KOLOSAIK 1:23 - BUKUIT NE TILIIL Sireet ne Dutero Kanon

²³ ngo tebi iman eng' kayaneet, ko oo lumdootin ak ko oo tononiotiin komyee, ama ki istok eng' kamang'unetap logoiywek che myach che ki ogas, che ki kiamda eng' yautyet tugul eng' kurereetap kipsengwet; ki kiyaa anee Paulo amu nooto aek kiboityot.

Bukuit Ne Tilil

²³ ngo tebi iman eng' kayaneet, ko oo lumdootin ak ko oo tononiotiin komyee, ama ki istok eng' kamang'unetap logoiywek che myach che ki ogas, che ki kiamda eng' yautyet tugul eng' kurereetap kipsengwet; ki kiyaa anee Paulo amu nooto aek kiboityot.

BUKUIT NE TILIL

²³ ngotebi iman eng’ kayanet, ko o lumdootin ak ko o tononiotin komie, ama kiistok eng’ kamang’unetab logoiywek che miach che kiogas, che kigiamda eng’ yautiet tugul eng’ kureretab kipsengwet; kigiyaa ane Paulo amu noto aek kiboitiot.

KOLOSAIK 1:23 ပူးပေါင်းရင်းမြစ်များ

TIENWOGIKAL 125:5

Ago icheek che mastoi kosubi ortinwekwak che kunuuren, koonei `Kamuktaindet ne Toroor icheek kobooto yaigap tengekto. Ingotebee `kaalyeet Israel!

RIREKAB JEREMIA 3:66

Ioonati icheek eng' nereegek, ak ing'em icheek koistoegei kurereetap kipsengwet ne po Kamuktaindet ne Toroor.

EZEKIEL 18:26

Ye week chiito ne po iman kometo imandanyi, ak koyai tengekto, ak kome eng' tengegoto; meei anyun amu tengektanyi ne ki yai.

SEPANIA 1:6

ak icheek che ki week kometo Kamuktaindet ne Toroor; kobooto icheek che ma cheeng' Kamuktaindet ne Toroor, anan koteepse ineendet.

MARIKO 16:15

Ak ki leenji, “Oba ng'wony komugul, oamjinote logoiywek che myach piik tugul.

LUKA 22:32

ago ki asaa agobo inyee, si ma pek kayaneng'ung': ak ye kaiwalage, igimit che otupche.

LUKA 6:48

kergei ineendet ak chiito ne teechei koot, ne ki pal kororokto miising', ak konde lumeiywot rwandet: ak ye kingo chang'a peek, koryep peegap mogoch koyooto, ama imuuch kotumdum: amu kiga kiteech komyee.

JOHANA 15:6

Ngo ma menya chii, kewiirtoi ineendet ko uu temetap keetit, si koyaam; ak koyum piik, ak kowiirchi ma, ak kolalyo.

POISYONIGAP CHE KIYOKTOI 1:17

Amu ki kiititech, ak kinyoor kebebertanyi eng' poisyoni.”

POISYONIGAP CHE KIYOKTOI 1:25

si kobiit konam kebeberta eng' poisyoni ak kayooktaoni, ne ki ibute Judas, si kobiit kwo oldanyi.”

POISYONIGAP CHE KIYOKTOI 1:8

Ago otaache kamuktaet ye tuun kanyonjok Kabuuset ne Tiliil; ak oegu paorinikyuk eng' Jerusalem, eng' Judea komugul ak Samaria, ak agoi tabandap ng'wony.”

POISYONIGAP CHE KIYOKTOI 11:23

Kingo it ineendet ak kogeer myeeindap Kamuktaindet, kobaibait, ak kogiil icheek tugul konamgei ak Kiptaiyat eng' mugulelwek che pekyinotin.

POISYONIGAP CHE KIYOKTOI 14:22

Ki igimitoti saboonwegap kasubik, ko ki ili koba tai eng' kayaneet ak koleenji, “Kanyool keit laitornatetap Kamuktaindet eng' nyalilwogik che chaang'.”

POISYONIGAP CHE KIYOKTOI 2:5

Ki mi Yahudik che ki menyei Jerusalem, piik che ki konyiti Kamuktaindet, che ki punu pororyet age tugul ne mi kurereetap kipsengwet.

POISYONIGAP CHE KIYOKTOI 20:24

Ago ma iiti saboondanyu ale kiy ne achame kot, si kobiit agees pandanyu, ak poisyet ne ki ataach eng' Kiptaiyat Jeso, abaoryanji logoiywek che myach che po myeeindap Kamuktaindet.

