JUDA 1:7 - BUKUIT NE TILIIL Sireet ne Dutero Kanon

⁷ Ko uu nooto, agot Sodom ak Gomorah, ak nganasook che kiga yiem, kingo kagogoochigei sokseet, ko uu chuuto, koba koosup poorwek che ma kergei ak chechwaak, ko ki kinde koek kaboorunetap chooto nyalili konyooru kergong'yetap maat ne po koigeny.

Bukuit Ne Tilil

⁷ Ko uu nooto, agot Sodom ak Gomorah, ak nganasook che kiga yiem, kingo kagogoochigei sokseet, ko uu chuuto, koba koosup poorwek che ma kergei ak chechwaak, ko ki kinde koek kaboorunetap chooto nyalili konyooru kergong'yetap maat ne po koigeny.

BUKUIT NE TILIL

⁷ Ko u noto, agot Sodom ak Gomora, ak nganasok che kiga yiem, kingo kagogochigei sokset, ko u chuto, koba kosub borwek che ma kergei ak chechuak, ko kiginde koek kaborunet, konyalilso eng’ kiruogetab mat ne bo koigeny.

JUDA 1:7 ပူးပေါင်းရင်းမြစ်များ

TAUNET 13:13

Ago kiyaachen, ak ko ki kiptengegin miising' piigap Sodom eng' taitap Kamuktaindet ne Toroor.

TAUNET 18:20

Ak ki le Kamuktaindet ne Toroor, “Oo kateiyet agobo Sodom ak Gomorah, ak kosamisen tengekwogikwak miising'.

TAUNET 19:5

Ki kuur `icheek Lot ak koleenji, “Ngorcho piik che ketaach eng' koong'ung' kemouni? Imutwech kobwa saang', si kobiit kenai icheek.”

1 LAITORINIK 22:46

Ki isto eng' emet sodomik che kiga ng'et eng' peetuusyegap kwandanyi Asa.

ISAIAH 1:9

Nda ki ma pagaakwech Kamuktaindet ne Toroor ne po lugoosyek ng'etunenik che ng'ering' miising', ta kiga kiwoongwech ko uu Sodom ak Gomorah.

ISAIAH 13:19

Ak Babilon, ne ineendet ko toroornatetap laitornatosyek, ne karaaranindap menoteetap Kaldeik, koigeitu Sodom ak Gomorah ye ki igabui Kamuktaindet.

ISAIAH 33:14

Ki aragenso kiptengeginik che mi Zion; ki konam potanet che ma iywei Kamuktaindet. Mwaei icheek kole ng'oo eng' acheek ne imuuchi komeng'iis ak maat ne igeesu? Ng'oo eng' acheek ne imuuchi komeng'iis ak maat ne lalei koigeny?

JEREMIA 20:16

Ak ingoigei chiichooto nganasook che ki kogabui Kamuktaindet ne Toroor, ama sik: ak ingogas riirek karon, ak waagaat peet kween;

JEREMIA 50:40

Ko uu ye kigabui Kamuktaindet ne Toroor Sodom ak Gomorah ak nganasook che kineegite olooto, mwaei Kamuktaindet ne Toroor; uu nooto anyun ma menyei chii olooto, ama tebee olooto lakwa ne po chii.

RIREKAB JEREMIA 4:6

Amu ki koeet piretap piikyuk kosiir kergong'yetap Sodom, ne ki king'em kigabui eng' sait ne matya, ama twa chii.

HOSEA 11:8

Amuktoi ano ameteen, inyee Ephraim? Amuktoi ano asaruun, inyee Israel? Amuktoi ano ayain iige Adma? Amuktoi ano ayain iige Seboim? Kagowalak muguleldanyu, kagorira moo.

AMOS 4:11

Ki ang'em ageesu alak eng' okweek, ko uu ye king'em Kamuktaindet Sodom ak Gomorah kogees, ak kio uu mecheita ne kaginemune maat; ago tomo oweekyage, mwaei Kamuktaindet ne Toroor.

MATAYO 10:15

Amwaiwok iman ale, kaigaitu emetap Sodom ak Gomorah eng' peetuutap kirwooget kosiir nganasanooto.

MATAYO 11:24

Ago amwaiwok ale, tuun kaigaitu emetap Sodom eng' peetuutap kirwooget, kosiirin.

MATAYO 25:41

“Koleenji anyun icheek che mi murot kaataam, ‘Oba eng' ole ami, okweek che oo chubootiin, oba maat ne po koigeny ne kigechopchi chesawilyet ak malaikaisyekyik;

LUKA 17:29

ago eng' peetuut ne kimanda Lot eng' Sodom koroobon maat ak koik che laldos che ki punu kipsengwet, ak kobar tugul:

1 KORINTOEK 6:9

Anan mongen ole ma tuun nyooru icheeget che ma po iman laitornatetap Kamuktaindet? Amat kiberberak: ma mi eng' che soksei, anan che saaei kanamonik, anan che ibegei, anan chemuulkwonyiik, anan chemogorgoinik,

NG'ATUTIK 29:23

Keerei kole ki kowalak emet komugul koek tuguuk che laldos ak muunyuk, kot koma kegolei ama koiyei ama kobite suswo. Kergeitu ak ng'emisyetap Sodom ak Gomorah, Adma ak Seboim che king'em `Kamuktaindet ne Toroor kowong' eng' nereegekyik ak eng' nyitatennyi.

2 THESSALONIKEK 1:7

ak kogoonok kamuung'et kobootech, okweek che kiusei, eng' ng'ang'eetap Kiptaiyat Jeso kobunu kipsengwet kobooto malaikaisyek che po kamuktaennyi

2 THESSALONIKEK 1:8

eng' maat ne lalei, koyaakyi mugetuut icheeget che ma nai Kamuktaindet, ak icheek che ma kase iit logoiywek che myach che po Kiptaiyandennyo Jeso:

2 PETERO 2:2

Ak isubi piik che chaang' maguutikwak che yaacheen; kimwaitoe ne ya ooreetap imanit agobo icheek.

2 PETERO 2:6

ak ngot ko kigabui ak kowal nganasoogap Sodom ak Gomorah koek oreek si koek kaboorunet eng' icheek che ta kotebyei koma iywei Kamuktaindet;

2 PETERO 3:7

ago kipsengwet ak ng'wonyut che po nguno, ko ki kigonorchi maat eng' ng'olyoondonooto, kogonor agoi peetuutap kirwooget ak ng'emisyetap piik che ma iywei Kamuktaindet.