KALEWANAIK 18:10 - BUKUIT NE TILIIL Sireet ne Dutero Kanon

¹⁰ Irimet ne kiim kainetap Kamuktaindet ne Toroor; mwechin ne po iman ak konyoor chametapkei.

Bukuit Ne Tilil

¹⁰ Irimet ne kiim kainetap Kamuktaindet ne Toroor; mwechin ne po iman ak konyoor chametapkei.

BUKUIT NE TILIL

¹⁰ Irimet ne kim kainetab Jehovah: Mwechin ne bo iman, si konyor chametab ge.

KALEWANAIK 18:10 ပူးပေါင်းရင်းမြစ်များ

TAUNET 17:1

Ye kingo po Abram kenyiisyek tamanwogik sogool ak sogool, kogimong'ji Kamuktaindet ne Toroor ak koleenji, “Aa Kamuktaindet Ne po Kamuktaet. Wendote tainnyu ak iegu ne ititaat,

TAUNET 32:11

Asaain ale isarwo eng' eutap tupchennyu Esau, amu aiywei ineendet, ale nyoonei inyo kobara, kobooto kamet ak lagok.

2 SAMUEL 22:2

Kityen kole, “Kamuktaindet ne Toroor rwandennyu, irimennyu ak saruunindennyu.

2 SAMUEL 22:3

Kamuktaindet ko rwandennyu, ne amang'u. Long'ennyu ak kuinetap yetunennyu, teeksennyu ne kooi ak ole amwechini, yetindennyu ne sarwo eng' koroomnateet.

2 SAMUEL 22:51

Igoochin laitoryandennyi saruunet ne oo; ak koboorchin nenyi ne iilaat chamyennyi ne tala, Daudi ak iyotennyi agoi koigeny.”

TIENWOGIKAL 144:2

Ineendet chamyennyu ne tala ak irimennyu, teeksennyu ne kooi ak saruunindennyu; long'ennyu ak ineendet ne amang'u; ne igoochin piikyuk kogasa iit.

TIENWOGIKAL 18:2

Kamuktaindet ne Toroor ko rwandennyu, irimennyu ak saruunindennyu; Kamuktaindennyu, rwandennyu ne kiim, amang'u ineendet; long'ennyu, kuinetap yetunennyu ak teeksennyu ne kooi.

TIENWOGIKAL 20:2

Ingoyogun toreteet eng' Hekaluut, ak kotiin kobunu Zion.

TIENWOGIKAL 27:1

Kamuktaindet ne Toroor ko lapkeiyennyu ak yetunennyu; tos aiywei ng'oo? Kamuktaindet ne Toroor ko kimnateetap saboondanyu; aiywei ng'oo?

TIENWOGIKAL 91:14

Amu kigochama, asaru eng' nooto anyun: Atoroori ineendet, amu ki konai kainennyu.

TIENWOGIKAL 91:2

Amwae agobo Kamuktaindet ne Toroor ale, Ineendet ole amwechini ak ko irimennyu; Kamuktaindennyu ne amang'u.

KOMONG'U 6:3

Ki among'ji Abraham, Isak ak Jakobo, ko aa Kamuktaindet Ne po Kamuktaet agot nga ki ma naa icheek eng' kainennyu Kamuktaindet ne Toroor.

KALEWANAIK 14:26

Mi kamang'unet ne kiim eng' kaiyweisyet ne kiywei Kamuktaindet ne Toroor, ak nyooru lagokyik ole mwechin.

KALEWANAIK 29:25

Ibu mesteet kaiyweisyet ne kiywei chii, ago nyooru chametapkei age tugul ne imang'u Kamuktaindet ne Toroor.

ISAIAH 26:4

Omang'u Kamuktaindet ne Toroor koigeny, amu mi eng' Kamuktaindet ne Toroor rwandet ne po koigeny.

ISAIAH 57:15

Amu mwaei ko uu ni ineendet ne mi parak ak ko toroor ne menyei koigeny, ne Tiliil kainennyi kole, amenye ole toroor ak ko tiliil, kobooto ineendet agine ne kigonyeratkei eng' muguleldo, ak koming'ingei, si kobiit kisoop muguleldap ne iming'inegei, ak kisoop mugulelwegap che inyeratigei.

ISAIAH 9:6

Amu kagisikwech lakweet, kagigoonech weeriit; ak ting'ee ineendet pounateet tigikyennyi. Kiguure kainennyi: “Kotigonindet ne po Kwong'uut, Kamuktaindet Ne po Kamuktaet, Kwanda ne po Koigeny, Pounindetap Kaalyeet.”

JEREMIA 23:6

Kisaru Judah eng' peetuusyekyik, ak komeng'iis Israel eng' chametapkei: ak ni kainennyi ne kemwaitoe, Kamuktaindet ne Toroor ko imandanyo.

HABAKUK 3:19

Kimnateennyu Kamuktaindet ne Toroor, Kiptaiyandennyu, ak yaei keelyekyuk koigei che po cheptirgichet, Ak komutata eng' oldinwekyuk che torooreen. Po ne oo eng' putiik che po kibugandetap inoik.

MATAYO 1:23

“Ogeero, manachi pergeiyat ak kosich weeriit, ak keguure kainennyi Immanuel,” ne ye kiweech ko ni, “Mi Kamuktaindet kobootech.”

NG'ANG'UTYET 1:8

“Anee ko aa Alpha ak ko aa Omega,” mwaei Kiptaiyat Kamuktaindet, Ne po Kamuktaet, ne mi ak ko ki mi ak ko tuun nyoonei.

1 SAMUEL 17:45

Koleenji `Daudi Philistindonooto, “Kenyoonjo ak rotwetap chok, ng'otit ak ndirit, ago anyoonjinin eng' kainetap Kamuktaindet ne Toroor ne po lugoosyek, Kamuktaindetap lugosyegap Israel ne koireeny.

1 SAMUEL 30:6

Ki iimgei miising' `Daudi, amu ki mwa piik kole kilache ineendet eng' koik, amu ki aragenso saboonwegap piik tugul ak ki aragen chii age tugul agobo weeriikyik ak tiibiikyik, ago ki igimitkei Daudi eng' Kamuktaindet ne Toroor Kamuktaindennyi.