JUDA 1:25 - BUKUIT NE TILIIL Sireet ne Dutero Kanon

²⁵ kobunji Kamuktaindet ne ineegei ne Yetindennyo, eng' Jeso Kristo Kiptaiyandennyo, toroornatet, etunateet, pounateet ak kimnateet, kobooch keny, nguno ak agoi koigeny. Amen.

Bukuit Ne Tilil

²⁵ kobunji Kamuktaindet ne ineegei ne Yetindennyo, eng' Jeso Kristo Kiptaiyandennyo, toroornatet, etunateet, pounateet ak kimnateet, kobooch keny, nguno ak agoi koigeny. Amen.

BUKUIT NE TILIL

²⁵ kobunji Jehovah ne inegei, ne Yetindennyo, eng’ Jesu Kristo Kiptaiyandennyo, torornatet, etunatet, bounatet ak kimnatet, koboch keny, ak nguno, ak agoi koigeny. Amen.

JUDA 1:25 ပူးပေါင်းရင်းမြစ်များ

1 ATEPTAP PEETUUSYEK 29:11

Ee Kamuktaindet ne Toroor, neng'ung' ooindo ak kamuktaet, ak toroornatet ak katerteeret ak etunateet, amu cheguuk tuguuk tugul che mi kipsengwet ak che mi ng'wony. Neng'ung' ee Kamuktaindet ne Toroor laitornatet, ii toroorot ak ii metitap tugul.

TIENWOGIKAL 104:24

Ee Kamuktaindet ne Toroor, chaang' ne tya poisyoniguk! Ki iyai tugul eng' utaatyet; nyiitaat ng'wony mogornatosyeguk.

TIENWOGIKAL 147:5

Oo Kiptaiyandennyo, ak tinyei kimnateet ne oo kosiir; ma kimuuchi ketet ng'omnatennyi.

TIENWOGIKAL 78:20

Ogeero, kikwer ineendet rwandet, ak kisururgei peek, Konyi ainoosyek kot kong'irtagei; Tos imuuchi kogoonech magatiinik ak icheek? Anan imuuchi kogoonech panyeek?

ISAIAH 12:2

Ogeero, Kamuktaindet ko yetunennyu; amang'u, ama aiyweisyei, amu Kamuktaindet ko kimnateennyu ak ko tyendanyu; kagoek ineendet yetunennyu.”

ISAIAH 45:21

Omwaite, obarte; ee, ingorwoch tugul: ng'oo ne ki iboor ng'olyoondoniito kobooch keny? Ng'oo ne ki mwaita kobooch keny? Tos ma anee Kamuktaindet ne Toroor? Ama mi Kamuktaindet age kobatena; Kamuktaindet ne po iman, ak ko yaindet; ma mi age kobatena.

MATAYO 6:13

Amemutech ole mi yoomseet, ago sarwech eng' ne ya.” [Amu neng'ung' laitornatet, ak kamuktaet, ak toroornatet, agoi koigeny. Amen.]

LUKA 1:47

Ak kagobaibait saboondanyu eng' Kamuktaindet Yetindennyu,

JOHANA 4:22

Osae ne mongen: kisaae acheek ne kingen: amu punu yetunet Yahudik.

JOHANA 5:44

Omuuchi eng' nee oyan, che otaagegei kalasunet, amocheeng'e kalasunet ne punu Kamuktaindet ne mi ineegei?

ROMANIK 11:33

Ee tyanitu anyun ooindo ne po mogornatosyegap utaatyet ak naetap Kamuktaindet! Ak kirwoogutikyik che ma isiagaksei, ak ortinwekyik che ma cheeng'oksei!

ROMANIK 11:36

Amu pou ineendet, ak kobunu ineendet ak koweekyingei ineendet, tuguuk tugul. Punjin ineendet toroornatet koigeny. Amen.

ROMANIK 16:27

po Kamuktaindet ne utaat ineegei toroornatet koigeny, eng' Jeso Kristo. Amen.

EPESOEK 1:8

che ki yai kotesak eng' acheek eng' utaatyet tugul ak naet,

EPESOEK 3:10

si kobiit konaak eng' kaniset nguno utaatyet ne oo ne po Kamuktaindet eng' laitornatosyek ak pounatosyek eng' komoswegap kipsengwet,

EPESOEK 3:21

toroornatet eng' kaniset ak eng' Kristo Jeso agoi ibinwek tugul che po koigeny ak koigeny. Amen.

1 TIMOTEO 1:17

Ingobunji anyun nguno Laitoryat ne po koigeny, ne ma ng'emaksei, ne ma taagu, Kamuktaindet ne ineegei, teegisto ak toroornatet koigeny ak koigeny. Amen.

1 TIMOTEO 2:3

Myee niito ak ko taagaksei eng' taitap Kamuktaindet Yetindennyo;

TITO 2:10

amaek che kooen eun, ago kobarta kayaneet tugul ne myee; si kobiit kogoochi icheek telunateet kaneetisyetap Kamuktaindet ne Yetindennyo eng' tuguuk tugul.

TITO 2:13

kigeni kamang'unet ne iberuurot, nooto ko tagunetap toroornatetap Kamuktaindet nenyo ne oo ne Yetindennyo Jeso Kristo;

TITO 3:4

Ago ye kingo took talasyetap Kamuktaindet Yetindennyo, ak chamyennyi ne chamei piik,

HEBRANIK 13:8

Kergei Jeso Kristo eng' amut ak ra, ak agoi koigeny.

1 PETERO 4:11

ngo ng'alaali chii, kong'alaal ko uu arorutigap Kamuktaindet; ngo poisyei chii, kobois eng' kimnateet ne igoochin Kamuktaindet: si kobiit kitoroor Kamuktaindet eng' tuguuk tugul eng' Jeso Kristo, ne nenyi toroornatet ak kimnateet koigeny ak koigeny. Amen.

2 PETERO 1:1

Simion Petero, otwogindet ak ko ne kiyooktoi ne po Jeso Kristo, asirchini icheek che ki kenyooru tugul kayaneet ne karaaran miising' eng' imandap Kamuktaindet nenyo ak ko Yetindennyo Jeso Kristo:

2 PETERO 3:18

Ago oneryee eng' myeeindo ak naet ne po Kiptaiyandennyo ak ko Yetindennyo Jeso Kristo. Nenyi toroornatet nguno agoi koigeny. Amen.

NG'ANG'UTYET 1:6

ak koyaech keegu laitornatet, tisiik che poisyechin Kamuktaindet nenyi ak ko Kwanda; nenyi toroonatet ak kimnateet koigeny ak koigeny. Amen.