KOLOSAIK 2:18 - BUKUIT NE TILIIL Sireet ne Dutero Kanon

¹⁸ Amat korebenak chii melektang'wong' eng' ooreet ne machei ineendet, ne po kaming'inetapkei ak kalasunetap malaikaisyek, ak kogimitegei tuguuk che ki kogeer, ak komenee kabwaatutikyik che po poorto,

Bukuit Ne Tilil

¹⁸ Amat korebenak chii melektang'wong' eng' ooreet ne machei ineendet, ne po kaming'inetapkei ak kalasunetap malaikaisyek, ak kogimitegei tuguuk che ki kogeer, ak komenee kabwaatutikyik che po poorto,

BUKUIT NE TILIL

¹⁸ Amat korebenak chi melektang’wong’ eng’ oret ne machei inendet, ne bo kaming’inetab ge ak kalosunetab malaikaisiek, ak kogimitegei tuguk che kigogeer, ak komene kabwatutikyik che bo borto,

KOLOSAIK 2:18 ပူးပေါင်းရင်းမြစ်များ

TAUNET 3:13

koteebee `Kamuktaindet ne po Toroornatet kwondo koleenji, “Nee ni kaiyai?” Kole kwondo, “Kagoberbera ndaret, ak ka aam.”

Kitabuutap JOB 38:2

“Ng'oo niito indoi kirwooget mesundeito, eng' ng'aleek che ma tinyei naet?

ISAIAH 57:9

Ak ki iwe kaplaitoryat iibe mwanik, ak ites nyamdutiguk, ki iyookte piiguk che tononun koba ole loo, ak ki iteweergei agoi ye mi che ki kobek.

EZEKIEL 13:3

Mwaei Kiptaiyat Kamuktaindet ne Toroor kole: Pwo! Maotik che perber, che isubi mugulelwekwak icheegei, ak ko tomo kogeer kiy!

KAITOSYEK 25:18

amu iimok eng' kaberberisyennywa, ne king'alenak eng' ng'olyootap Peor ak eng' ng'olyootap Kosbi, cheptap pounindetap Midian, chepkamennywa, ne ki kibar eng' peetuutap koroito amu ng'olyootap Peor.”

MATAYO 24:24

Amu tuun ng'eetos Kristoisyek che po lembech ak maotik che po lembech, ak koboortoi kaboorunoik ak kwang'utik che eecheen; si kobeet, nda imugaksei, agot che lewenotin.

ROMANIK 1:25

amu ki wal imanitap Kamuktaindet kowale lembeita, ak kolas ak koot kiit ne ki kiyai kosiir Yaindet, ne iberuurot koigeny. Amen.

ROMANIK 16:18

Amu icheeget che uu chooto, ko maotei Kiptaiyandennyo Kristo, ago otei mootinwekwak; ak kong'alei mugulelwegap che libwoben eng' ng'aleekwak che tangusen ak che po chemwaigutnateet.

1 KORINTOEK 13:4

Muitoi chamyet, ak ko tala; ama tinyei chamyet ng'etkong', malosegei chamyet, ama meenei,

1 KORINTOEK 3:3

amu ta omi eng' atebeetap poorto: amu ko uu ye mi kwenung'wong' ng'etkonda ak pooryeet, tos ma mi eng' atebeetap poorto, ak obendoti ko uu piteetap piik?

1 KORINTOEK 4:18

Mendos alak anyun, koleen abeere manyonjinok.

1 KORINTOEK 4:6

Nguno anyun che kitupche, kaayai tuguuchu koek kayaniet eng' anee ak Apolo agobo okweek; si kobiit oneetenechkei acheek si mosiir tuguuk che sirootin; si ma menegei chii agobo chii age, kotil let chiito age.

1 KORINTOEK 8:1

Nguno anyun agobo tuguuk che kieng'jin kanamonik: kingen keele ki tinyei acheek tugul naet. Menei naet, ago teeksei chamyet.

1 KORINTOEK 9:24

Mongen ole icheeget che ibelegei eng' labatet korwaei tugul, ago agenge ne nyooru konunet? Orwai anyun, si onyooru.

2 KORINTOEK 11:3

Ago aiywei ale, si ma ng'emogis eng' oor age tugul kabwaatutikwok eng' lititindo ak tiliilindo ne tokyingei Kristo ko uu ye ki iberber ereneet Hawa eng' ng'aalseennyi.

