KOMONG'U 14:31 - BUKUIT NE TILIIL Sireet ne Dutero Kanon

³¹ Ki keer Israel poisyet ne kiim ne ki yachi `Kamuktaindet ne Toroor Misiriik. Ki iywei anyun `piik Kamuktaindet ne Toroor ak koyan `icheek ineendet ak Musa otwogindennyi.

Bukuit Ne Tilil

³¹ Ki keer Israel poisyet ne kiim ne ki yachi `Kamuktaindet ne Toroor Misiriik. Ki iywei anyun `piik Kamuktaindet ne Toroor ak koyan `icheek ineendet ak Musa otwogindennyi.

BUKUIT NE TILIL

³¹ Ak kigeer Israel boisiet ne kim ne kiyachi Jehovah eng’ Misrik, ak kiiywei bik Jehovah: ak kiiyan Jehovah, ak Musa otwogindennyi.

KOMONG'U 14:31 ပူးပေါင်းရင်းမြစ်များ

2 ATEPTAP PEETUUSYEK 20:20

Ki ng'eetyo karon miising', komusta surkwen ne po Tekoa. Ye kingo ta kobendi, kotonon Jehoshaphat ak kole, “Ogasa, ee Judah, ak che omenye Jerusalem! Oyan Kamuktaindet ne Toroor Kamuktaindeng'wong', si kobiit ogimegitu; oyan maotikyik, si oboor.”

NEEMIA 9:9

Ki igeer nyalilwogigap kwanisyekyok eng' Misiri, ak ki igas riirekwak eng' ye neegitee Araraita ne Piriir.

TIENWOGIKAL 119:120

Potani poortanyu amu aiywein; ak aiywei kirwoogutiguk.

KOMONG'U 19:9

ak ki leenji `Kamuktaindet ne Toroor Musa, “Anyoonjinin iman eng' pooldet ne tuui si kobiit kogas piik ye ang'alaalun ak koyanin agoi.” Kingo mwachi `Musa Kamuktaindet ne Toroor ng'aleegap piik,

KOMONG'U 4:31

ak ki iyan piik. Ak ye kingo kas kole kagonyonji `Kamuktaindet ne Toroor piigap Israel, ak kogogeer nyalilwogikwak, kong'uruukso kosa anyun.

LUKA 8:13

Ak icheeget che mi rwandet parak, ko ye kagas ng'aleek, koyan eng' poiboiyet, ak ma tinyei tigitik. Iyani ne matya, ak kochuchuigei eng' peetuutap yoomseet.

JOHANA 11:45

Ki iyan anyun ineendet che chaang' che po Yahudik che kigabwa ole mi Maria, ak kogeer tuguuk che kayai Jeso.

JOHANA 2:11

Taunet niito ne po kaboorunoikyik ne ki yai Jeso eng' Kana ne po Galilaya, ak ki iboortoi toroornatennyi; ak ki iyan ineendet kasubikyik.

POISYONIGAP CHE KIYOKTOI 8:13

Ki iyan Simion agine ak kingo kagibatisan kotebi kobooto Philipu. Ak kingo keer koyaogis kaboorunoik ak poisyonigap kimnateet kokwong'.

HEBRANIK 3:5

Ak ki ek Musa iman ne kiyani eng' kootap Kamuktaindet tugul ko uu kiboityot, agobo paornateet ne po tuguuchooto che kitun kemwa eng' let;

JOSHUA 24:7

Kingo riirchi Kamuktaindet ne Toroor konde mesundeito kwenung'wong' ak Misiriik ak koip nyanjet komaaluuch icheek ak kotuch. Ki keer iman konyekwok kiit ne ki ayai eng' Misiri. Eng' let ko ki omeny surkwen peetuusyek che chaang'.

JOSHUA 4:14

Ki itoroor `Kamuktaindet ne Toroor Joshua eng' peetuunooto eng' taitap Israel tugul. Ki iywei `ineendet piigap Israel eng' peetuusyek tugul che po sabeennyi, ko uu ye ki iywei Musa.

JOSHUA 4:24

si kobiit konai piik tugul che po ng'wony kole kiim eutap Kamuktaindet ne Toroor ak koywei Kamuktaindet ne Toroor Kamuktaindeng'wong' koigeny.”

1 SAMUEL 12:16

Ara anyun otononse si ogeer kitap kwang'utyet ne machei koyai Kamuktaindet ne Toroor ogeere.

1 SAMUEL 12:18

Ki kuur anyun `Samuel Kamuktaindet ne Toroor, ak ki iyook `Kamuktaindet ne Toroor peetuunooto tuleet ak ropta. Ki iywei piik tugul Kamuktaindet ne Toroor ak Samuel miising'.