KALEWANAIK 18:12 - BUKUIT NE TILIIL Sireet ne Dutero Kanon

¹² Menei muguleldap chii kotom konyoor ng'emisyet, ak indoe kaming'inetapkei teegisto.

Bukuit Ne Tilil

¹² Menei muguleldap chii kotom konyoor ng'emisyet, ak indoe kaming'inetapkei teegisto.

BUKUIT NE TILIL

¹² Menei muguleldab chi kotom konyor ng’emisiet, Ak indoe kaming’inetab ge teegisto.

KALEWANAIK 18:12 ပူးပေါင်းရင်းမြစ်များ

1 LAITORINIK 3:7

Ak nguno anyun, ee Kamuktaindet ne Toroor Kamuktaindennyu, ki iyai otwogindeng'ung' koek laitoryat kogeer Daudi abba, ago anee, kota ko aa lakweet ne ming'in; mangen ole amandoitoi ak ole among'undoi.

KALEWANAIK 11:2

Ye nyo menoteet, konyo agine kalilanet, ago mi utaatyet ak che iming'inegei.

KALEWANAIK 15:33

Katigonetap utaatyet ko kaiyweisyet ne kiywei Kamuktaindet ne Toroor; ak indoi kaming'inetapkei eng' teegisto.

KALEWANAIK 16:18

Indoe `menoteet ng'emisyet, ak indoe `kachaunetapkei kabutet.

KALEWANAIK 29:23

Iming'ini chii `menatennyi, ago nyooru teegisto ineendet ne iming'inegei.

EZEKIEL 28:2

Ee, weeriitap chii, mwachi pounindetap Tyro, ileenji, mwaei Kiptaiyat Kamuktaindet ne Toroor kole: Amu kiitoroorge eng' muguleldang'ung', ak imwa ile, Aa kamuktain, atebee ng'echereetap Kamuktaindet, eng' kwenutap nyanjosyek; ago ii chiito, ma ii Kamuktaindet, agot nganda ki iyaige eng' muguleldang'ung' iige Kamuktaindet:

EZEKIEL 28:9

Tos ta imwae eng' taitap ineendet ne parin, ile, aa kamuktain? Ago ii chiito, ma ii kamuktain, imi eutap ineendet ne iguotenin.

EZEKIEL 29:9

Ak koguber emetap Misiri ak koek karaita, si konai kole aa Kamuktaindet ne Toroor; amu ki komwa kole, nenyu aineet, anee ne ki ayae.

LUKA 14:11

Amu age tugul ne itoroorigei kiming'ini; ak ineendet ne iming'inegei kitoroori.

1 PETERO 5:5

Ko uu nooto ak okweek che oo mengeechen, ogas iit poisyek. Ee, ogermenge okweek tugul eng' kaming'inetapkei si kobiit oboisyechigei okweegei eng' okweegei: amu kirindoi Kamuktaindet menotik, ak kogoochin myeeindo che iming'inegei.