KALEWANAIK 17:17 - BUKUIT NE TILIIL Sireet ne Dutero Kanon

¹⁷ Tinyei chorweet chamyet kotugul, ak kisichei ne tupcho ak chii agobo nyalilda.

Bukuit Ne Tilil

¹⁷ Tinyei chorweet chamyet kotugul, ak kisichei ne tupcho ak chii agobo nyalilda.

BUKUIT NE TILIL

¹⁷ Tinyei choruet chamnyet kotugul, Ak kisichei ne tupcho agobo nyalilda.

KALEWANAIK 17:17 ပူးပေါင်းရင်းမြစ်များ

2 SAMUEL 1:26

Aarageni amu inyee, tupchennyu Jonathan: Ki igoono abaibait miising': Ki po kwong'eet chamyeng'ung' ne ki ichama, ki siirei chamyetap kwonyiik.

2 SAMUEL 15:21

Ago ki wolji `Itai laitoryat koleenji, “Ko uu ye sabei Kamuktaindet ne Toroor ak ko uu ye sabei kiptaiyandennyu laitoryat, ko oldo tugul ole mi kiptaiyandennyu laitoryat, ami olooto agane iman, anee otwogindeng'ung' ngo eng' meet anan eng' sabeet.”

KALEWANAIK 16:28

Iseeri pooryeet `chiito ne imaasat, ak ibestos chaamindet choronok che eecheen.

KALEWANAIK 18:24

Cheeng'jingei ng'emisyet ineendet ne cheeng'ei choronok che chaang', ago mi chorweet ne namegei ak chii kosiir ng'eetap kamet.

KALEWANAIK 19:13

Weeriit ne perber ko nyalil eng' kwandanyi; ak polatetap osotyot ko uu peek che saitoi.

KALEWANAIK 19:7

Ngot ko wechei kibananiat `tupchosyekyik tugul, koistoegei anyun ne tya choronokyik! Nga isubi kogaigae icheek ng'aleek, koma nyooru.

HEBRANIK 2:11

Amu ineendet ne itiliilisyei ak icheek che kitiliili kobunu agenge: eng' nooto anyun koma keerei ineendet kalilanet koguure icheek che kitupche,

RUTH 1:16

Ago ki wolji Ruth koleenji, “Amegimnjo ile abagachin anan ile aweek matkebe tuwai! Ole kewe, awendi, ak ole itebee atebee agane. Egu piiguk piikyuk, ak egu Kamuktaindeng'ung' Kamuktaindennyu.

1 SAMUEL 18:3

Ki iyomiskei anyun Jonathan ak Daudi, amu ki cham Jonathan ineendet ko uu saboondanyi.

1 SAMUEL 19:2

Ago ki paibai miising' Jonathan weeriitap Saulo agobo Daudi. Ara ki mwachi `Jonathan Daudi koleenji, “Cheeng'ei abbannyu Saulo kobarin. Nooto anyun asaain miising' ale, riipkei karon ak itebi eng' ung'oot iunyge.

1 SAMUEL 19:3

Amandai ak awe atonon eng' ye neegitee abba eng' keeweet eng' ole imi ak keng'alaal ak ineendet agobo inyee. Ngot ageer kiy amwaun.”

1 SAMUEL 20:17

Ki iyasyechi `Jonathan Daudi ne po aeng', amu chamyet ne oo ne kiting'e ineendet, amu ki chamei ineendet ko uu ye ki chamei saboondanyi.

1 SAMUEL 23:16

Ki ng'eet Jonathan weeriitap Saulo ak kwo ole mi Daudi eng' timiin kogimit ineendet eng' Kamuktaindet.