POISYONIGAP CHE KIYOKTOI 26:16

Ago ng'eet, tonon eng' keelyeguk: kang'ang'unge amu ni, ale andein iegu kiboityot ak paoryatap tuguuchu kaigeer agobo anee, ak tuguuk che tuun ang'ang'unenegei;

POISYONIGAP CHE KIYOKTOI 4:12

Ama mi yetunet eng' chiito age, amu ma mi kainet age eng' kurereetap kipsengwet, ne ki kigoochi piik, ne kanyool kesaruunenech.”

ROMANIK 10:18

Ago ateebee ale, tos ki ma kas? Ee, iman, “Ki wo tweguunennywa koyom emet komugul, ak ki pa ng'aleekwak agoi ole poochin ng'wony.”

ROMANIK 15:16

ale aek kiboityotap Kristo Jeso eng' Pororyosyek, aboisyei eng' logoiywek che myach che po Kamuktaindet, si kobiit koek kagoitoetap Pororyosyek ne taagaksei, ko kagitabaan eng' Kabuuset ne Tiliil.

ROMANIK 2:7

igoochin saboondap koigeny icheek che cheeng'ei eng' muitaet ak eng' poisyonik che myach, toroornatet ak teegisto ak che ma ng'emaksei;

ROMANIK 5:5

ma koonu kamang'unet kililan; amu kigerong'ji chamyetap Kamuktaindet mugulelwekyok eng' Kabuuset ne Tiliil ne kigegoonech.

1 KORINTOEK 15:58

Nooto anyun, che kitupche che achame, ogimegitu, among' king'eak, oyae otese kotugul poisyetap Kiptaiyat, amu ongen ole ma po puch poisyeng'wong' ne uui eng' Kiptaiyat.

1 KORINTOEK 3:5

Nee anyun Apolo? Ko nee Paulo? Kiboitiinik che ki koonok oyan; ak ko uu ye ki igoochi Kiptaiyat age tugul.

2 KORINTOEK 10:1

Asoomok anyun anee Paulo eng' talasyet ak mutyonetap Kristo, anee ne ming'in ye ami kobootok eng' kwenung'wong', ago ye ma mi kobootok atinye nyiganateet:

2 KORINTOEK 11:23

Tos kiboitinigap Kristo icheek? (Ang'alaali ko uu chii ne amei iywek) aa siirtoot; eng' pirtaosyegapkei che siirtoot, eng' korgorosyek miising', eng' pirutik che ma kirarei, eng' meosyek konyil che chaang'.

2 KORINTOEK 3:6

ne kiyaech keegu che yamei, kiboitiinik che po arorutyet ne leel; ma che po ng'atuutyet, ago po Kabuuset ne Tiliil; amu parisyei ng'atuutyet, ago Kabuuset ne Tiliil ne igoitoi saboondo.

2 KORINTOEK 4:1

Nooto anyun, amu ki tinyei poisyoni, ko uu ye ki kenyooru rireenetapkei, ko mameech mugulel:

2 KORINTOEK 6:1

Kisoome acheek che keboisyei ak Kamuktaindet keele amotaach myeeindap Kamuktaindet puch

GALATYEK 4:11

Aiyweisyei agobo okweek, si ma egu ne ki abirtegei puch eng' oor age tugul agobo okweek.

GALATYEK 5:5

Amu kigeni kamang'unet ne po imanda eng' Kabuuset ne Tiliil eng' kayaneet.

GALATYEK 5:7

Ki orwae komyee; ng'oo ne koraanyak si mogas iit imanit?

GALATYEK 6:9

Among' keng'etye ye kiyae poisyonik che myach: amu tuun kigese ko kait peetuunnyi ngo ma kitanuise.

EPESOEK 1:18

ko kagokweng'ogis konyegap mugulelwekwok, si kobiit onai kiit ne uu kamang'unetap kuursennyi, ak mogornatosyegap toroornatet ne po porotennyi eng' che tiliileen,

EPESOEK 2:21

ne kituiyechin teekseet age tugul ne ki kinamnyo koek agenge, koeet koek Hekaluut ne tiliil eng' Kiptaiyat;

EPESOEK 3:17

si kobiit komeny Kristo mugulelwekwok eng' kayaneet; si kobiit, ye otinye tigitik ak lumdaet eng' chamyet,

EPESOEK 4:16

eng' ineendet keropchindos ak kituitos poorto tugul, eng' nooto ne koonu kebeberta age tugul, ko uu kakwautyetap poisyet ne po kebeberta age tugul, si kotes poorto eng' teekseet ne teechegei ineegei eng' chamyet.

NG'ATUTIK 2:25

Atau ra agoochini koiywein ak koaragenso agobo inyee piik che miitei kurereet tugul ne po kipsengwet komugul che ta kogasei ng'aleeguk. Potandos ak konyoor ng'wanindo amu inyee.’ ”

NG'ATUTIK 4:19

Riipkei anyun si ma ye inyal parak, igeer asiista ak arawet ak kecheik, agot chaang'indo tugul che mi kipsengwet, kochuutin iwe isaa tuguuchooto ak ioot tuguuchooto ki kopchechi Kamuktaindet ne Toroor Kamuktaindeng'ung' pororyosyek tugul che mi kurereetap kipsengwet.

