KALEWANAIK 28:13 - BUKUIT NE TILIIL Sireet ne Dutero Kanon

¹³ Ma nyooru perurto ineendet ne unyei pistaosyekyik, ago nyooru rireenet age tugul ne ng'aanyei ak kometo.

Bukuit Ne Tilil

¹³ Ma nyooru perurto ineendet ne unyei pistaosyekyik, ago nyooru rireenet age tugul ne ng'aanyei ak kometo.

BUKUIT NE TILIL

¹³ Manyoru berurto inendet ne unyei bistaosiekyik: Ago nyoru rirenet age tugul ne ng’anyei ak kometo.

KALEWANAIK 28:13 ပူးပေါင်းရင်းမြစ်များ

TAUNET 4:9

koteebee `Kamuktaindet ne Toroor Kain anyun koleenji, “Mi ano tupcheng'ung', Abel?” Kowol Kain kole, “Mangen. Tos aa riibindetap tupchennyu?”

2 SAMUEL 12:13

Koleenji `Daudi Nathan, “Koayachi Kamuktaindet ne Toroor tengekto.” Kowolji `Nathan Daudi koleenji, “Kagoisto Kamuktaindet ne Toroor agine tengektong'ung'; memee.

2 SAMUEL 14:32

Ak ki wolji `Absalom Joab koleenji, “Koaguurin ale, nyoo yu si kobiit ayookten iwe kaplaitoryat, ileenji, Amu nee si anyo eng' Gesur? Kita myee atebee olooto agoi. Chamwo anyun nguno ageer togeetap laitoryat. Nguno anyun, ngot atinye tengekto, kobara.”

2 LAITORINIK 20:15

Ak ki le ineendet, “Kagogeer nee eng' koong'ung'?” Ak kowol Hezekiah kole, “Kagogeer tuguuk tugul che mi koonnyu, ma ng'et kiy eng' konoraikyuk ne ma aboorchi.”

2 ATEPTAP PEETUUSYEK 6:26

Ye kerak kipsengwet ak kobet ropta amu ki koyaun icheek tengekto, ko ngot kosa kotokyigei komosi, kong'aany kaineng'ung', ak koweek eng' tengektonywa, ye inyaliil icheek,

EZRAH 10:11

Ong'aang'ji anyun Kamuktaindet ne Toroor, Kamuktaindetap kwanisyekwok ak oyai kiit ne chamei. Otabaanegei piigap emet ak kwonyiik che toek.”

EZRAH 10:2

Ak ki wolji Shekaneiah weeriitap Jehiel, weeriitap Elam, Ezrah koleenji, “Ki kichililji Kamuktaindennyo ak ki kitun tiibiik che salu saang' che po piigap emoni, ago mi nguno kamang'unet agobo Israel agobo ng'olyoondoniito.

NEEMIA 9:2

Ki itabaanegei `iyoteetap Israel toek tugul yeityo kotononso kong'aany tengekwogikwak ak tengekwogigap kwanisyekwak.

Kitabuutap JOB 31:33

Ngot ko ki atuch pistoennyu ko uu ye yaei alak, atuch tengektonyu eng' tegeennyu,

Kitabuutap JOB 33:27

Tyeni eng' taitap piik ak kole ki ayai tengekto, ak amaas kiit ne ki po iman, ama kelwo kiy.

Kitabuutap JOB 34:31

Tos amu nee si ma mwachi chii age tugul Kamuktaindet, koleenji, ‘Ka amuite eng' katigonet, ma ayae leluut kogeny,

TIENWOGIKAL 51:10

Yaiywo muguleldo ne tiliil, ee Kamuktaindet; ak iyai saboondanyu koleelit ak iywokyi eng' oriit.

KALEWANAIK 10:12

Ing'eeti `suryet pooryosyek, ago tuchei `chamyet pistaosyek tugul.

KALEWANAIK 17:9

Cheeng'ei chamyet ineendet ne tuchei pistoet; ago ineendet ne ibooti ng'aleek ko ibestos choronok che eecheen.

ISAIAH 55:7

ingometo kiptengekyot ooreennyi, ak ingometo ineendet ne ma po iman, kabwaatutikyik: ak ingoweekyigei Kamuktaindet ne Toroor, si koriiree; ak ingoweekyigei Kamuktaindennyo, amu nyochin kaat iman.

JEREMIA 2:35

imwae ile, “Ma tinyei tengek; kigoistoenagei iman nereegekyik.” Keero, arwoogun, amu imwae ile, “Tom ayai tengek.”

ATEPTAP LAWIK 5:5

Ye kagonam chii age tugul tengekto eng' age eng' tuguuchooto, kong'aany anyun tengektanyi ne kogoyai,

JONAH 3:10

Kingo keer Kamuktaindet poisyonikwak, kole kaweek icheek kometo ooreenywa ne ya; kowal Kamuktaindet kabwaatutikyik agobo yaityet ne ki kamwa kole yachin icheek; ak mata koyai.

POISYONIGAP CHE KIYOKTOI 26:20

ago ki aboorchi che mi Damasko korook, ak eng' Jerusalem, ak eng' emet komugul ne po Judea, ak eng' Pororyosyek ak icheek, si kosik ak koyan Kamuktaindet, koyaei poisyonik che nyoljin siguunet.

KIRUOGIK 10:15

Ki leenji `piigap Israel Kamuktaindet ne Toroor, “Kigeyai tengekto. Yaiywech kiit age tugul ne igeere ile nyolu, ago kisaain kityo keele isarwech peetuuni.”

1 SAMUEL 15:13

Ye kingo nyo Samuel ole mi Saulo, koleenji `Saulo ineendet, “Ingoberuurin Kamuktaindet ne Toroor, koayai ng'atuutyetap Kamuktaindet ne Toroor.”

1 SAMUEL 15:24

Ak ki mwachi `Saulo Samuel koleenji, “Koayai tengekto amu koabistoe ng'atuutyetap Kamuktaindet ne Toroor, ak ng'aleeguk. Amu koaiywei piik ak agas iit kutinnywa.

1 SAMUEL 15:30

Komwa Saulo kole, “Koayai tengekto, ago asaain kora ale konyita nguno eng' taitap poisyegap piikyuk ak eng' Israel ak ingeweigei tuwai, si agutung'ji Kamuktaindet ne Toroor Kamuktaindeng'ung'.”