KALEWANAIK 3:7 - BUKUIT NE TILIIL Sireet ne Dutero Kanon

⁷ Amendegei inyegei ile ii utaat; iywei Kamuktaindet ne Toroor, ak iistoegei yaityo.

Bukuit Ne Tilil

⁷ Amendegei inyegei ile ii utaat; iywei Kamuktaindet ne Toroor, ak iistoegei yaityo.

BUKUIT NE TILIL

⁷ Amendege inyege ile i ng’om; Iywei Jehovah, ak iistoege yaitio:

KALEWANAIK 3:7 ပူးပေါင်းရင်းမြစ်များ

2 SAMUEL 12:20

Ki ng'eet anyun Daudi eng' ng'wony kwo koun kei, koiilgei ak kolaach ngoroik alak, yeityo konyo kootap Kamuktaindet ne Toroor kosa. Kingo tar kosaaei, kwo koonnyi ak king'yemach amitwogik, kindochi tainnyi ak ki am.

NEEMIA 5:15

Ago ki igoochi mileet piik pounik che po tai che ki indounena, ak ki ibe icheek magatiinik ak divaik, koma pooto shekelisyek artam che po fedha; ee, kiboi agot otwogikwak piik: ago ki ma ayai anyun ko uu nooto, amu kaiyweisyet ne aiywei Kamuktaindet.

Kitabuutap JOB 1:1

Ki mi chii eng' emetap Us ne ki kiguure Job. Ki igeesunotkei ineendet ak ko po iman. Ki iywei Kamuktaindet ak koistoegei yaityo.

Kitabuutap JOB 28:28

Ak ki mwachi chiito, koleenji, ‘Ogeero, ngiywei Kiptaiyat, ko utaatyet nooto; Ak ngeistoegei yaityet, ko kaguiyet nooto.’ ”

KOMONG'U 20:20

Koleenji `Musa piik, “Amoiywei, amu kanyo Kamuktaindennyo kotyemak si kotebee taing'wong' kaiyweisyennyi ne oiywei ineendet asi moyai tengek.”

KALEWANAIK 14:16

Iyweisyei chiito ne utaat ak koistoegei yaityet, ago nereechi ne perber ak komeenei.

KALEWANAIK 14:27

Kaiyweisyet ne kiywei Kamuktaindet ne Toroor ko kondametutap peegap saboon, si keistoegei mestonogap meet.

KALEWANAIK 16:6

Ki undoi yaityet eng' rireenet ak iman, ak istoegei piik yaityet ye iywei Kamuktaindet ne Toroor.

KALEWANAIK 23:4

Ngot itinye utaatyet ne ititaat; komeimigei ile asi iegu mogoryo.

KALEWANAIK 26:12

Tos igeere chiito ne iityingei kole utaat eng' losennyi pogei? Miitei kamang'unet eng' chiito ne perber kosiir ineendet.

KALEWANAIK 26:5

Wolji ne perber ko uu perberyennyi, si ma iitkei ineendet kole utaat eng' losennyi pogei.

KALEWANAIK 28:11

Menee mogoryot utaaatyennyi, ago isyachi ineendet kibananiat ne tinyei kaguiyet.

KALEWANAIK 28:26

Perber ineendet ne imang'ugei; ago kisaru age tugul ne wendotee utaatyet.

KALEWANAIK 8:13

Kaiyweisyet ne kiywei Kamuktaindet ne Toroor ko kewech yaityo. Aweche menoteet, kaeetetapkei ak ooreet ne ya, ak kutit ne imaasat.

AMDOINDET 12:13

Ara nguno ko kagogasak tugul, ni anyun ko kagesunetap tuguuchu: Iywei Kamuktaindet ak iriip ng'atuutikyik, amu nyoljin chiito poisyoniito tugul.

ISAIAH 5:21

Pwo eng' icheek che indogei kole ki utaatiin, ak kogeerei koleen ng'ulaatiin!

ROMANIK 11:25

Amu ma mache oegu che mongen ung'ootyoni, che kitupche, si moiityige ole oo ng'oomen eng' loseng'wong' pogei, ale kanyonji Israel uuindo eng' kebeber, agoi konyo nyiyet ne po Pororyosyek;

ROMANIK 12:16

Oegu che tinyei kabwaatet agenge okweegei eng' okweegei. Among'asyige tuguuk che torooreen, ago onamge ak che iming'inegei. Moiityige ole oo ng'oomen eng' loseng'wong' pogei.