KALEWANAIK 22:6 - BUKUIT NE TILIIL Sireet ne Dutero Kanon

⁶ Ineet lakweet koosup ooreet ne nyolu kobun, ak ma pagaaktoi agot ye kagoosit.

Bukuit Ne Tilil

⁶ Ineet lakweet koosup ooreet ne nyolu kobun, ak ma pagaaktoi agot ye kagoosit.

BUKUIT NE TILIL

⁶ Inet lakwet kosub oret ne nyolu kobun, Ak mabagaktoi agot ye kagoosit.

KALEWANAIK 22:6 ပူးပေါင်းရင်းမြစ်များ

TAUNET 18:19

Amu ki alewen ineendet si komuuch koboi lagokyik ak koonnyi ne tuun piitu, si kobiit koriip ooreetap Kamuktaindet ne Toroor eng' yaeet ak kirwoogetap imanda; si kosuldochi `Kamuktaindet ne Toroor Abraham kiit ne ki mwa agobo ineendet.”

EPESOEK 6:4

Ak okweek, kwanisyechu, amotachatachi lagokwok, si konereekso: ago obai icheek eng' atep ne myee ak katigonetap Kiptaiyat.

NG'ATUTIK 11:19

Oneet lagokwok chooto ye ong'alaaldosi, ye itebye eng' koong'ung', ye iwendoti, ye irue ak ye ing'eete.

NG'ATUTIK 4:9

Riipkei anyun, ak iriip saboondang'ung' eng' kagiiletapkei, si meutye tuguuk che ki keer konyeguk ak si ma manda eng' muguleldang'ung' eng' peetuusyeguk tugul che po sabeeng'ung'; agoi ineet lagoguk tuguuchuuto ak mochogoroniguk.

NG'ATUTIK 6:7

Ineet lagoguk eng' kagiiletapkei: ng'alaale ye itebye ng'wony eng' koong'ung', ye iwendi eng' ooreet, ye irue ak ye ing'eete.

2 TIMOTEO 3:15

ak kobooch ko ii lakwa ko ki ingen siruutik che tiliileen che imuuchi kong'omitin agoi yetunet eng' kayaneet ne miitei eng' Kristo Jeso.

KIRUOGIK 13:12

Ak ki le Manoa, “Ingosulda ng'aleeguk. Tuun teptoi ano lakwanooto ak egu nee poisyennyi?”

1 SAMUEL 1:28

Nooto anyun, kaagoochi ineendet Kamuktaindet ne Toroor. Kotee kosabei, ko ki agoochi `ineendet Kamuktaindet ne Toroor.” Ak ki itoroor Kamuktaindet ne Toroor eng' yooto.

1 SAMUEL 2:26

Ki eet anyun lakwanooto Samuel ak ki chamat eng' Kamuktaindet ne Toroor ak eng' piik ak icheek.