2 KORINTOEK 12:20

Amu aiywei, ale si ye anyoo, koma nyoorwok eng' oor age tugul ko uu ye ma mache, ak onyoorwo ko uu ye momache; si ma piit eng' oor age tugul, pooryosyek, ng'etkonda, nereegek, suryosyek, ng'ooksosyek, chaamsosyek, menootosyek, polatosyek;

EPESOEK 4:17

Amwae anyun ni, ak abaoryani eng' Kiptaiyat, ale si mata obendate ko uu ye pendoti Pororyosyek ak icheek, eng' kabwaatutikwak che po puch,

EPESOEK 5:6

Amat koberberak chii eng' ng'aleek che ma namegei ak kiy, amu nyoonjin nereeknateet ne po Kamuktaindet weeriitap ngelelnateet amu tuguuchuuto.

NG'ATUTIK 29:29

Po Kamuktaindet ne Toroor, Kamuktaindennyo tuguugap ung'oot: ago chechook ak lagokyok koigeny tuguuk che ng'ang'atiin, si kobiit keyai ng'aleek tugul che po ng'atuutyoni.

PILIPIK 3:14

Agiiljinigei tai, ait ole pooch melekto ne po kuuretap parak ne po Kamuktaindet eng' Kristo Jeso.

KOLOSAIK 2:23

Tinyei tuguuchooto kaboorunet ne po utaatyet eng' chameet ne po kalasunet, ak eng' kaming'inetapkei, ak nyalilda ne kinyaliili poorto; matoreti kiy age tugul eng' katerteretap magutigap poorto.

KOLOSAIK 2:4

Amwae niito ale, si ma kenaak chii age tugul eng' ng'aleegap lomset.

KOLOSAIK 2:8

Oriipkei si ma iluulok chii age eng' ng'omnatennyi ak kaberberisyet ne po puch, eng' pitonwegap piik, eng' kaneetisyosyek che po tai che po ng'wony, ak ma eng' Kristo:

1 TIMOTEO 1:7

chamei koek kaneetigap Ng'atuutyet, nganda ma iguitos che mwaei, anan ng'aleechooto mwaei eng' kimnateet.

1 TIMOTEO 4:1

Ago mwaei Kabuuset ne Tiliil kotook, kole tuun eng' peetuusyek che pwoonei koistoegei alak kayaneet, koepchin iit tamirmirik che ibeeti piich ak kaneetisyosyek che po oik,

2 PETERO 2:14

piik che tinyei koonyek che nyiitootiin ibeetapkei, amaimuuchi kometo tengekto; che ichuuti saboonwek che ma tononiotiin; che tinyei mugulelwek che ki konetkei kasetap myat; lagogap chubeet;

1 JOHANA 2:26

Kaasirwak tuguuchu agobo icheek che machei kobeetook.

NG'ANG'UTYET 12:9

Ak ki kiturur maswetinooto oo konyo ng'wony, ereneet ne po keny, ne kiguure Chesawilyet ak keguure Setani, kaberberindetap ng'wony komugul; ki kiturur konyo ng'wony, ak ki kiturur malaikaisyekyik kobooto ineendet.

NG'ANG'UTYET 13:14

Ak ki iberber icheek che menyei ng'wony eng' kaboorunoik che ki kigoochi ineendet koyai eng' taitap tyondo; koleenjin icheek che menyei ng'wony koyachi kanamwet tyondo, ne tinyei perutyetap rotwetap chok, ak kisop tyonyooto.

NG'ANG'UTYET 13:8

Ak kolas ineendet tugul che menyei ng'wony, che ma ki sirchi kainaikwak bukuitap saboondo ne po Aarwet ne ki kibar kobooch taunetap ng'wony.

NG'ANG'UTYET 19:10

Ak ki abutyi keelyekyik alasu ineendet. Ak koleenjo, “Ameyai ko uu nooto! Ki otwogik tuwai kobooto tupchosyeguk che tinyei paornateet ne po Jeso. Ilasu Kamuktaindet: amu paornateetap Jeso ko Kabuusetap maonateet.”

NG'ANG'UTYET 3:11

Anyoone achogu; nam miising' nooto itinye, si ma rebenen chii kuutweeng'ung'.