KOLOSAIK 3:17 - BUKUIT NE TILIIL Sireet ne Dutero Kanon

¹⁷ Ak kiit age tugul ne oyae, eng' ng'olyoot anan eng' poisyet, oyai tugul eng' kainetap Kiptaiyat Jeso, omwachini Kamuktaindet Kwanda kongoi eng' ineendet.

Bukuit Ne Tilil

¹⁷ Ak kiit age tugul ne oyae, eng' ng'olyoot anan eng' poisyet, oyai tugul eng' kainetap Kiptaiyat Jeso, omwachini Kamuktaindet Kwanda kongoi eng' ineendet.

BUKUIT NE TILIL

¹⁷ Ak kit age tugul ne oyae, eng’ ng’olyot anan eng’ boisiet, oyai tugul eng’ kainetab Kiptaiyat Jesu, omwachini Jehovah Kwanda kongoi eng’ inendet.

KOLOSAIK 3:17 ပူးပေါင်းရင်းမြစ်များ

1 LAITORINIK 18:32

Kiteege kaptisisyet koichooto eng' kainetap Kamuktaindet ne Toroor, ak ki pal keriinget koyieme kaptisisyet, ne yamegei ak keruutik aeng' che po kesweek.

KALEWANAIK 3:6

Ng'aany ineendet eng' ortinweguk tugul, si kolitiitu ortinweguk.

MIKAH 4:5

Amu wendoti pororyet age tugul eng' kainetap kamuktaindennyi, ak kibendotee acheek kainetap Kamuktaindet ne Toroor Kamuktaindennyo koigeny ak koigeny.

MATAYO 28:19

Nooto anyun oba ak oyai piigap pororyosyek tugul koek kasubik, obatisan icheek eng' kainetap Kwanda ak ne po Weeriit ak ne po Kabuuset ne Tiliil,

POISYONIGAP CHE KIYOKTOI 19:17

Ak kinaak niito eng' tugul, Yahudik kobooto Yunanik, che ki menyei Epheso; ak kinyoor kaiyweisyet icheek tugul, ak kinyoor teegisto kainetap Kiptaiyat Jeso.

POISYONIGAP CHE KIYOKTOI 4:30

ye iitoi inyee eung'ung' isoobi piik; si koyaak kaboorunoik ak kwang'utik eng' kainetap Kiboityondeng'ung' ne Tiliil, nooto ko Jeso.”

ROMANIK 1:8

Ne po tai, amwachini Kamuktaindet nenyu kongoi eng' Jeso Kristo agobo okweek tugul, amu kimwaitoi kayaneng'wong' eng' ng'wony komugul.

1 KORINTOEK 10:31

Nooto anyun ngo ame, anan ngo ee, anan agot eng' kiy age tugul ne oyae, oyai tugul otoroori Kamuktaindet.

EPESOEK 1:17

ale ingogoonok Kamuktaindet ne po Kiptaiyandennyo Jeso Kristo, Kwanda ne po toroornatet, Kabuuset ne po utaatyet ak ng'ang'utyet eng' naetap ineendet;

EPESOEK 5:20

ogoitoi kongoi kotugul agobo tuguuk tugul eng' kainetap Kiptaiyandennyo Jeso Kristo, ogoochini Kamuktaindet, ineendet Kwanda;

PILIPIK 1:11

ko oo nyiitootiin eng' logoegap imanda, che punu Jeso Kristo, agoi toroornatet ak kalasunetap Kamuktaindet.

PILIPIK 2:11

si kong'aany ng'elyepta age tugul kole Jeso Kristo ko Kiptaiyat, agoi toroornatetap Kamuktaindet Kwanda.

KOLOSAIK 1:12

ogoochini kongoi Kwanda, ne kiyaech keegu che nyoljin keyamde poroteetap che tiliileen eng' lapkeiyet;

KOLOSAIK 2:7

ko oo lumdootin ak ko oo teegotin eng' ineendet, ak kigimitok eng' kayaneng'wong', ko uu ye ki kinetak, otese omwae kongoi.

KOLOSAIK 3:15

Ak ingoboi kaalyeetap Kristo mugulelwekwok, nooto ne ki kiguurchok eng' poorto agenge; ak oegu che tinyei kongoi.

KOLOSAIK 3:23

kiit age tugul ne oyae, oyai kobunu muguleldo, ko uu eng' Kiptaiyat, ama ko uu eng' piik;

1 THESSALONIKEK 1:1

Paulo, Silvano ak Timoteo, kisirchini kanisetap Thessalonikek eng' Kamuktaindet Kwanda ak Kiptaiyat Jeso Kristo. Ingotep kobootok myeeindo ak kaalyeet.

1 THESSALONIKEK 5:18

omwae kongoi eng' tuguuk tugul: amu niito mageetap Kamuktaindet eng' Kristo Jeso eng' okweek.

2 THESSALONIKEK 2:17

kogaigai mugulelwekwok ak kogimit icheek eng' poisyet age tugul ne myee ak ng'olyoot.

HEBRANIK 1:5

Amu ki mwachi malaikaisyek ngorcho koleenji, “Ii Weeriinnyu, kaasichin rani”? Ak kogeny, “Aegu Kwanda eng' ineendet ak koek ineendet Weeriit eng' anee”?

HEBRANIK 13:15

Nooto anyun ongigoochi Kamuktaindet eng' ineendet korosyotap kalasunet kotugul, nooto ko logoiyatap kutusweek che ng'aanyei kainennyi.

1 PETERO 2:5

ak okweek, che oo koik che saptos, kiteechok oegu koot ne sabei, oegu che poisyei eng' tiseinateet ne tiliil, si ogoite korosegap saboon, che taachaksei eng' Kamuktaindet eng' Jeso Kristo.

1 PETERO 2:9

Ago okweek ko oo pororyet ne kigelewen, oo che poisyei eng' tiseinateet ne po kaplaitoryat, pororyet ne tiliil, piik che punjin Kamuktaindet, si kobiit obarte telunatosyek che po ineendet ne kiguurok omang'une mesundeito omong'ji lapkeiyennyi ne kikweng'e.

1 PETERO 4:11

ngo ng'alaali chii, kong'alaal ko uu arorutigap Kamuktaindet; ngo poisyei chii, kobois eng' kimnateet ne igoochin Kamuktaindet: si kobiit kitoroor Kamuktaindet eng' tuguuk tugul eng' Jeso Kristo, ne nenyi toroornatet ak kimnateet koigeny ak koigeny. Amen.

1 JOHANA 2:23

Age tugul ne eesyoi Weeriit, koma tinyei nooto Kwanda: ineendet ne ng'aanyei Weeriit kotinyei Kwanda agine.

1 JOHANA 3:18

Lagochu mengech, among' kecham eng' ng'olyoot, anan eng' ng'elyepta; ago eng' poisyet ak imanit.