KALEWANAIK 6:23 - BUKUIT NE TILIIL Sireet ne Dutero Kanon

²³ Amu kayomisutyet ko tait, ak ng'atuutyet ko lapkeiyet, ak kereetap kong' ne po katigonet ko ooreetap saboondo.

Bukuit Ne Tilil

²³ Amu kayomisutyet ko tait, ak ng'atuutyet ko lapkeiyet, ak kereetap kong' ne po katigonet ko ooreetap saboondo.

BUKUIT NE TILIL

²³ Amu kayomisutiet ko tait; ak ng’atutiet ko lapkeiyet; Ak keretab kong’ ne bo kotigonet ko oretab sobondo:

KALEWANAIK 6:23 ပူးပေါင်းရင်းမြစ်များ

TAUNET 39:8

Ago ki eesyo ak koleenji kwondap kiptaiyandennyi, “Keero, ma naei kiptaiyandennyu agot tuguukyik che ariibe eng' koonnyi, ak ki konde eunekyuk tugul che tinyei.

TIENWOGIKAL 119:105

Taitap keelyekyuk ng'olyoondeng'ung', ak lapkeiyetap ooreennyu.

TIENWOGIKAL 119:130

Igoitoi lapkeiyet ng'ang'utyetap ng'aleeguk; igoochi kaguiyet che matinyei kiy.

TIENWOGIKAL 141:5

Ingobira ne po iman, si koek nooto ne myee. Mechamji mwaita ne po kiptengeginik koiil metinnyu; amu ma metoi asa agirinda tengekwogikwak.

TIENWOGIKAL 19:8

Lititen kaneetisyosyegap Kamuktaindet ne Toroor, iboiboi muguleldo. Tiliil ng'atuutyetap Kamuktaindet ne Toroor, indoi lapkeiyet koonyek.

KALEWANAIK 10:17

Miitei ooreetap saboondo ne riibei katigonet, ago mastoi chiito ne pagaktoi kereetap kong'.

KALEWANAIK 15:24

Wendi parak ooreetap saboondo eng' ne utaat, si kobiit koistoegei ye mi che ki kobek, eng' ng'wony oriit.

KALEWANAIK 15:31

Itit ne kasei kereetap kong' ne po saboondo ko tebee kwenutap che utaatiin.

KALEWANAIK 29:15

Ibu kirokto ak kereetap kong' utaatyet, ago iteweeri kamet lakweet ne kigoochin koboigei.

KALEWANAIK 3:18

Ineendet ko keetitap saboondo eng' icheek che namei, ak paibai age tugul ne namegei ak ineendet.

KALEWANAIK 4:13

Nam miising' kaneetisyet; matichamji kwo; riip, amu ineendet ko saboondang'ung'.

KALEWANAIK 4:4

ko ki ineeta abba, koleenjo, “Ingotebee muguleldang'ung' ng'aleekyuk; riip ng'atuutikyuk, si isap.

KALEWANAIK 5:12

ak imwa ile, “Tya weget ne ki awech kergong'yet, ak saset ne ki sas muguleldanyu kateunet!

AMDOINDET 7:26

Ak anyooru kiit ne ng'waan kosiir meet, nooto kwony ne muguleldanyi ko mesteet ak regereywot ak ko uu eunekyik ratuut. Age tugul ne iboiboi Kamuktaindet kochililee kwonyooto, ago namei `kwonyooto kiptengekyot.

AMDOINDET 7:5

Kaigai kegas kereetap kong' ne po chiito ne utaat, kosiir kegas tyendap piik che perber.

ISAIAH 8:20

Onamge ak ng'atuutik ak paornateet! Ngot koma ng'alaal icheek koosup ng'olyoondoniito, ko amu ma mi lapkeiyet eng' icheek.

JEREMIA 21:8

Ak ileenji pichu, Mwaei Kamuktaindet ne Toroor kole: Ogeero, kande taing'wong' ooreetap saboondo ak ooreetap meet.

EZEKIEL 20:11

Ak ki agoochi icheek ng'atuutikyuk, ak aboorchi kirwoogutikyuk, che ngo yai chii kosabei eng' chooto.

ATEPTAP LAWIK 19:17

“Amewech ne otupche eng' muguleldang'ung', kergong' iman chiitap kokweng'ung', si ma namin tengekto amu ineendet.

2 PETERO 1:19

Ak ki tinyei ng'olyootap maonateet ne po iman inne; ne oyae ne myee ye oriip, ko uu tait ne ikweng'sei eng' ole imen, kot koeech, ak kochorchi mugulelwekwok taboiyatap karon:

NG'ANG'UTYET 2:5

Ibwaat anyun ole ki ibute, ak isigu, ak iyai poisyonik che po tai. Ngot ko mesigu, anyoonjin ak anemu keldap taing'ung' eng' komostanyi.