KALEWANAIK 24:12 - BUKUIT NE TILIIL Sireet ne Dutero Kanon

¹² Ngot imwa ile, “Keero, ma ki nai niito!” Tos ma ibwaati niito ineendet ne keerei mugulelwek eng' karagendoet? Tos ma naei ng'olyoondoniito ineendet ne riibei saboondang'ung'? Ak tos ma igeerchin chii age tugul ko uu poisyennyi?

Bukuit Ne Tilil

¹² Ngot imwa ile, “Keero, ma ki nai niito!” Tos ma ibwaati niito ineendet ne keerei mugulelwek eng' karagendoet? Tos ma naei ng'olyoondoniito ineendet ne riibei saboondang'ung'? Ak tos ma igeerchin chii age tugul ko uu poisyennyi?

BUKUIT NE TILIL

¹² Ngot imwa ile, Keero, ma kinai nito: Tos maibwati nito inendet ne kerei mugulelwek eng’ karogendoet? Tos manaei ng’olyondonito inendet ne ribei sobondang’ung’? Ak tos maigeerjin chi age tugul ko u boisiennyi?

KALEWANAIK 24:12 ပူးပေါင်းရင်းမြစ်များ

Kitabuutap JOB 34:11

Amu yaakyin chiito ko uu poisyonikyik, ak kogoochi chii age tugul konyoor ko uu ortinwekyik.

TIENWOGIKAL 121:3

Ma chamdoi ineendet keeldong'ung' keisto; ma inuuchi ineendet ne riibin.

TIENWOGIKAL 121:8

Riibin Kamuktaindet ne Toroor ye imandoi saang' ak ye inyone ko, kobooch nguno agoi koigeny.

TIENWOGIKAL 17:3

Ki ityem muguleldanyu; ki inyoonjo kemoi, ki isyacha, ama inyoorcha kiy; ki abekyi ale ma mwaei kutinnyu pistoet.

TIENWOGIKAL 44:21

ko tos ma cheeng'ei konai Kamuktaindet niito? Amu ingen inee ung'ootigap muguleldo.

TIENWOGIKAL 62:12

Ee Kiptaiyat, neng'ung' rireenet agine; amu inyee ne iyaakyini chii tugul ko uu poisyennyi.

TIENWOGIKAL 66:9

Ne riibei saboonwekyok kosapcho, Ak ne ma chamdoi keisto keelyekyok.

TIENWOGIKAL 7:9

Ingowong'kei tengektap kiptengeginik, ago igimit ne po imanda. Ee Kamuktaindet ne po imanda, inyee ne isyachi kabwaatutik ak mugulelwek.

TIENWOGIKAL 94:9

Tos ineendet ne kiyaei itit, koma kastoi? Tos ineendet ne kiyaei koonyek, koma keertoi?

KALEWANAIK 12:14

Piyonyi chiito myeeindo eng' logoegap kutinnyi, ak kigeerchin chiito poisyonigap eunekyik.

KALEWANAIK 16:2

Tiliileen ortinwek tugul che po chii ye keerei, ago keerei `Kamuktaindet ne Toroor mugulelwek eng' karagendoet.

KALEWANAIK 21:2

Leen chii po iman poisyonikyik tugul, ago keerei `Kamuktaindet ne Toroor mugulelwek eng' karagendoet.

KALEWANAIK 5:21

Amu ortinwegap chii ko keerei Kamuktaindet ne Toroor ak koriibei mitainik tugul che po chiichooto.

KALEWANAIK 5:22

Namei `kiptengekyot yaitwogikyik, ak keratee ineendet poroonigap tengektanyi.

AMDOINDET 5:8

Ngot igeer kesastae kibananiat ak keistoi kirwooget ak imanda eng' koroomnateet eng' emet, ko mekwong'ee nooto. Amu keerei nooto ineendet ne toroor kosiir icheeget che torooreen, ak mi che torooreen kosiir icheek.

JEREMIA 17:10

Anee Kamuktaindet ne Toroor kasiagindetap muguleldo, atyeme kabwaatutik, si agoochi chii age tugul ko uu ortinwekyik, ak logoegap poisyonikyik.

