KOLOSAIK 3:15 - BUKUIT NE TILIIL Sireet ne Dutero Kanon

¹⁵ Ak ingoboi kaalyeetap Kristo mugulelwekwok, nooto ne ki kiguurchok eng' poorto agenge; ak oegu che tinyei kongoi.

Bukuit Ne Tilil

¹⁵ Ak ingoboi kaalyeetap Kristo mugulelwekwok, nooto ne ki kiguurchok eng' poorto agenge; ak oegu che tinyei kongoi.

BUKUIT NE TILIL

¹⁵ Ak ingoboi kalyetab Kristo mugulelwekwok, noto ne kigiguurjok eng’ borto agenge; ak oegu che tinyei kongoi.

KOLOSAIK 3:15 ပူးပေါင်းရင်းမြစ်များ

TIENWOGIKAL 100:4

Oba kurgotikyik kobooto mwaetap kongoi, ak obe seremusyekyik olasunoti. Oweekyi kongoi ineendet, ak oberuur kainennyi.

TIENWOGIKAL 107:22

Ak ingogoito korosegap kongoi, ak komwaita poisyonikyik eng' tyendo.

TIENWOGIKAL 116:17

Agoonin korosyot ne po kongoi, ak aguur kainetap Kamuktaindet ne Toroor.

TIENWOGIKAL 29:11

Igoochin `Kamuktaindet ne Toroor piikyik kimnateet! Ingoberuuri `Kamuktaindet ne Toroor piikyik eng' kaalyeet!

ISAIAH 26:3

Iriibe ineendet kotebee kaalyeet ne ititaat, ineendet ne tienengei kabwautuikyik, amu imang'un.

ISAIAH 27:5

Anan konam ineendet kimnateennyu, si koyai kaalyeet kobooto; ee, ingoyai ineendet kaalyeet kobooto.”

ISAIAH 57:15

Amu mwaei ko uu ni ineendet ne mi parak ak ko toroor ne menyei koigeny, ne Tiliil kainennyi kole, amenye ole toroor ak ko tiliil, kobooto ineendet agine ne kigonyeratkei eng' muguleldo, ak koming'ingei, si kobiit kisoop muguleldap ne iming'inegei, ak kisoop mugulelwegap che inyeratigei.

ISAIAH 57:19

Ayae logoegap kutusweek: Kaalyeet, kaalyeet eng' ineendet ne mi ole loo ak ineendet ne mi ole neegit ak asoop icheek.

JONAH 2:9

Ago kobooto mwaetap kongoi aeng'un tiseiywot; che ki aaroorun ayaagun. Po `Kamuktaindet ne Toroor yetunet!”

JOHANA 14:27

Abagakwok kaalyeet; agoonok kalyennyu: ma koonok ko uu ye koonu ng'wony. Among' koiimgei mugulelwekwok, anan koiyweis.

JOHANA 16:33

Kaamwaiwok tuguuchu, si kobiit onyoorunena kaalyeet. Otinye nyalilda eng' ng'wony! Ago onyiganitu; amu kaaterter ng'wony.”

ROMANIK 1:21

amu kingo kagonai Kamuktaindet, koma kolas ko uu Kamuktaindet, anan koweekyi kongoi; ago ki perberitu eng' kabwaatutikwak, ak ki imenitu mugulelwekwak che ma tinyei naet.

ROMANIK 14:17

amu laitornatetap Kamuktaindet koma amisyet ak eeiset, ago imanda ak kaalyeet ak poiboiyet eng' Kabuuset ne Tiliil.

ROMANIK 15:13

Nooto anyun, ingonyiitak Kamuktaindet ne po kamang'unet poiboiyet tugul ak kaalyeet eng' kayaneet, si kobiit otesage eng' kamang'unet, eng' kamuktaetap Kabuuset ne Tiliil.

ROMANIK 5:1

Ki tinyei kaalyeet ak Kamuktaindet eng' Kiptaiyandennyo Jeso Kristo amu ki kiityech imanda eng' kayaneet;

1 KORINTOEK 10:17

Amu acheek che ki piik che chaang', ko ki magatyat agenge, poorto agenge: amu ki ame acheek tugul magatyat agenge.

1 KORINTOEK 7:15

Ago ngwo ne ma iyanaat, ko ingwo: ma rataat ne ketupche mureno anan kwony eng' ng'aleek che uu chu: ago ki kuurech Kamuktaindet eng' kaalyeet.

2 KORINTOEK 4:15

Amu tuguuk tugul ko agobo okweek, si ye tesak myeeindo eng' che chaang', koyai kagoitoetap kongoi kotesak eng' katorooretap Kamuktaindet.

2 KORINTOEK 9:11

ki koonok mogornateet eng' kiy age tugul eng' aiyebindo tugul, ne igoochin Kamuktaindet kongoi eng' acheek.

EPESOEK 4:16

eng' ineendet keropchindos ak kituitos poorto tugul, eng' nooto ne koonu kebeberta age tugul, ko uu kakwautyetap poisyet ne po kebeberta age tugul, si kotes poorto eng' teekseet ne teechegei ineegei eng' chamyet.

EPESOEK 4:4

Agenge poorto, ak agenge Kabuuset ne Tiliil, ko uu ye kigeguurok eng' kamang'unet agenge ne po kuurseng'wong';

EPESOEK 5:1

Oegu anyun kasubiigap Kamuktaindet, ko uu lagok che ki chamei;

EPESOEK 5:20

ogoitoi kongoi kotugul agobo tuguuk tugul eng' kainetap Kiptaiyandennyo Jeso Kristo, ogoochini Kamuktaindet, ineendet Kwanda;

KOLOSAIK 1:12

ogoochini kongoi Kwanda, ne kiyaech keegu che nyoljin keyamde poroteetap che tiliileen eng' lapkeiyet;

KOLOSAIK 2:7

ko oo lumdootin ak ko oo teegotin eng' ineendet, ak kigimitok eng' kayaneng'wong', ko uu ye ki kinetak, otese omwae kongoi.

KOLOSAIK 3:17

Ak kiit age tugul ne oyae, eng' ng'olyoot anan eng' poisyet, oyai tugul eng' kainetap Kiptaiyat Jeso, omwachini Kamuktaindet Kwanda kongoi eng' ineendet.

1 THESSALONIKEK 5:18

omwae kongoi eng' tuguuk tugul: amu niito mageetap Kamuktaindet eng' Kristo Jeso eng' okweek.

1 TIMOTEO 2:1

Ne po tai anyun abooru ale ingoyaak soomutik, ak saautik, ak saisaet, ak mwaet ne po kongoi agobo piik tugul;

1 TIMOTEO 6:12

Yai lugeet ne myee ne po kayaneet, nam saboondo ne po koigeny, nooto ne ki kiguurchin, ak ki ing'aany ng'ang'et ne myee eng' taitap paorinik che chaang'.

HEBRANIK 13:15

Nooto anyun ongigoochi Kamuktaindet eng' ineendet korosyotap kalasunet kotugul, nooto ko logoiyatap kutusweek che ng'aanyei kainennyi.

NG'ANG'UTYET 7:12

koleen, “Amen! Po Kamuktaindet nenyo kaberuret ak toroornatet, utaatyet ak kongoi ak teegisto, ak kamuktaet ak kimnateet, koigeny ak koigeny. Amen!”