KOLOSAIK 1:14 - BUKUIT NE TILIIL Sireet ne Dutero Kanon

¹⁴ ne ki tinyei eng' ineendet katyagennyo, nyoetap kaat ne po tengekwogikyok.

Bukuit Ne Tilil

¹⁴ ne ki tinyei eng' ineendet katyagennyo, nyoetap kaat ne po tengekwogikyok.

BUKUIT NE TILIL

¹⁴ ne kitinye eng’ inendet katiagennyo, nyoetab kaat ne bo tengekwogikyok.

KOLOSAIK 1:14 ပူးပေါင်းရင်းမြစ်များ

TIENWOGIKAL 130:4

Ago miitei nyoetap kaat eng' inyee, si kobiit kiywein.

MATAYO 20:28

agot ko uu nooto ko ki ma nyo Weeriitap chii keboisyechi, ago si kobois, ak kogoito saboondanyi koek kiit ne kityage che chaang'.”

LUKA 5:20

Ak kingo keer Jeso kayanennywa, koleenji, “Chiichi, kagenyoun kaat tengekwogiguk.”

POISYONIGAP CHE KIYOKTOI 10:43

Paoryani maotik tugul agobo ineendet kole nyooru nyoetap kaat amu tengekwogikyik eng' kainennyi age tugul ne iyani ineendet.”

POISYONIGAP CHE KIYOKTOI 2:38

Koleenji `Petero icheek, “Osigu, si kibatisan age tugul eng' okweek eng' kaineetap Jeso Kristo agobo nyoetap kaat ne po tengekwogikwok; si otaach konunetap Kabuuset ne Tiliil.

POISYONIGAP CHE KIYOKTOI 20:28

Oriipkei anyun okweeget, kobooto akweet tugul, ne ki koonok Kabuuset ne Tiliil oegu riibiik, obai kanisetap Kamuktaindet, ne ki ale korotiikyik.

POISYONIGAP CHE KIYOKTOI 26:18

si kobiit ing'aany konyekwak, ak koweek eng' mesundeito kobwonji lapkeiyet, ak eng' kimnateetap Setani kobwonji Kamuktaindet, si konyoor icheek nyoetap kaat ne po tengekwogik ak poroteet eng' icheek che ki kitiliil amu kayaneet ne mi eng' anee.

1 KORINTOEK 1:30

Ago oo po ineendet okweek eng' Kristo Jeso, ne ki kiyai eng' Kristo Jeso, ne ki kiyai eng' acheek koek utaatyet ne punu Kamuktaindet, ak imanda, ak tiliilindo, ak katyaget:

GALATYEK 3:13

Ki ityaachech Kristo eng' chubisyetap Ng'atuutyet ye ki ek ineendet chubeet agobo acheek: amu ki kisir keele, Chuboot chii age tugul ne kisonginini eng' keetit:

EPESOEK 1:7

ne ki tinyei eng' ineendet katyagennyo eng' korotiikyik, nyoetap kaat ne po chalwogikyok, ko uu mogornatosyegap myeeindonyi,

EPESOEK 4:32

ilak otebi eng' talasyet okweegei eng' okweegei, orireegei, ak onyochinigei kaat, ko uu ye kinyoiywok kaat Kamuktaindet agine eng' Kristo.

EPESOEK 5:2

ak obendate chamyet, ko uu ye ki chamaak Kristo agine, ak kogoitogei agobo acheek, koek kagoochinet ak tiseiywot eng' Kamuktaindet ne ng'uu ne nyamdut.

KOLOSAIK 2:13

Ak okweek, che ki oo pegunotin eng' yaitwogikwok ak poorwekwok che ma kimuratan, ki isaabok okweek, kobooto ineendet, ko kagonyoiywech kaat yaitwogikyok tugul;

KOLOSAIK 3:13

omuitochinigei, ak onyochinigei kaat okweegei, ngo tinyei chii age tugul ng'olyoo eng' age: agot ko uu ye kinyoiywok kaat Kiptaiyat, oyai ko uu nooto ak okweek:

1 TIMOTEO 2:6

ne ki igoitogei koek ne kityage tugul; ne tuun kibaoryanjin eng' peetuusyekyik;

TITO 2:14

ne ki igoitogei agobo acheek, si kobiit kotyachech eng' tengekto tugul, ak kotiliiljigei piik koek chechiik, che lewenotin, che igiilegei eng' poisyonik che myach.

HEBRANIK 9:12

ama eng' korotiigap kwesik ak moek, ago eng' korotiikyik icheegei, kwo anyun ole-tiliil konyil agenge ak koyam, ye kingo kagonyoor katyaget ne po koigeny.

HEBRANIK 9:22

Ak eng' Ng'atuutyet ko uu keele, kitiliili tuguuk tugul eng' korotiik, ak ngo ma mi tumdaetap korotiik koma mi nyoetap kaat.

1 PETERO 3:18

Amu kime Kristo agine konyil agenge agobo tengekwogik, ineendet ne po imanda agobo che ma po imanda, si kobiit komutyech Kamuktaindet; ne ki kibar eng' poorto, ago ki kisoop eng' saboondo;

1 JOHANA 1:9

Ngot keng'aanye tengekwogikyok, koyanaat ak ko po imanda konyoiywech kaat tengekwogikyok, ak kotiliilech eng' kiy tugul ne ma po imanda.

1 JOHANA 2:12

Asirwok lagochu mengech, amu kigenyoiywok kaat tengekwogikwok amu kainennyi.

1 JOHANA 2:2

ak ineendet tiseiywot ne po tengekwogikyok; ago ma po tengekwogikyok kityo, ago po komugul ng'wony agine.

NG'ANG'UTYET 1:5

ak che punu Jeso Kristo, paoryat ne po iman, taita ne po che ki kobek ak ko pounindetap laitorinigap ng'wony. Ingobunji ineendet ne chamech ak ne kiityaachech eng' tengekwogikyok eng' korotiikyik,

NG'ANG'UTYET 14:4

Chuuto ko icheeget che ma imurwongei eng' kobogorisyek; amu pergeinik icheeget. Chuuto ko icheeget che isubi Aarwet eng' oldo tugul ole wendi. Ki kial chuuto eng' kwenutap piik, koek tongoanik eng' Kamuktaindet ak eng' Aarwet.

NG'ANG'UTYET 5:9

Ak kotyeni tyendo ne leel, koleen: “Nyoljinin inam bukuit, ak iyat ng'ooksosyekyik, amu ki kibarin, ak eng' korotiguk ko ki ialji Kamuktaindet piik kobun pororyet age tugul, kutit age tugul, piik alak tugul ak emet age tugul.