JUDA 1:24 - BUKUIT NE TILIIL Sireet ne Dutero Kanon

²⁴ Ingobunji anyun nguno ineendet ne imuuchi koriibok si mobutye, ak kondeak taitap toroornatennyi eng' poiboiyet ne oo ko motinye tisya,

Bukuit Ne Tilil

²⁴ Ingobunji anyun nguno ineendet ne imuuchi koriibok si mobutye, ak kondeak taitap toroornatennyi eng' poiboiyet ne oo ko motinye tisya,

BUKUIT NE TILIL

²⁴ Ingobunji anyun nguno inendet ne imuchi koribok si mobutye, ak kondeak taitab torornatennyi eng’ boiboiyet ne o ko motinye tisia,

JUDA 1:24 ပူးပေါင်းရင်းမြစ်များ

TIENWOGIKAL 21:6

Amu iyae ineendet koek perurto agoi koigeny; igoochini kogaskei eng' poiboiyetap togeng'ung'.

TIENWOGIKAL 43:4

Awendi anyun kaptisisyetap Kamuktaindet, ole mi Kamuktaindet ne poiboiyennyu ne siirtoot. Alasun eng' ketubet, ee Kamuktaindet, Kamuktaindennyu.

ATEPTAP LAWIK 14:11

Igoitoi tisiindet ne itiliili ineendet, chiichooto kitiliili ak tuguuchooto, eng' taitap Kamuktaindet ne Toroor, eng' kurgeetap emait ne kituiyechin.

MATAYO 16:27

Tuun nyoonei Weeriitap chii eng' liilindap Kwandanyi kobooto malaikaisyekyik, ak kogoochi chii age tugul ko uu poisyonikyik.

MATAYO 19:28

Ki leenji `Jeso icheek, “Amwaiwok iman ale, eng' kalelitetap tuguuk tugul, ye tuun tebee Weeriitap chii ng'echereetap toroornatennyi, okweek che koosubwo ko tuun otebee ak okweek ng'echerok taman ak aeng' che po laitornatet, orwookyini ortinwek taman ak aeng' che po Israel.

MATAYO 25:31

“Ye nyo Weeriitap chii eng' toroornatennyi, kobooto malaikaisyek tugul, kotebee anyun ng'echereetap toroornatennyi.

MATAYO 5:12

Oboiboitu ak ogaaskei miising', amu oo melektang'wong' eng' kipsengwet; amu ki kiusaus ko uu nooto maotik che ki indounenok.

LUKA 9:26

Amu age tugul ne ililanjino ak ng'aleekyuk ko tuun ililanjin agine Weeriitap chii chiichooto, ye tuun nyoonei eng' toroornatennyi, ak ne po Kwanda, ak ne po malaikaisyek che tiliileen.

ROMANIK 14:4

Ii ng'oo inyee ne irwookyini otwogindetap chiito age? Tononi anan kobuti eng' kiptaiyandennyi. Ee, kinamei kotonon; amu imuuchi Kiptaiyat konam ineendet kotonon.

ROMANIK 8:31

Kimwae nee anyun eng' tuguuchuuto? Ngo mi Kamuktaindet komostanyo, ko ng'oo ne kirindaech?

2 KORINTOEK 11:2

Amu ama ng'etkong' agobo okweek, eng' ng'etkonda ne po Kamuktaindet: amu ki achamwok obunji manong'otyot agenge, si kobiit amutyok Kristo ko uu pergeiyat ne tiliil.

2 KORINTOEK 4:14

kingen keele ineendet ne ki ing'eet Kiptaiyat Jeso ko tuun ing'eetech agacheek kobooto Jeso, ak kobartech kobootok.

2 KORINTOEK 4:17

Amu pichiindanyo ne nyumnyum, ne ma tebyei, koyaiywech toroornatet ne oo ne po koigeny, ne tesoksei miising' kosiir;

EPESOEK 3:20

Ingobunji anyun ineendet ne imuuchi koyai miising' inne kosiir tugul che kisoome anan che kibwaati ko uu kamuktaet ne poisyei eng' acheek,

EPESOEK 5:27

si kobiit komutyigei kaniset, nooto ne po toroornatet, ne ma tinyei kunenden anan siring'ut anan kiy age tugul ne uu nooto; ago koek ne tiliil ne ma tinyei tisya.

KOLOSAIK 1:22

eng' poortanyi ne po panyeek, eng' meet, si kobiit komutak ko oo tiliileen ko motinye tisya, amotinyei kiy ne kirwoogunenok eng' tainnyi:

KOLOSAIK 1:28

ineendet ne kimwaitoi, ak kiteechini chii age tugul ak kineeti chii age tugul eng' utaatyet tugul, si kobiit kimut chii age tugul kogesunotkei eng' Kristo;

KOLOSAIK 3:4

Ye tuun took Kristo, ne ineendet saboondanyo, otaagu anyun ak okweek kobooto ineendet eng' toroornatet.

2 TIMOTEO 4:18

Sarwo Kiptaiyat eng' poisyet age tugul ne ya, ak kosarwo agoi ait laitornatet ne po kipsengwet: nenyi toroornatet koigeny ak koigeny. Amen.

JAKOBO 2:10

Amu chiito age tugul ne riibei Ng'atuutyet komugul, ak kobut eng' ng'olyoot agenge, konamei kirwooget eng' tugul.

1 PETERO 4:13

ago oboiboitu, ko uu ye oo yamdoigap nyalilwogigap Kristo; si tuun oboiboitu eng' poiboiyet ne oo eng' ng'ang'eetap liilindanyi agine.

2 PETERO 1:10

Eng' nooto anyun che kitupche, ogiilgei miising' inne, oyai kuurseng'wong' ak leweneng'wong' kogiimit, amu ngot oyai tuguuchuuto koma koi obutye matiny.

JUDA 1:21

Oriipkei eng' chamyetap Kamuktaindet, ogeni rireenetapkei ne po Kiptaiyandennyo Jeso Kristo kot koit saboondap koigeny.

NG'ANG'UTYET 14:5

Ama ki nyoorchi kutusweekwak lembeita: ama tinyei tisya.