KALEWANAIK 15:11 - BUKUIT NE TILIIL Sireet ne Dutero Kanon

¹¹ Mi taitap Kamuktaindet ne Toroor ye mi che ki kobek ak ng'emisyet, siirei ne tya anyun mugulelwegap piik!

Bukuit Ne Tilil

¹¹ Mi taitap Kamuktaindet ne Toroor ye mi che ki kobek ak ng'emisyet, siirei ne tya anyun mugulelwegap piik!

BUKUIT NE TILIL

¹¹ Mi taitab Jehovah oldab che kigobek ak Ng’emisiet: Siirei ne tia anyun mugulelwekab bik!

KALEWANAIK 15:11 ပူးပေါင်းရင်းမြစ်များ

2 ATEPTAP PEETUUSYEK 6:30

igas anyun eng' kipsengwet oldang'ung' ole imenye, ak inyochi kaat ak iyaakyi chii age tugul ko uu ortinwekyik tugul, ko uu ye ingen muguleldanyi, amu inyee inyegei ne ingen mugulelwegap weeriigap piik

Kitabuutap JOB 26:6

Mi puch ye mi che ki kobek eng' tainnyi, ama tinyei Ng'emisyet kiit ne kitugee.

TIENWOGIKAL 139:8

Ngatogoste kipsengwet, imi olooto; agot ngaite itogunnyu eng' ye mi che ki kobek, keero, imi olooto.

TIENWOGIKAL 44:21

ko tos ma cheeng'ei konai Kamuktaindet niito? Amu ingen inee ung'ootigap muguleldo.

TIENWOGIKAL 7:9

Ingowong'kei tengektap kiptengeginik, ago igimit ne po imanda. Ee Kamuktaindet ne po imanda, inyee ne isyachi kabwaatutik ak mugulelwek.

KALEWANAIK 15:10

Mi kergong'yet ne ng'waan eng' ineendet ne metoi ooreet, ak meei ineendet ne wechei kereetap kong'.

KALEWANAIK 17:3

Po `tereet fedha che kitiliili, ak po `maat ne oo thahabu, ago Kamuktaindet ne Toroor ne tyemei mugulelwek.

KALEWANAIK 27:20

Ma koi piyo yemi piik che ki kobek ak ng'emisyet; ma koi piyo konyegap chii.

JEREMIA 17:10

Anee Kamuktaindet ne Toroor kasiagindetap muguleldo, atyeme kabwaatutik, si agoochi chii age tugul ko uu ortinwekyik, ak logoegap poisyonikyik.

JOHANA 21:17

Koleenji ne po somok, “Simion, weeriitap Johana, ichama?” Koaragen Petero amu kamwachi ne po somok, koleenji, “Ichama?” Ak koleenji, “Kiptaiyat, ingen tuguuk tugul; ingen ile achamin.” Koleenji `Jeso ineendet, “Pai keechiirekyuk.

POISYONIGAP CHE KIYOKTOI 1:24

Ak ki sa kole, “Ee Kiptaiyat, inyee ne ingen mugulelwegap piik tugul, iboorwech eng' pichu aeng', ne kailewen,

HEBRANIK 4:13

Ama mi kiy age tugul ne ki kiyai ne ma taagu eng' tainnyi: ago ng'ang'otin ak yaatatin tuguuk tugul eng' taitap koonyek che po ineendet ne tuun kitetyini atebosyekyok.

NG'ANG'UTYET 1:18

Aa ne Sabei; kiga amei, ago keero, asabe koigeny ak koigeny; ak atinye yaateiwegap meet ak che po ye mi che ki kobek.

NG'ANG'UTYET 2:23

Abare lagokyik meet; si konai kanisosyek tugul kole aneendet ne isyachi kabwaatutik ak mugulelwek, ak agoochini age tugul eng' okweek ko uu poisyonikwok.

NG'ANG'UTYET 9:11

Ki tinyei icheek laitoryat ne pou, nooto ko malaikaiyatap keriinget ne ma igoksei; ne kainennyi eng' kutitap Yahudik ko, ak eng' Yunanik ko Apollyon.

1 SAMUEL 16:7

Ago ki leenji `Kamuktaindet ne Toroor Samuel, “Amat igeer togeennyi anan ko kooindap tononennyi, amu kaeesye ineendet. Ma keerei Kamuktaindet ne Toroor ko uu ye keerei piik. Keerei piik itoondo, ago keerei Kamuktaindet ne Toroor muguleldo.”