KOLOSAIK 1:25

ak, ki kiyaa agobo nooto aek kiboityot, eng' tononjinetap Kamuktaindet ne ki kigoono amu okweek, si ayai ng'olyootap Kamuktaindet kosulda,

KOLOSAIK 2:7

ko oo lumdootin ak ko oo teegotin eng' ineendet, ak kigimitok eng' kayaneng'wong', ko uu ye ki kinetak, otese omwae kongoi.

1 THESSALONIKEK 3:3

si ma ing'eak chii age tugul eng' nyalilwogichuuto; amu ongen okweeget ole ki kilewenwech chooto.

1 THESSALONIKEK 3:5

Amu ng'olyoondoniito ye ki mata amuuch amuita, ayoogu kuut si kobiit anai kayaneng'wong', ale tama kogoyomak yoomindet, ak koek puch poisyennyo ne uui.

1 THESSALONIKEK 5:8

Ago ongeegu che kiriibegei, acheek che ke po peet, kilaachi karnetap tegeet ne po kayaneet ak chamyet; ak kuutweet, nooto ko kamang'unet ne po yetunet.

2 THESSALONIKEK 2:16

Nguno anyun, ingogaigai Kiptaiyandennyo Jeso Kristo, ak Kamuktaindet Kwandanyo ne ki chamech ak kogoonech kagaigaet ne po koigeny ak kamang'unet ne myee eng' myeeindo,

1 TIMOTEO 1:12

Amwachini kongoi ineendet, ne ki imuktaiwa, ineendet Kristo Jeso Kiptaiyandennyo, amu kiita kole aa chiito ne kiyani, kondea poisyet;

1 TIMOTEO 2:7

ki kindea anyun agobo nooto aek amdoindet ak kayooktoindet (amwae imanit, ma mwaei lembech), kaneetindetap Pororyosyek eng' kayaneet ak imanit.

1 TIMOTEO 3:16

Ak ne matiny, ko oo ung'ootyot ne po kayweet ne kiywei Kamuktaindet: Ineendet ne king'ang'ak eng' poorto, ki kiityi imanda eng' Kabuuset ne Tiliil, ne ki keer malaikaisyek, ne ki kiamda eng' Pororyosyek, ne ki iyan che po ng'wony, ne ki kimut kwo parak eng' toroornatet.

TITO 3:7

si, ye kagiityech imanda eng' myeeindonyi, keyaech keegu che namei tuguuk ko uu kamang'unetap saboondap koigeny.

HEBRANIK 10:38

Ago sabei nenyu ne po imanda eng' kayaneet, Ak ngot kochuchuigei koma paibaitu muguleldanyu eng' ineendet.

HEBRANIK 3:14

amu kigeegu yamdoigap Kristo, ngenam miising' taunetap kamang'unennyo agoi kagesunet:

HEBRANIK 3:6

ago Kristo ko uu weeriit, ne pou koonnyi; acheek koonnyi, ngenam miising' nyiganatennyo ak toroornatetap kamang'unennyo agoi kagesunet.

HEBRANIK 4:14

Amu ki tinyei tisiindet ne oo ne kigochut kipsengwet, Jeso Weeriitap Kamuktaindet, ongenam miising' ng'ang'ennyo.

HEBRANIK 6:19

ne ki tinyei ne uu nangetap saboondo, ne kingen ak ko lumdaat ne wendi oriit kot kosiir angeet ne ki kioiye;

1 PETERO 1:3

Iberuurot Kamuktaindet Kwandap Kiptaiyandennyo Jeso Kristo, ne kisichech kogeny eng' rireenennyi ne oo kenyooru kamang'unet ne sabei eng' ng'eetyeetap Jeso Kristo ne ki mong' eng' che ki pek,

1 PETERO 1:5

okweek che ki riibei eng' kimnateetap Kamuktaindet eng' kayaneet si onyooru yetunet ne choboot keng'aany eng' peetuutap let.

1 JOHANA 2:27

Ak okweek anyun, komenyok kaiilet ne ki onyooru eng' ineendet, ak manyol koneetak chii; ago ko uu ye ineetook kaiilennyi agobo tuguuk tugul, ak ko po iman, ma lembech, ak ko uu ye ki konetak, omeny ineendet.

NG'ANG'UTYET 2:10

Ameiywei nyalilwogik che neegit inyooru. Machei chesawilyet kotoorchi korgoreet alak eng' okweek si kobiit ketyemak; ak osich nyalilda eng' peetuusyek taman. Egu ne kiyani agoi meet, si agoonin kuutweet ne po saboondo.