Zion. Ak igeere poroteetap Jerusalem peetuusyek tugul che po sabeeng'ung'.

TIENWOGIKAL 134:3

Ingoberuurin Kamuktaindet ne Toroor eng' Zion; ineendet ne ki yai kipsengwet ak ng'wony.

TIENWOGIKAL 74:7

Kigobeel oldang'ung' ne tiliil; Ki koyai ole menyei kaineng'ung' kong'wanit agoi ng'wony.

TIENWOGIKAL 76:2

Miitei koonnyi Salem, Ak miitei Zion ole menyei.

TIENWOGIKAL 78:68

Ago ki lewen ooreetap Judah, Tulweetap Zion ne ki cham.

KOMONG'U 10:25

Ago ki leenji Musa, “Kanyool kora ichamwech che kienyei ak kagoochinoik che kibeelei, si kobiit keeng'ji tiseiywot Kamuktaindet ne Toroor, Kamuktaindennyo.

KOMONG'U 18:12

Eng' yooto anyun konam Jethro kabyugoitap Musa kagoochinet ne kibeelei ak tiseiywot ak koeng'ji Kamuktaindet. Ki nyo Aron kobooto poisyek tugul che po Israel koamis ak kabyugoitap Musa eng' taitap Kamuktaindet.

KOMONG'U 20:25

Ngimache iteekwo kaptisisyet ne po koik, ko meteege koik che ki kiwai amu ngiwai, ko keng'wanit.

KOMONG'U 24:4

Ki sir Musa ng'aleek tugul che po Kamuktaindet ne Toroor ak king'eet karon ko tuui ak koteech kaptisisyet eng' tulweet keel. Kiteeche koik tolochik taman ak aeng' ko uu ortinwek taman ak aeng' che po Israel.

KOMONG'U 24:5

Yeityo koyookto murenik che neran che po piigap Israel kogoito kagoochinoik che kibeelei ak kieng'ji tuuga Kamuktaindet ne Toroor koek tiseiywegap kaalyeet.

KOMONG'U 27:1

“Teech kaptisisyet eng' keetiigap chebitoik koek koindo mitainik aeng' ak robo ak koek tebeesindo mitainik aeng' ak robo. Aechin komoswek tugul ang'wanu che po kaptisisyonooto ak ingoek koindo ne po tononennyi mitait agenge ak robo.

ISAIAH 64:5

Otuitosi ak ineendet ne paibai ak koyaei imanda, icheeget che ibwaatin eng' ortinweguk: keero, ki inereech, ak ki kiyai tengekto: ki keyai chooto peetuusyek che chaang', ak tos kisarwech?

ATEPTAP LAWIK 17:9

ama ket agoi kurgeetap emait ne kituiyechin, si kobiit koeng'ji Kamuktaindet ne Toroor, king'etoi chiichooto eng' piikyik.

MALAKI 1:11

Amu oo kainennyu eng' pororyosyek kobooch ole charunee asiis agoi ole roroktoe; ak kigoitoi eng' komosta age tugul nyamdutik che kibeelei agobo kainennyu, kobooto kagoochinet ne tiliil: amu oo kainennyu eng' pororyosyek, mwaei Kamuktaindet ne Toroor ne po lugoosyek.

MATAYO 18:20

Amu ole katuiyechi aeng'u anan somok eng' kainennyu, ami kwenunnywa eng' olooto.”

MATAYO 28:20

oneet icheek koosup tuguuk tugul che kaang'atak. Ak ogeero, ami kobootok eng' peetuusyek tugul, agoi kagesunetap ng'wony.”

NG'ATUTIK 12:11

Egu anyun ole leweni Kamuktaindet ne Toroor Kamuktaindeng'wong' konde kainennyi kotebee, ole oibe koba tugul che ang'atook; kagoochinoikwok che kibeelei, tiseiywekwok, kebeberwekwok, kagoochinetap eunekwok ne kinamjin parak ak kaarortaosyekwok tugul che oarorchini Kamuktaindet ne Toroor.

NG'ATUTIK 12:21

Ngot ko loo eng' inyee ole leweni Kamuktaindet ne Toroor Kamuktaindeng'ung' konde kainennyi, ieny anyun che po akweeng'ung' ak che po keechiireguk che ki kogoonin Kamuktaindet ne Toroor ko uu ye ki ang'atiin ak iam eng' kurgotiguk, ko uu ye machei saboondang'ung'.

NG'ATUTIK 12:5

Ocheeng' anyun ole menyei Kamuktaindet ne Toroor Kamuktaindeng'wong' eng' ole leweni ineendet eng' ortinwekwok tugul kole konde kainennyi. Yooto ye nyolu obe,

NG'ATUTIK 14:23

Iamisyei eng' taitap Kamuktaindet ne Toroor Kamuktaindeng'ung', eng' ole leweni konde kainennyi komeny olooto, kebebertap taman ne po peeguk, divaiguk, mwaniguk ak che twatei akweeng'ung' ak keechiireguk, si ineetkei iywei Kamuktaindet ne Toroor Kamuktaindeng'ung' kotugul.

NG'ATUTIK 16:11

Ibaibaitu eng' taitap Kamuktaindet ne Toroor Kamuktaindeng'ung' inyee, weeriing'ung', cheptong'ung', otwogindeng'ung' ne muren ak ne tye, Lawindet ne mi kurgotiguk, toondet, ne ma tinyei sigiik ak mosoget, che mi kobooten eng' ole leweni Kamuktaindet ne Toroor Kamuktaindeng'ung' kotebee kainennyi.

NG'ATUTIK 26:2

inam anyun eng' tongoanik tugul che po logoek che po emet che iibu eng' emeng'ung' ne koonin Kamuktaindet ne Toroor Kamuktaindeng'ung' ak inde kitonget yeityo iip koba ole leweni Kamuktaindet ne Toroor Kamuktaindeng'ung' kondai kainennyi.

NG'ATUTIK 7:13

Chamin, iberuurin ak kotesin ochaang'e. Iberuuri iyoteng'ung', ruroteetap emeng'ung', peeguk, peegap logoeguk, mwaniguk, ak kaberuretap tuuga ak che po keechiireguk eng' emet ne ki iyasyechi kwanisyeguk kole koonin.

1 TIMOTEO 2:8

Amache anyun ale kosaaei murenik eng' komosta age tugul, konamjin parak eunekwak che tiliileen, koma mi nereegek ak tiyet.