KOLOSAIK 3:3 - BUKUIT NE TILIIL Sireet ne Dutero Kanon

³ Amu ki obegu, ak ki kiuny saboonwekwok kobooto Kristo eng' Kamuktaindet.

Bukuit Ne Tilil

³ Amu ki obegu, ak ki kiuny saboonwekwok kobooto Kristo eng' Kamuktaindet.

BUKUIT NE TILIL

³ Amu kiobegu, ak kigiuny sobonwekwok koboto Kristo eng’ Jehovah.

KOLOSAIK 3:3 ပူးပေါင်းရင်းမြစ်များ

MATAYO 11:25

Eng' peetuusyechooto kowol Jeso kole, “Amwaun kongoi, we Abba, Kiptaiyatap kipsengwet ak ng'wony, amu ki iung'e tuguuchu che utaatiin ak che ng'oomeen, ak ki ing'aang'ji manyurunik;

JOHANA 14:19

Ta komi kitigin, si ma kogeero ng'wony; ago ogeera: amu asabe, osaptosi ak okweek.

JOHANA 3:16

Amu ki cham Kamuktaindet ng'wony miising', kot kogoito Weeriinnyi ne ki kisich ineegei, si ma lus age tugul ne iyani ineendet, ago si konyoor saboondap koigeny.

JOHANA 4:14

ago age tugul ne eei peek che agoochini koma koamei melel agoi; ago egu peek che agoochini kondap peek eng' ineendet, che kuutu agoi saboondap koigeny.”

JOHANA 5:21

Amu ko uu ye ing'eeti Kwanda che ki kobek ak kosoobi, isoobi Weeriit ko uu nooto agine che machei.

JOHANA 5:24

“Amwaiwok, iman, iman, ale, Ineendet ne kasei ng'olyoondennyu, ak koyani ineendet ne ki iyookwo, kotinyei saboondap koigeny, ama wendi ole mi kirwooget, ago kagomong' eng' meet komong'ji saboondo.

JOHANA 5:40

ago mochame obwanjo, si kobiit konyooru saboondo.

ROMANIK 5:10

Amu ye kita ko ki puunik, ko ki kituiyech ak Kamuktaindet eng' meetap Weeriinnyi, ne siirei miising' anyun, koga kituiyech, kesarwech eng' saboondanyi.

ROMANIK 5:21

si, ko uu ye kiboi tengekto eng' meet, ko uu nooto pou myeeindo eng' imanda agoi saboondap koigeny eng' Jeso Kristo Kiptaiyandennyo.

ROMANIK 6:11

Ko uu nooto oiityige ak okweek ole ki obekyi tengek, ago osaptosi eng' Kamuktaindet eng' Kristo Jeso.

ROMANIK 6:2

Achicha, ma uu nooto. Acheek che kigebekyi tengek, kota kesoptoi ano eng' tengek?

ROMANIK 8:2

Amu kagotyacha ng'atuutyetap Kabuusetap saboon eng' Kristo Jeso amang'une ng'atuutyetap tengek ak meet.

1 KORINTOEK 15:45

Ko uu nooto agine, ki kisir keele, Ki ek chiito ne po tai, Adam, chiito ne sabei. Ki ek Adam ne po let Kabuuset ne igoitoi saboondo.

1 KORINTOEK 2:14

Ma taachei chiito ne mi eng' atebeetap poorto tuguuk che po Kabuusetap Kamuktaindet: amu perberyo eng' ineendet; ak temenee koobeesyo tuguuchooto, amu naoksei eng' toretetap Kabuuset.

2 KORINTOEK 5:14

Amu ichiichech chamyetap Kristo; amu kingen ko uu ni, keele kime chiito agenge agobo tugul, nooto anyun ki pek tugul;

2 KORINTOEK 5:7

(amu kibendoti eng' kayaneet, ma eng' keeret);

GALATYEK 2:20

Ki kigartata kobooto Kristo; ago asabe; ago ma ko anee, ago sabei Kristo eng' anee: ak saboondo ne asabe nguno eng' poorto asabe eng' kayaneet ne miitei eng' Weeriitap Kamuktaindet, ne ki chama, ak ki igoitogei agobo anee.

EPESOEK 3:9

ak kiguiyechi piik tugul kiit ne uu tononjinetap ung'ootyet ne kiga kiuny kobooch kenyiisyek che ki kosiirto, eng' Kamuktaindet, ne ki toi koyai tuguuk tugul;

PILIPIK 4:7

Ak riibei kaalyeetap Kamuktaindet, ne siirei kaguiyet tugul, mugulelwekwok ak kabwaatutikwok eng' Kristo Jeso.

KOLOSAIK 1:5

amu kamang'unet ne kigegonorwok eng' kipsengwet, ne ki osip ogas eng' ng'olyootap imanit ne po logoiywek che myach,

KOLOSAIK 2:20

Ko uu ye ki obegu kobooto Kristo omang'une kaneetisyosyek che po tai che po ng'wony, amu nee anyun si ogas iit arorutik, ko uu ye osaptosi eng' ng'wony,

KOLOSAIK 2:3

ki kiuny eng' ineendet konoraik tugul che po utaatyet ak naet.

KOLOSAIK 3:4

Ye tuun took Kristo, ne ineendet saboondanyo, otaagu anyun ak okweek kobooto ineendet eng' toroornatet.

HEBRANIK 7:25

Eng' nooto anyun komuuchi kogeny kosar agoi kasuldaet icheek che pwaanjin Kamuktaindet eng' ineendet, amu sabei ineendet koigeny si kobiit kosaaei agobo icheek.

1 PETERO 3:4

ago ingoek chiito ne ung'aat ne tinyei muguleldo ne po sabeet, ne tinyei lelesta ne ma ng'emaksei, ne tala ak kosiisei, ne eng' taitap Kamuktaindet ko po kamanuutyet ne oo.

1 PETERO 4:2

si ko mata osapche eng' poorto eng' peetuusyekwok che ng'etunotiin eng' maguutik che yaach che po piik, ago si osapche eng' mageetap Kamuktaindet.

1 JOHANA 3:2

Chamanichu, ki lagogap Kamuktaindet nguno, ak tomo keng'aany kiit ne tuun ki uu. Kingen keele, ye tuun kaging'aany ineendet, kegergeitu ak ineendet; amu tuun kigeere ko uu ole uu ineendet.

NG'ANG'UTYET 2:17

“Ineendet ne tinyei itit, kogas kiit ne mwachin Kabuuset ne Tiliil kanisosyek. Ineendet ne iterteeri, agoochini che po mana che ung'ootiin, ak agoochi koita ne leel, ak ki kisirchi koyata kainet ne leel, ne ma ingen chii kobatee ineendet ne taachei.