JEREMIA 32:19

ineendet ne oo eng' kirwooget, ak ko po kamuktaet eng' poisyet; ne keerei konyekyik ortinwek tugul che po weeriigap piik; si kogoochi age tugul ko uu ortinwekyik ak ko uu logoegap poisyonikyik;

RIREKAB JEREMIA 3:36

anan kibeet chii eng' imandanyi, tos ma keerei Kiptaiyat chooto?

MATAYO 16:27

Tuun nyoonei Weeriitap chii eng' liilindap Kwandanyi kobooto malaikaisyekyik, ak kogoochi chii age tugul ko uu poisyonikyik.

POISYONIGAP CHE KIYOKTOI 17:28

Amu ‘Eng' ineendet kesaptosi ak kebendoti ak kemi’; ko uu ye ki komwa alage eng' siriikwok che po tyenwogigap kalasunet kole, ‘Amu ki lagokyik ak acheek.’

ROMANIK 2:16

eng' peetuut ne tuun irwookyin Kamuktaindet ung'ootigap piik, ko uu logoiywekyuk che myach, eng' Jeso Kristo.

ROMANIK 2:6

ne tuun igoochin chii tugul ko uu poisyonikyik:

1 KORINTOEK 4:5

Nooto anyun amat orwookyi kiy kotom koit peetuut, agoi konyo Kiptaiyat. Inee ne tuun ng'aanyei tuguuk che ung'ootiin che po mesundeito ak kobarta kabwaatutik che po mugulelwek; si konyoor chii age tugul anyun kalasunennyi eng' Kamuktaindet.

2 KORINTOEK 5:10

Amu kanyool kibartech acheek tugul eng' taitap ng'echereetap kirwooget ne po Kristo; si kobiit kotaach chii age tugul tuguuk che tee che ki yai eng' poorto, ngo myach anan ngo yaach.

NG'ANG'UTYET 1:18

Aa ne Sabei; kiga amei, ago keero, asabe koigeny ak koigeny; ak atinye yaateiwegap meet ak che po ye mi che ki kobek.

NG'ANG'UTYET 2:18

“Ak isirchi malaikaiyatap kaniset ne mi Thyatira, ileenji: “Mwaei tuguuchu Weeriitap Kamuktaindet, ne tinyei koonyek che uu liplibenetap maat, ak ko uu keelyekyik sugunwet ne sitaat.

NG'ANG'UTYET 2:23

Abare lagokyik meet; si konai kanisosyek tugul kole aneendet ne isyachi kabwaatutik ak mugulelwek, ak agoochini age tugul eng' okweek ko uu poisyonikwok.

NG'ANG'UTYET 22:12

“Ogeero, anyoone achogu; ak aibu melektanyu si agoochi chii age tugul ko uu poisyonikyik.

1 SAMUEL 16:7

Ago ki leenji `Kamuktaindet ne Toroor Samuel, “Amat igeer togeennyi anan ko kooindap tononennyi, amu kaeesye ineendet. Ma keerei Kamuktaindet ne Toroor ko uu ye keerei piik. Keerei piik itoondo, ago keerei Kamuktaindet ne Toroor muguleldo.”

1 SAMUEL 2:3

Among'alaal eng' menoteet, anan komang'une kutusweekwok lasetapkei. Amu Kamuktaindet ne Toroor ko Kamuktaindet ne po naet tugul, eng' ineendet ko naaksei ole uu poisyonik.

1 SAMUEL 2:6

Parei `Kamuktaindet ne Toroor ak kosaabi. Choortoi koba kererit ak komutu kotogos.

1 SAMUEL 25:29

Nganda ng'eetei chii konaatiin ak kocheeng' saboondang'ung', ko ki kiratyi saboondap kiptaiyandennyu ratuutyetap saboondo kobooto Kamuktaindet ne Toroor Kamuktaindeng'ung', ak wiirtoi ineendet saboondap puuniguk, ko uu ye ki wiirtoe loletap chemasindaryet.