KOLOSAIK 2:19 - BUKUIT NE TILIIL Sireet ne Dutero Kanon

¹⁹ ama namei komyee Metit, ne nyoorunee poorto tugul teset eng' teset ne punu Kamuktaindet, ko kagonyoor tugul, ak konamatkei eng' kebeberwek ak tigitik.

Bukuit Ne Tilil

¹⁹ ama namei komyee Metit, ne nyoorunee poorto tugul teset eng' teset ne punu Kamuktaindet, ko kagonyoor tugul, ak konamatkei eng' kebeberwek ak tigitik.

BUKUIT NE TILIL

¹⁹ ama namei komie Metit, ne nyorune borto tugul teset eng’ teset ne bunu Jehovah, ko kagonyor tugul, ak konamatgei eng’ kabeberwek ak tigitik.

KOLOSAIK 2:19 ပူးပေါင်းရင်းမြစ်များ

LUKA 5:38

Ago kanyool kinde divaik che leelach lolotinwek che leelachen.

JOHANA 17:21

si kobiit koek icheek tugul agenge; ko uu ye imi inyee Abba, eng' anee, ak anee eng' inyee, si kobiit kotep icheek eng' acheek: si kobiit koyan ng'wony kole ki iyookwo.

POISYONIGAP CHE KIYOKTOI 4:32

Ak ki po muguleldo agenge ak saboondo agenge tuiyet ne kiga koyan. Ma mwa chii agot agenge kole nenyi kiy age tugul ne ki tinyei, ago ki yamdoi tuguukwak tugul.

ROMANIK 11:17

Ago ngot ko ki kiiri mooriik alak, ak inyee ne ii mseitunitap timiin, ko ki kinamnyenen icheek eng' kwenunnywa, ak ki oyamde kobooto icheeget ne po tigityot ak akwaiyetap mseituni;

1 KORINTOEK 1:10

Asoomok miising' anyun, che kitupche, eng' kainetap Kiptaiyandennyo Jeso Kristo, ale, omwa tugul kiit agenge, si ma piit pesyosyek eng' kwenung'wong'; ago si oegu che ititaatiin kibagenge eng' kabwaatet agenge ak eng' kirwooget agenge.

1 KORINTOEK 11:3

Ago amache onai, ole metitap muren age tugul ko Kristo; ak metitap kobogoryot ko muren; ak metitap Kristo ko Kamuktaindet.

1 KORINTOEK 3:6

Ki agoole, kobisi Apolo; ago ki ibit Kamuktaindet.

EPESOEK 1:22

ak ki inde tuguuk tugul kogas iit eng' keldebesaigap keelyekyik, ak kogoochi ineendet koek metit eng' tuguuk tugul eng' kaniset,

EPESOEK 1:23

nooto ko poortanyi, nyiietap ineendet ne inyiiti tugul eng' tugul.

EPESOEK 2:21

ne kituiyechin teekseet age tugul ne ki kinamnyo koek agenge, koeet koek Hekaluut ne tiliil eng' Kiptaiyat;

EPESOEK 4:3

ogiiligei oriibe yamdaet ne po Kabuuset ne Tiliil eng' ratuutyetap kaalyeet.

EPESOEK 5:29

amu ma mi chii ne wechei poortanyi; ago paei ak koriibei, ko uu kiit ne yachin Kristo agine kaniset;

PILIPIK 1:27

Ago ingoek atebeeng'wong' ne nyoljin logoiywek che myach che po Kristo: si ngot anyoo ageerok anan ngo ma mi anee, amuuchi agas agobo atebeeng'wong', keele otonondosi komyee eng' sabeet agenge, eng' muguleldo agenge ogiiligei agobo kayaneetap logoiywek che myach;

KOLOSAIK 1:10

si obendate ko uu ye nyolu eng' Kiptaiyat, oboiboi ineendet, oitosi logoek eng' poisyet age tugul ne myee, ak otesage eng' naetap Kamuktaindet;

KOLOSAIK 1:18

Ak ineendet metitap poorto, nooto kaniset: ineendet taunet, taunindetap che ki mong' eng' che ki pek; si kobiit koek ne oo eng' tuguuk tugul.

KOLOSAIK 2:2

si kobiit kigaigai mugulelwekwak, ak keropchin eng' chamyet, ak eng' mogornatosyek tugul che po nyiietap kaguiyet, si kobiit konai icheek ung'ootyetap Kamuktaindet, ineendet Kristo,

1 THESSALONIKEK 3:12

ingogoonok Kiptaiyat otesage ak obaraitu eng' chamyet okweegei eng' okweegei, ak eng' piik tugul, agot ko uu acheek eng' okweek;

1 THESSALONIKEK 4:10

amu oyae ko uu nooto iman eng' tupchosyek tugul che miitei Makedonia komugul. Ago kiteeiywok, tupchosyechu, keele obaraitu kosiir;

2 THESSALONIKEK 1:3

Kanyool kemwachi Kamuktaindet kongoi peetuusyek tugul agobo okweek, che kitupche, ko uu ye nyolu, amu nerei kayaneng'wong' miising', ak ko tesoksei chamyet ne oting'egei okweek tugul;

1 PETERO 3:8

Ne po let anyun, ko oegu tugul che po kabwaatet agenge, che rireegei, che chamdos ko uu che tupcho, che ng'arng'ar mugulelwek, che iming'inegei:

2 PETERO 3:18

Ago oneryee eng' myeeindo ak naet ne po Kiptaiyandennyo ak ko Yetindennyo Jeso Kristo. Nenyi toroornatet nguno agoi koigeny. Amen.