KOLOSAIK 1:27 - BUKUIT NE TILIIL Sireet ne Dutero Kanon

²⁷ che ki cham Kamuktaindet kong'aang'ji kiit ne uu mogornatosyegap toroornatet ne po ung'ootyoniito eng' Pororyosyek, nooto Kristo eng' okweek, kamang'unetap toroornatet:

Bukuit Ne Tilil

²⁷ che ki cham Kamuktaindet kong'aang'ji kiit ne uu mogornatosyegap toroornatet ne po ung'ootyoniito eng' Pororyosyek, nooto Kristo eng' okweek, kamang'unetap toroornatet:

BUKUIT NE TILIL

²⁷ che kicham Jehovah kong’ang’ji kit ne u magornatosiekab torornatet ne bo ung’otionito eng’ Bororiosiek, noto Kristo eng’ okwek, kamang’unetab torornatet:

KOLOSAIK 1:27 ပူးပေါင်းရင်းမြစ်များ

MATAYO 13:11

Kowolji koleenji, “Kagegoonok onai ung'ootik che po pounatetap kipsengwet, ago ma kigoochi icheek.

LUKA 17:21

ama kimwaei keele, Ogeero, mi oli! Anan mi oliin! Amu, ogeero, mi laitornatetap Kamuktaindet kwenung'wong'.”

JOHANA 14:17

nooto Kabuuset ne Tiliil ne po imanit, ne ma imuuchi ng'wony kotaach; amu ma keerei ineendet, ama naei ineendet: ago ongen ineendet: amu tebyei kobootok, ak tuun tebyei eng' oriing'wong'.

JOHANA 14:20

Eng' peetuunooto onai ole ami eng' Abba, ak okweek eng' anee, ak anee eng' okweek.

JOHANA 14:23

Kowolji Jeso koleenji, “Ngo chama chii, koriip ng'olyoondennyu: ak kocham Abba ineendet ak kebwonji ineendet, ak kemeny kobooto ineendet.

JOHANA 17:26

Ki ang'aang'ji icheek kaineng'ung', ak ta ang'aang'jini; si kobiit kotebee icheek chamyet ne ki ichamena, ak anee eng' icheek.”

JOHANA 6:56

Ineendet ne amei poortanyu ak koeei korotiikyuk komenya, ak amenye ineendet.

ROMANIK 11:33

Ee tyanitu anyun ooindo ne po mogornatosyegap utaatyet ak naetap Kamuktaindet! Ak kirwoogutikyik che ma isiagaksei, ak ortinwekyik che ma cheeng'oksei!

ROMANIK 2:4

Anan isase mogornatosyek che po myeeindonyi ak muitaennyi ak talasyennyi ama inai ile imutyinin siguunet myeeindap Kamuktaindet?

ROMANIK 5:2

ak ki kenyooru eng' ineendet agine kemong'ji eng' kayaneet myeinooto kitonone; ak ongeboiboitu eng' kamang'unetap toroornatetap Kamuktaindet.

ROMANIK 8:10

Ak ko ngo mi Kristo eng' okweek, ko nga ki kome poorto amu tengekto; ko sabei saboondo amu imanda.

ROMANIK 9:23

ak si kobiit kobarta mogornatosyegap toroornatennyi eng' tereenik che po rireenetapkei che kiga sip kochopchi telunateet,

1 KORINTOEK 3:16

Mongen okweek ole oo Hekaluut ne po Kamuktaindet, ak menyok Kabuusetap Kamuktaindet?

2 KORINTOEK 2:14

Ago kongoi eng' Kamuktaindet, ne imutatech kotugul kibelisye eng' Kristo, ak koboortoi nyamdutyetap naennyi eng' acheek eng' komosta age tugul.

2 KORINTOEK 4:17

Amu pichiindanyo ne nyumnyum, ne ma tebyei, koyaiywech toroornatet ne oo ne po koigeny, ne tesoksei miising' kosiir;

2 KORINTOEK 4:6

Amu Kamuktaindet ne ki mwa kole, “Tuun iluu lapkeiyet eng' mesundeito,” ineendet ne ki iluuchi mugulelwekyok, si kogoon lapkeiyet ne po naetap toroornatetap Kamuktaindet eng' togeetap Jeso Kristo.

2 KORINTOEK 6:16

Ak ting'egei nee Hekaluut ne po Kamuktaindet ak kanamonik? Amu ki Hekaluut ne po Kamuktaindet ne sabei; ago ko uu ye ki mwa Kamuktaindet kole, Amenye icheek, ak awendotee icheek; Ak aegu Kamuktaindet nenywa, Ak koek icheek piikyuk.

GALATYEK 2:20

Ki kigartata kobooto Kristo; ago asabe; ago ma ko anee, ago sabei Kristo eng' anee: ak saboondo ne asabe nguno eng' poorto asabe eng' kayaneet ne miitei eng' Weeriitap Kamuktaindet, ne ki chama, ak ki igoitogei agobo anee.

GALATYEK 4:19

Lagokyuk che mengech, che anyoorunenok ng'wanindo ne po sigeet kogeny agoi koyaak Kristo eng' okweek,

EPESOEK 1:7

ne ki tinyei eng' ineendet katyagennyo eng' korotiikyik, nyoetap kaat ne po chalwogikyok, ko uu mogornatosyegap myeeindonyi,

EPESOEK 2:22

ki kiteechak ak okweek oegu agenge eng' ineendet, ole menyei Kamuktaindet eng' Kabuuset ne Tiliil.

PILIPIK 4:19

Ago inyiitwok Kamuktaindet nenyu kiit age tugul ne obononi ko uu mogornatosyekyik eng' toroornatet eng' Kristo Jeso.

KOLOSAIK 1:5

amu kamang'unet ne kigegonorwok eng' kipsengwet, ne ki osip ogas eng' ng'olyootap imanit ne po logoiywek che myach,

KOLOSAIK 2:3

ki kiuny eng' ineendet konoraik tugul che po utaatyet ak naet.

KOLOSAIK 3:11

ole ma ting'e poroindo Yunanindet ak Yahudyot, ne imuratanat ak ne ma imuratanat, punootyo, Sitiaindet, ne otwogin, ne ityagat: ago Kristo ko tugul ak eng' tugul.

1 TIMOTEO 1:1

Paulo, kayooktoindet ne po Kristo Jeso ko uu ng'atuutyetap Kamuktaindet Yetindennyo, ak Kristo Jeso ne kamang'unennyo;

HEBRANIK 6:19

ne ki tinyei ne uu nangetap saboondo, ne kingen ak ko lumdaat ne wendi oriit kot kosiir angeet ne ki kioiye;

1 JOHANA 4:4

Oo po Kamuktaindet, lagochu mengech, ak ki oterter icheek; amu oo ineendet ne mi eng' okweek kosiir ineendet ne mi ng'wony.

NG'ANG'UTYET 3:20

Keero, atononi eng' kurgeet ak agongonyi; ngo kas chii kutinnyu ak koyaat kurgeet, awendi ole mi ineendet ak aamisye kobooto ineendet, ak koamis ineendet kobooto.